Модернын тӱнямбал кечыже
| Модернын тӱнямбал кечыже | |
|---|---|
 | |
| Ыҥ | Архитектурышто, живописьыште, поэзийыште, музыкышто да моло вереат модерн стильым шарымаш |
| Ышталтын | 2013 ий июнь (Венгрий) |
| Ыштыше | Szecessziós Magazin журнал |
| Палемдат | Тӱнямбал пайрем |
| Кече | 10 пеледыш |
| Кылдалтын | тӱнямбал сымыктыш толкын дене |
Модернын тӱнямбал кечыже (англ. World Art Nouveau Day) — ий еда 10 июньышто палемдалтше пайрем[1]. Архитектур, живопись, поэзий, музыко сымыктыш-влакым моктен чапландараш манын, тыгак тудын поянлыкшым аралашлан ышталтын. Тиде кечын ончер, фотоконкурс, экскурсий[2], лудмаш-влак эртаралтыт.
Пайрем историй
Модерн кечын икымше тӱнямбал кечыж нерген шонымаш 2013 ийыште Венгрий гыч толын, тушто Szecessziós Magazin журнал сӱрет сымыктышын ешартыш усталыкше (прикладное искусство) ончерым эртарен. Тылеч вара Модерн кече ий еда европысо Réseau Art Nouveau Network (Брюссель) ден Art Nouveau European Route (Барселона) толкын-влакын виктарымыж почеш эрта. Эртарыме кечылан 10 июньым ойырымын амалже: тиде кечын ты сымыктыш йогынын кок чолга еҥже — Антоний Гауди ден Эден Лехнер коленыт.
Ойыртем
- 2013 ийыште Модернын икымше тӱнямбал кечыже чынак тӱнямбалсе лийын да Венгрийыште, Португалийыште, Финляндийыште, Польшышто, Хорватийыште, Великобританийыште, Швецийыште, Испанийыште, Бельгийыште, Германийыште, Нидерландыште эртыше мероприятий-влакым иктеш ушен[3].
- 2018 ийысе Модерн кече йӧратыме архитектор-влаклан пӧлеклалтын[2].
Икымше гана мероприятий-влак Российыште, Тамбовышто эртеныт.
- 2019 ийыште Модерн кече тошкалтыш-влаклан пӧлеклалтын. Ты кечым пайремлымашым Европысо наследий Алянс авалтен[4][5].
- 2020 ийыште Модерн кече витражлан пӧлеклалтын.
Тыгак ончо
Палемдымаш
- ↑ June 10th - World Art Nouveau Day (англ.). www.aubg.edu. Тергыме кече: 8 сӱрем 2019. Архивлыме 13 пеледыш 2021 ий.
- ↑ 1 2 Тамбовские краеведы приглашают на велоэкскурсию по шедеврам модерна (руш.). Сайт города Тамбов. go68.ru (7 пеледыш 2018). Тергыме кече: 8 сӱрем 2019. Архивлыме 5 сӱрем 2019 ий.
- ↑ 1st Art Nouveau World Day | Partage-Plus. www.partage-plus.eu. Тергыме кече: 8 сӱрем 2019. Архивлыме 16 ага 2021 ий.
- ↑ World Art Nouveau Day 2019 (англ.). Тергыме кече: 8 сӱрем 2019. Архивировано из оригинала 5 сӱрем 2019 ий.
- ↑ World Art Nouveau Day in Budapest (англ.). Funzine (29 ага 2019). Тергыме кече: 8 сӱрем 2019. Архивлыме 13 пеледыш 2021 ий.