Петров, Дмитрий Юрьевич

Дмитрий Юрьевич Петров
Дмитрий Юрьевич Петров
Шочмо кече	1958 ий 16 сӱрем (68 ий)
Шочмо вер	Сталиногорск, Узлов район[d], Тула область, РСФСР[d], СССР;
Эл	СССР; Россий
Паша вер	Москосо кугыжаныш йот йылме институт[d];
Образований	Москосо кугыжаныш йот йылме институт[d];
Палыме	полиглот, телевӱдышӧКатегорий:Российысе телевӱдышӧ-влак]]Категорий:«Россия-Культура» каналын телевӱдышӧ-влак]], кусарыше, преподаватель
Награде ден премий-влак
Сайт	centerpetrova.com
	РУВИКИ.Медиаште медиафайл-влак

Петров Дмитрий Юрьевич (шоч. 16 сӱрем 1958, Сталиногорск, Тула область) — российысе синхрон кусарыше, КАЗГЮУ кӱкшӧ гуманитар школын профессоржо. 2012—2016 ийлаште — «Культура» телеканалын «Полиглот» реалити-шоун туныктышо-телевӱдышыжӧ.

Илыш корныжо

1975 ийыште Москосо йот йылме Морис Торез лӱмеш кугыжаныш институтыш тунемаш пурен (МГПИИЯ) (кызыт Москосо кугыжаныш лингвист университет). 2015-ше ий март тылзе марте тиде вузын кусарыме факультетшын англичан йылмым кусарымаш кафедрыштыже туныктымо пашам шуктен шоген.

Прессыште савыкталтше интервьюшто Дмитрий Петров 30 утла йылме дене палыме манын каласыме. Шкенжын мутшо почеш тудо 50 йылме дене лудын кертеш, но пашажым 8 йылме дене ышта: англичан, француз, итальян, испан, немыч, чех, грек да хинди.

Казахстан Республикын тӱвыра Министерствысе йылме Комитетшын заказше почеш ыштыме у циклан телевидений ”Tiлашар ENTER” проект почеш 2011-ше ий декабрьыште казах йылмым тунемме мотиваций курсым эртарен.

2012-шо ий январь гыч 2016-шо ий июнь марте «Культур» телеканалын «Полиглот» туныктымо программыжын телевӱдышӧ-туныктышыжо лийын. Англичан, итальян, француз, испан, немыч, хинди/урду, португал да китай йылме-влаклан туныктымо передаче-влак 8 сезон лектыныт.

Нормо почеш огыл мутвундан руш такмак-влакым йот йылмылаш кусарыше автор. Прессын уверже почеш Дмитрий Петров Михаил Горбачев, Борис Ельцин, Владимир Путин дене пашам ыштен.

2019-ше ийыште “Univer” телеканалыште татар йылмым тунемме уроклам вӱден. «Вияш ой» лекторий циклыште йылме-влакын историйышт нерген аудиокнигам, «Мутын юзыжо» да «Тӱнян йылмыже» книга-шамычым, англичан, немыч, француз, грек да испан йылмылам шке семын тунемаш учебник-влакым луктын.

2012-шо ийыщте Москошто Дмитрий Петровын лингвистике рӱдерже почылтын, тушто ондак шкежат туныктен, а кызыт тудын вуйлатымыж почеш туныктышо-влак пашам ыштат.

Еш илышыже

Ешан, ватыже — Анамика Саксена, Индийыште шочшо кусарыше. Кум йочашт уло: Демян ден Илиан эргышт да Арина ӱдырышт.

Суаптар

Россий Федераций Виктерын тӱвыра аланысе премий (2013 ий, теле тылзын 23-шо кечыже)