Кочофа, Анисет Габриэль
| Анисет Габриэль Кочофа | |
|---|---|
| фр. Anicet Gabriel Kotchofa | |
 | |
| Шочмо кече | 27 пургыж 1959 (67 ий) |
| Шочмо вер | |
| Паша сомыл | Дипломат, тӱнямбал спорт функционер |
| Награде да премий |
Бенин Республикысе Калыкле Орденын командоржо, |
Анисет Габриэль Кочофа (шоч. 27 пургыж 1959, Бенин[d]) — дипломат, мер пашаеҥ, тӱнямбал спортышто пашам тӧрлен шогышо. Бенин Республикын Россий Федерацийыште да СНГ эллаште эрма (чрезвычайный) да лӱмын колто кылъеҥ (2012—2016), Российын образований да наукын колтымъеҥже (2023 ий гыч). Российыште йот элласе студент-влакын ассоциацийыштым негызлыше икымше президентше. Кӱшыл тунемме тӧнежым тунем лекше-влакын Тӱнямбал координаций каҥашын (ИНКОРВУЗ) Тӱҥ директоржо. 2019—2023 ийлаште Универститет спортысо тӱнямбал федерацийжын (FISU) Исполнительный комитетын йыжъеҥже. Panathlon International (PCU Committee) университетысе комитетын тӱҥ секретарьже. Тӱнямбал кыл шотышто Тӱҥ комиссар, экономике вашкыл шотышто Евразий организацийысе Тӱҥ секретарьын алмаштышыже. Геолог-минерал шанчын кандидатше, М. В. Ломоносов лӱмеш Моско кугыжаныш университетын доцентше, Пенза кугыжаныш университетын профессоржо, 12 университетын чапланыше профессоржо.
Илыш корныжо
1959 ий 27 февральыште Бенин Республикыште шочын.
1987 ийыште И. М. Губкин лӱмеш Моско нефть да газ институтым «Нефть да газан верын геологийже да кычалмаш» специальность дене, вара — И. М. Губкин лӱмеш нефть да газ РГУ-н аспирантурыжым тунем лектын. Геолог-минерал шанче кандидат степеньым сулымо диссертацийым арален.
1996 ийыште Российыште йот элласе студент-влакын ассоциацийыштым (АИС) негызлен да 2013 ий марте тудын президентше лийын. Кызыт — ты Ассоциацийын Кугырак-влак каҥашысе председательын алмаштышыже.
2012—2016 ийлаште — Россий Федерацийыште да СНГ эллаште Бенин Республикын эрма да тичмаш ӱшанъеҥже (посол). Тунамак — Российыште рушла ойлышо ӱшанъеҥ-влак клубышто президент.
2000-ше ийла тӱҥалтыш гыч тӱнямбалне кугу пашам шукта. 2007 ий гыч 2016 ий марте — Тӱнямбалсе бенин граждан-влак диаспорын Кӱшыл каҥашын Президентше. 2017 ий гыч — «Африкысе паша темлымаш» Ушемын кугыжаныш кучем, виктарыше да дипломатий кышкарже дене кыл кучымо шотышто председательын алмаштышыже. Кӱшыл тунемме тӧнежым тунем лекше-влакын Тӱнямбал координаций Каҥашын (ИНКОРВУЗ) Тӱҥ директоржо. Тӱнямбал кыл шотышто Кӱшыл комиссар, Евразий организацийын экономике вашкыл шотышто Тӱҥ секретарьын алмаштышыже.
Ондак — полупрофессионал спортсмен, куштылго атлет, футболист. 2000-ше ийла тӱҥалтыш гыч — тӱнямбал спорт организацийын виктарымаштыже. 2002 ий гыч — Panathlon International (PCU Committee) университетысе комитетын Тӱҥ секретарьже (ондак — университет-влак кокласе тӱнямбал спорт федераций). 2019—2023 ийлаште — Универститысе спортын тӱнямбал федерацийжын (FISU) Исполнитель комитетын йыжъеҥже.
1994 ий гыч Российын да СНГ-н университетлаште чолган туныктымо пашам шукта. 1994—2013 ийлаште — туныктышо, И. М. Губкин лӱмеш нефть да газ РГУ-н Нефтьым да газым кычалме да разведкын теорий негызше кафедрын доцентше. 2007—2016 ийлаште — Российысе калык-влакын келшымашышт университетын Курык да нефть паша кафедрын туныктышыжо, доцентше. 2000—2013 ийлаште — Москосо экономике да права академийын туныктышыжо, доцентше. 2013—2015 ийлаште — Пенза кугыжаныш университетын экологий кафедрыжын туныктышыжо, профессоржо. 2017 ий гыч — М. В. Ломоносов лӱмеш МГУ-н Геолог факультетын Шымлыше кафедрын туныктышыжо, доцентше.
12 университетын чап профессоржо, тыгак В. Г. Шухов лӱмеш Белгород кугыжаныш чоҥымо материал технологий университетын, Уралысе кугыжаныш экономике университетын, А. С. Пушкин лӱмеш Руш йылме кугыжаныш институтын, Астраханьысе кугыжаныш университетын да т. м. Россий Федерацийын виктерже пелен Финанс университетын Кугырак еҥ-влак (Попечитель) каҥашын йыжъеҥже.
Российысе пӱртӱс наука академийын йот эллысе йыжъеҥ-корреспондентше. Валдай клубын да икмыняр тӱнямбал организацийын иктешъеҥже (экспертше).
Кугыжаныш да посна аланысе суаптар дене суапландарыме. Бенин Республикысе Калыкле Орденын командоржо.
2023 ийыште «Российын образований да шанчын колтымъеҥже»[1].
Французла, англичанла, рушла кутыра да Бенинын, Нигерийын икмыняр калыкле йылмылаштым пала.
Еш
Ешан, кок йочаже уло[2].
Палемдымаш
- ↑ У России появились послы образования и науки (руш.). Министерство науки и высшего образования Российской Федерации. Тергыме кече: 26 кылме 2023.
- ↑ Кочофа Анисет Габриэль | биография и последние новости (руш.). ФедералПресс. Тергыме кече: 29 идым 2025.