Кочкыш йӧрвар лӱдыкшыдымылыкын тӱнямбал кечыже
| Кочкыш йӧрвар лӱдыкшыдымылыкын тӱнямбал кечыже | |
|---|---|
 | |
| Ыҥ | Тӱнямбалсе южо регионышто шужымашым сеҥен кертмаш, айдеме тукымын таза илыш йӱлам кучаш тӱҥалмыже |
| Ышталтын | 2018 ий 18 декабрьыште, 73/250 Резолюций |
| Ыштыше | ООН-ын Генеральный Ассамблейже |
| Палемдат | Тӱнямбал пайрем |
| Кече | 7 пеледыш |
Кочкыш йӧрвар лӱдыкшыдымылыкын тӱнямбал кечыже (англ. World Food Safety Day) 2019 ий гыч тӱҥалын 7 июньышто палемдалтеш[1]. Мландысе посна кундемлаште шужен илымын азапым веле огыл, таза илыш йӱлам, шот-радамым кучен илаш, тидын шотыштак кочкыш йӧрвар лӱдыкшыдымылыкым илышым улаҥдыме йӱлалан эҥерташ туныктышо пайрем.
Историй
2016 ий декабрьыште «Алиментариус Кодекс» комиссийын 39-ше сессийже ик ой дене ООН-ын кышкарыштыже ий еда Кочкыш йӧрвар лӱдыкшыдымылыкын тӱнямбал кечыжым палемдаш пунчалын[2].
Глобальный манме, чыла ийготан еҥ-влакым авалтыше, поснак 5 ияш марте йочан да пеш шагал парышан эллаште, кочкыш ден кылдалтше чер улмым умылен, ООН-ын Генеральный Ассамблейже увертарен: кажне ийын 7 июньышто Кочкыш йӧрвар лӱдыкшыдымылыкын тӱнямбал кечыжым эртараш. 2020 ийыште Тазалык аралтыш тӱнямбал ассамблей кочкыш дене кылдалтше черын чотшым иземдаш манын лӱдыкшӧ кочкыш йӧрварым лукмым чарыме нерген пунчалым луктын. (ВОЗ) ден ООН-ын кочкыш йӧрвар да ялозанлык организацийже Кочкыш йӧрвар лӱдыкшыдымылыкын тӱнямбал кечыжым иктеш пайремлат да моло тӱрлӧ кугыжаныш организацийламат пырля лияш ӱжыт[3].
Палемдымаш
- ↑ Всемирный день безопасности пищевых продуктов 2020 (руш.). ФБУЗ «Центр гигиенического образования населения». Роспотребнадзор. Тергыме кече: 25 кылме 2021. Архивлыме 25 кылме 2021 ий.
- ↑ День безопасности пищевых продуктов - Основные сведения (руш.). ООН. Тергыме кече: 25 кылме 2021. Архивлыме 25 кылме 2021 ий.
- ↑ Всемирный день защиты пищевых продуктов 2021 г. (руш.). ВОЗ. Тергыме кече: 25 кылме 2021. Архивлыме 25 кылме 2021 ий.
Кылвер-влак
- Всемирный день безопасности пищевых продуктов 7 июня (руш.). ООН. Тергыме кече: 25 кылме 2021.