Йоча телевидений да радиовещанийын кечыже
| Йоча телевидений да радиовещанийын кечыже | |
|---|---|
 кумдан палыме Российысе йоча телевӱдышӧ Валентина Леонтьевалан чапкӱ | |
| Тӱрлылык | Официал огыл пайрем |
| Вес семын | «МДДТиР» |
| Ышталтын | ЮНИСЕФ |
| Палемдат | Мланде |
| Кече | 1994 ийыште |
| Пайремлымаш | ӱярня тылзын икымше рушарняже |
«Йоча телевидений да радиовещанийын кечыже» (англ. International Children’s Day of Broadcasting) — эн нӧргӧ ончышо-влаклан телевидений да радиопостановко-влакым ямдылыше чыла еҥ-влак профессионал пайремышт. «МДДТиР» тӱня мучко ий еда, мартысе икымше рушарнян палемдалтеш.
Историй ден пайрем
«Йоча телевидений да радиовещанийын кечыжым» 1994 ий апрельыште Канна олаште ООН-ысо Йоча фондын темлымыж почеш тӧнежлыме.
Планетысе шӱдӧ утла эллаште тӱжем утла рӱдӧ, кундемысе, оласе телевизор канал ден радиостанций-влак шке эфир жапыштым йочалык телепрограммылан да радиопостановкылан ойырат. Тидлан кӧра «Йоча телевидений да радиовещанийын кечыже» уло тӱня мучко йоча-влаклан шкешотан пайремыш савырнен, вет нуным йоча кино да мультипликаций фильм-влакын йӧратыме геройышт дене, тыгак йоча ден самырык-влакын радиопередачысе талешке дене вашлиймаш вуча.
Тылеч посна, пайремым эртараше ЮНИСЕФ-ысе еҥ-влакын шонымышт почеш (йоча-влаклан полышым пуышо эрма тӱнямбал фонд) тиде кече мер калыкын тӱткышыжым йоча да самырык-влакын праваштым пудыртымо дене кылдалтше йодышлан ойырышаш. ООН-ын Йоча фондшо чыла СМИ-лан тыге темла: йочам сымыстарыше программе-влак деч посна, эфирыш туныктымо программымат лукташ, тушечын тӱнясе чыла йоча ден самырык еҥ-влак нунылан умылаш лийме йылме дене да йӧнан сӱрет гоч шке правашт нерген пален налын кертышт[1].
Тыгак ончо
Палемдымаш
- ↑ International Children’s Day of Broadcasting Архивировано 9 шыжа 2007 года.