Журналист-влакын икоян улмо тӱнямбал кечышт
| Журналист-влакын икоян улмо тӱнямбал кечышт | |
|---|---|
 | |
| Кече | 8 идым |
Журналист-влакын икоян улмо тӱнямбал кечышт (англ. International Day of Journalists' Solidarity) — журналист, корреспондент, репортёр-влакын иктеш лийме интернационал кечышт, планете мучко ий еда 8 сентябрьыште палемдалтеш[1].
Историй ден пайремлымаш
Журналист-влакын икоян улмо тӱнямбал кечышт 1958 ийыште шочын, Журналист-влак тӱнямбал организацийын (МОЖ) IV конгрессшын — тӱняште эн тошто да эн кугу интернационал журналист ушемын пунчалже почеш[2].
Тӱнямбал кечым эртарашлан тиде кечым тыглай ойырымо огыл. Лач тиде кечын, 1943 ийыште, Берлиныште, нацист-влак чехословак журналист, сылнымут да театр критик, публицист, чехословак компартийын чолгаеҥжым, 1942 ий апрельыште гестапон арестоватлыме Юлиус Фучикым казнитленыт. Эсогыл нацист пырдыж коклаштат Юлиус шке пашажам коден огыл, «Репортаж с петлей на шее» (чех. Reportáž psaná na oprátce) книгам возен шуктен, тидлан колымекыже, 1950-ше ийыште Тынысын тӱнямбал премий дене палемдалтын.
Йӱла почеш журналист-влакын иктеш лийме кечын планете мучко погынымаш, конференций-влак эртат, тушто тӱнямбалсе тӱрлӧ эл гыч журналист-влак вашлийыт. Нине профессионал погынлаште нылымше кучемын еҥышт шке журналист илышышт нерген каласкалат да утларак сулышо-влакым палемдат.
Палемдымаш
- ↑ [www.calend.ru/holidays/0/0/576/ Международный день солидарности журналистов — 8 сентября. История и особенности праздника в проекте Календарь Праздников 2010]
- ↑ 63 года исполняется сегодня Международной организации журналистов