Йочан тӱнямбал кечыже
| Йочан тӱнямбал кечыже | |
|---|---|
 | |
| Кече | 20 кылме |
Йочан тӱнямбал кечыже (англ. Universal Children's Day, исп. Día Universal del Niño , фр. Journée mondiale de l'enfance) — пайрем, кудыжым ООН-ын Генерал Ассамблейже 1954 ийыште (836-шо №-ан резолюций (IX)) чыла эл-влаклан 1956 ий гыч пайремлаш темлен. Резолюций почеш ты пайрем йоча-влакын эсенлыкыштым саемдымашке, ООН-ын пӱтынь тӱня мучко йоча-влакын илыш йӧныштым саемдыме пашам пеҥгыдемдымашке виктаралтын.
Генерал Ассамблей тиде пайремым тунам да тудо йӧн дене палемдаш темлен, кудо кажне кугыжанышлан пайдам пуа. Туге гынат, ООН-ын офмциал документше дене келшышын, Йочан тӱнямбал кечыже 20 ноябрьыште палемдалтеш. Тиде кечын, 1959 ийыште, «Йочан праваж нерген Декларацийым» лукмо, а 1989 ийыште — «Йочан праваж шотышто конвенций» шочын.
Йочан кечыштыже тӱрлӧ фирме ден организаций-влак суапле пашалан пӧлеклалтше акцийым, таҥтошкал эртымашым да флешобым увертарат.
Вес эллаште
- Парагвайыште Йоча кечын 16 августышто эртаралтеш. Тиде кечын, 1869 ийыште, Акоста-Нью кредалмаште — Парагвай сарын ик эн пытартыш вашпижмаш годым — 9 гыч 15 ияш марте 3500–4000 наре йоча Бразилийын да Аргентиныш керылт пурымыж ваштареш, Шочмо Элыштым аралаш шогалыныт. Тиде кредалмаште йоча-влак чыланат коленыт.
- Панамыште — июльын кумшо рушарняже пайремлат[1].
Палемдымаш
- ↑ день ребёнка в Панаме (руш.). Тергыме кече: 18 сӱрем 2020. Архивлыме 18 сӱрем 2020 ий.