Одо кугыжаныш университет
| Одо кугыжаныш университет | |
|---|---|
| одо Удмурт кун университет | |
 | |
| Негызлыме ий | 1931 |
| Ректор | Мерзлякова, Галина Витальевна[d] |
| Верланымаш | |
| Сайт | udsu.ru |
 |
|
 РУВИКИ.Медиаште медиафайл-влак | |
Одо кугыжаныш университет (ОКУ, ондак Одо Кугыжаныш педагогике институт) – Ижевскыште кӱшыл тунемме вер, Удмурт Республикысе кӱшыл шинчымашым пуышо эн кугу рӱдер[К 1][R 1]. Университетын составышкыже 13 факультет, 7 институт, 18 шанче-шымлыше лабораторий, 7 представительстве, 134 кафедр, 19 тунемме-паша рӱдер пурат[R 2].
Историй
1931-ше ий 10-шо апрельыште Одо кугыжаныш педагогике институт (ОКПИ) ышталтын[R 2]. 1958-ше ийыште ОКПИ кумшо категорий гыч кугурак – кокымшыш кусаралтын, аспирантурым почаш праван. 1971-ше ий 5-ше мартыште СССР министр-влак Совет Ижевскыште Удмурт кугыжаныш университетым организоватлыме нерген пунчалым луктын[R 3].
1971-ше ий 19-ше апрельыште – СССР кӱшыл да кыдалаш специальный образований Министерствын 323-шо №-ан приказше дене ОКПИ Удмурт кугыжаныш университетыш савырнен. 1972-шо ий 29-ше декабрьыште РСФСР кӱшыл да кыдалаш-специальный образований Министерствын РСФСР Кӱшыл Каҥаш Президиумын Указше Почеш Одо кугыжаныш университетлан СССР-ЛАН 50 ий темме лӱмеш лӱмым пуымо[R 4].
2002-шо ий 20-шо сентябрь гыч университет кӱшыл профессионал шинчымашым пуышо кугыжаныш туныктымо тӧнеж «Одо кугыжаныш университет»лӱмым нумалеш. 2011-ше ий 23-шо март гыч — кӱшыл профессионал шинчымашым пуышо федерал кугыжаныш бюджет туныктымо тӧнеж «Одо кугыжаныш университет». 2016-шо ий 19-ше апрель гыч – «кӱшыл шинчымашым пуышо федерал кугыжаныш бюджет туныктымо тӧнеж «Одо кугыжаныш университет».
Структур
- Историй да социологий Институт;
- Йылме да литератур Институт;
- Одо филологийын, финно-угроведений да журналистике Институт;
- Капкыл культур да спорт Институт;
- Педагогике, психологий да социал технологий Институт;
- Сымыктыш да дизайн Институт;
- Социал коммуникаций Институт;
- Права, социал управлений да лӱдыкшыдымылык Институт;
- Экономике да виктем Институт;
- Пӱртӱс ыштыме шанче Институт;
- Математике, информаций технологий да физике Институт;
- Граждан аралымаш Институт;
- М. С. Гуцериев лӱмеш нефть да газ Институт[R 2].
Филиал-влак
- Одо кугыжаныш университетын Губкинск оласе филиал;
- Одо кугыжаныш университетын Можга оласе филиал;
- Одо кугыжаныш университетын Кудымкар оласе филиал;
- Одо кугыжаныш университетын Ӱлыл Тура оласе филиал;
- Одо кугыжаныш университетын Воткинск оласе филиал.
Тӱнямбал паша
Одот кугыжаныш университет вес элласе вуз да организаций-влак дене тӱнямбал партнёрствым чолган вияҥда, Европысо университет-влак ассоциацийын, евразийысе университет-влак Ассоциацийын, финн-угор университет-влак Ассоциацийын членже улеш.
ОКУ йот элласе вуз, тӱнямбал организаций да йот элласе посольство-влак дене шанче-туныктымо аланыште тӱнямбал вашкылым ыштыме нерген вашкылым ышта. Кок могыран соглашений дене келшышын студент-влакым Испаний, Финляндий, Корей Республикысе, Чехийысе, Германийысе, Польшысо, Италийысе вуз-влак дене академический вашталтыш шукталтеш[R 2].
ОКУ-н тӱнямбал кыл виктемже тӱрлӧ тӱнямбал проект кышкарыште пашам виктара, тыгай улыт: TEMPUS, Erasmus Mundus Triple I, Erasmus Mundus Aurora[R 2].
Ий еда кок шӱдӧ утла йот студент, туныктышо да шанче пашаеҥ ОКУ-шко толыт. Шукыштын тӱҥ шонымашыштлан руш йылмым тунеммаш шотлалтеш.
ОДУ РКИ шотышто тестирований Кугыжаныш системыште 2002-шо ий годсек пашам ышта, сандене чыла кумылан йот граждан-влак руш йылме (ТРКИ) дене вич кӱкшыт гыч кеч-могай тестированийым эртен да кугыжаныш образецан келшен толшо сертификатым налын кертыт. Тыгак ОКУ-ште РФ гражданствыш пураш руш йылме дене тестирований да пашаче мигрант-влаклан руш йылме дене тестирований эреак эртаралтеш.
Палемдымаш
Комментарии
- ↑ По количеству студентов сравнительно с другими вузами в 2006 году
Источники
- ↑ Туганаев, 2008, с. 131.
- ↑ 1 2 3 4 5 Туганаев, 2008, с. 672.
- ↑ Ежегодник БСЭ, 1972/М., Советская энциклопедия, — С. 32.
- ↑ Удмуртский государственный университет им. 50-летия СССР Министерства высшего и среднего специального образования РСФСР, г.Ижевск Удмуртской АССР, (1972г. Фондовый каталог УР (руш.). fc.gasur.ru. Тергыме кече: 27 сӱрем 2018. Архивлыме 28 сӱрем 2018 ий.
Литератур
- Удмуртская Республика : Энциклопедия / гл. ред. В. В. Туганаев. — 2-е изд., испр. и доп. — Ижевск : Издательство «Удмуртия», 2008. — 768 с. — 2200 экз. — ISBN 978-5-7659-0486-2.