Марий йылме да литератур дене олимпиадыште ‑ школышто тунемше-влак

Школышто тунемше-влакын марий йылме да литератур дене олимпиадышт ‑ марий йылме ден литературым арален кодымаште да вияҥдымаште, ушан-шотан тунемше-влакым пален налмаште да калыкле тӱвыра деке кумылаҥдымаште Марий кугыжаныш университетын туныктымо проектше. Олимпиаде Марий Эл Республикыште да Российын марий йылме дене мутланыше-влакын илыме икмыняр моло регионлаштыже эртаралтеш.

Историй да организаций

Олимпиаде регионысо олимпиаде толкынын ужашыже семын эртаралташ тӱҥалын. Ончыч мероприятий-влак школ да муниципал район кӱкшытыштӧ эртеныт, а вара регион да регион-влак кокласе проект статусым налыныт. Олимпиадым вияҥдымаште тӱҥ сомылым Марий кугыжаныш университет шуктен, иктешлыше этапым эртараш тӱҥ площадке лийын. Университет школышто тунемше, туныктышо да шымлызе-влакым ушышо организатор, координатор да методике рӱдер улеш. Марий Эл Республике, Татарстан, Башкортостан, Киров да Свердловск кундемласе вуз-партнёр да образовательный тӧнеж-влакат олимпиадым ямдылымаште да эртарымаште участвоватлат.

Проектын цельже ден задачыже-влак

Марий йылме да литератур дене олимпиаде университетын социально-образовательный проектше семын ончалтеш, тудо виктаралтын:

уста тунемше-влакым пален налаш;
марий йылмым да литературым туныктымо качествым саемдаш;
гуманитарный дисциплине ден этнокультурный наследий дек кумылаҥдаш;
Российын шуко национальностян кумдыкыштыжо марий тӱвыралан полышым пуаш да тудым чапландараш.

Структур да этап-влак

Олимпиаде кум этап дене эртаралтеш:

Муниципал этап ‑ Марий Эл Республикысе район ден олаласе школлаште эртаралтеш.
Регионысо этап ‑ Марий кугыжаныш университет негызеш эрта.
Регион-влак кокласе этап ‑ пошкудо республик ден областьла гыч тунемше-влакым уша.

Заданийлашке лексике да грамматике дене тест-влак, сылнымут произведенийым лончылымаш, тыгак усталык сочинений пурат. Тыгай структур участник-влакын академике шинчымашыштым да творческий усталыкыштым пален налаш полша.

Олимпиадын федерал лӱмерышкыже пуртымаш

2023-шо ийыште Россий Федерацийысе Федерал Погынымаш Федераций Советын инициативыже да полшымыж дене школышто тунемше-влакын шочмо йылмышт дене олимпиадыштым организоватленыт, школышто тунемше-влакын олимпиадыштын Федерал переченьышкышт пуртеныт.

Олимпиадын чумыр организаторжо ‑ Йӱдвел-Эрвел федерал университет, а марий йылме дене соорганизатор да координатор — Марий кугыжаныш университет.

Иктешлыше этапыште сеҥыше ден призёр-влакын Россий вузлашке тунемаш пурымышт годым льготышт лиеш, тыгак вступительный тергымаш деч посна тунемаш пурен кертыт.

Школышто тунемше-влакын участвоватлымышт

Участник-влакын чотышт ий еда кугуак кодеш. Олимпиаде Российын тӱрлӧ регионлаже гыч 3000 тӱжем утла школьникым авалта.

Проектын значенийже

Марий йылме да литератур дене олимпиаде Марий кугыжаныш университетын кӱлешан проектшылан шотлалтеш. Тудо иканаште икмыняр функцийым шукта:

образовательный ‑ йылмым да литературым келгынрак тунемаш полша;
тÿвыра ‑ марий йылмым материальный огыл наследийын элементше семын арала да пойдара;
социальный ‑ тӱрлӧ регионла гыч тунемше-влакым уша да этнос-влак кокласе кылым пеҥгыдемда;
профориентационный – университетыш мотивированный абитуриент-влаклан тунемаш пураш йӧным ышта.

Проект марий йылмын статусшым пеҥгыдемдаш да самырык-влак коклаште гуманитарный образований деке шÿман лияш полша.

Тыгак ончо

Марий йылме
Марий кугыжаныш университет
Школышто тунемше-влакын олимпиадыштын Федерал переченьышт

Категорий-влак

Категорий: Российыште тунемше-влакын олимпиадышт

Категорий: Марий йылме

Категорий: Марий кугыжаныш университет

Категорий: Марий Элыште образований