Курайын кечыже
| Курайын кечыже | |
|---|---|
 Кураист Айбулат Рахматуллин | |
| Ыҥ | семӱзгарым чапландарымаш |
| Палемдат | 10 шыжа |
| Пайремлымаш | концерт, конкурс да мастер-класс-влак эртаралтыт |
| Кылдалтын | Башкортостан Республикысе кураист-влакын Кугыжаныш ансамбльын икымше концертше дене |
Курайын кечыже — Пошкыртын ик тамгажлан пӧлеклыме пайрем. Пошкыртышто у пайремым ыштыме нерген кӱштыкеш кундемым вуйлатыше Радий Хабиров кидым пыштен да Курайым шоктышо-влакын концерт-презентацийыштышт 2024 ий 10 октябрьыште увертарен[1]. Пайремын шонымашыже — курай калыкле семӱзгарым арален кодаш да чапландараш[2].
Пайрем историй
Курай — калык йӱла да пошкырт-влакын тӱвырашт дене чак кылдалтше семӱзгар. 2021 ийыште Пошкырт кундемысе тамга (бренд) семын сералтын[3][4]. 2024 ий апрельыште Пошкырт Республикым Вуйлатышын Р. Ф. Хабировын кӱштымыж почеш Пошкырт Республикысе курайым шоктышо-влакын кугыжаныш ансамбльыштым ыштыме. Ансамбльын вуйлатышыжлан Российын сулло, Пошкыртын калык артистше Азат Айткуловым шогалтыме. Шкенжын икымше концертшым у коллектив «Пошкырт» / «Башкортостан» кугыжаныш концерт залыште эртарен[5].
Курайым шоктышо-влак кугыжаныш ансамбльын концерт-презентацийышт годым Радий Хабиров увертареныш: 10 октябрьыште у пайрем — Курайын кечыже палемдалташ тӱҥалеш. Ончышо-влак регион вуйлатышын тиде увержым совым рӱж кырен вашлийыныт.[1][6]
Курайын кечыже калыкле семӱзгарым калыкыште шараш да калыкле сем сымыктышым вияҥдымашке виктаралтын. Пайрем мероприятий-влак самырык-влакым курай дене шокташ, тыгак кушкын толшо тукымын усталык шӱлышыжым вияҥдаш полшат. Тиде кечын республикыште концерт, ончер да мастер-класс-влак эртат.
Палемдымаш
- ↑ 1 2 Глава Башкирии учредил новый праздник - День курая. Башинформ (10 шыжа 2024).
- ↑ Указ Главы Республики Башкортостан от 10 октября 2024 года №УГ-1053 «О Дне курая в Республике Башкортостан». Официальный Интернет-портал правовой информации Республики Башкортостан (10 шыжа 2024). Тергыме кече: 10 шыжа 2024.
- ↑ Субъекты Российской Федерации, для региональных товаров которых зарегистрированы географические указания (ГУ) и наименования мест происхождения товаров (НМПТ) Архивысе копий 25 вӱдшор 2021 гыч // Роспатент
- ↑ Курай зарегистрировали в качестве территориального бренда Башкортостана. «Башинформ» мәғлүмәт агентлығы, 2018, 1 март (руш.) (Ончымо кече: 2 ӱярня 2018)
- ↑ Государственный ансамбль кураистов Республики Башкортостан. Башкирская государственная филармония имени Хусаина Ахметова.
- ↑ В Башкирии учредят новый праздник. УфаLIVE.