Дипломатий пашаеҥын кечыже
| Дипломатий пашаеҥын кечыже | |
|---|---|
 РФ МИД | |
| Тӱрлылык | профессионал пайрем |
| Вес семын | «Дипломатын кечыже», «Диппашаеҥын кечыже», «Россий дипломатийын кечыже» |
| Ышталтын | Россий Федераций Президентын кӱштыкше почеш |
| Палемдат | Россий Федераций |
| Кече | 2002 ий 31 шыжа |
| Пайремлымаш | 10 пургыж |
| Кылдалтын | Посольский приказым ыштыме дене |
 Медиафайлы на РУВИКИ.Медиа | |
«Дипломатий пашаеҥын кечыже» — Россий Федерацийыште ий еда 10 февральыште палемдыме чыла дипломатий пашаеҥ-влакын профессионал пайремышт. Каныш кече огыл.
Историй ден пайрем
«Дипломатий пашаеҥын кечыже» 2002 ий 31 октябрьыште Россий Федераций Президент Владимир Владимирович Путинын 1279-ше №-ан кӱштыкшӧ почеш лийын, тушто каласыме: «Дипломатий пашаеҥын кечым палемдаш да тудым 10 февральыште пайремлаш»[1].
Российын президентше 10 февраль кечым пайремлан тыглай ойырен огыл, тиде Российын икымше йотэл политике ведомствыжын историйже дене — Посольский приказ дене кылдалтын. Тиде кечылан эн тошто шарныктыш 1549 ийлан шотлалтеш, тудын икымше вуйлатышыже подьячий Иван Михайлович Висковатов (Висковатый) лийын, тудлан Русьын кугыжаже Иван Грозный «посол пашам тӧрлаш кӱштен». Туге гынат Висковатый посол пашалан шагал жапым ойырен, садлан посол кӱштык пашалан Андрей Васильев пижын[2].
1718–1720-шо ийлаште Посол кӱштык Йотэл паша коллегийыш савырнен[3]. 1802 ийыште император Александр I Йотэл паша министерствым ыштен — тачысе РФ МИД-ше. Тыгодым Йотэл паша коллегий йомын огыл, но эркын-эркын чыла кӱлешан сомылжо МИД-лан куснен. Коллегийым 1832-шо ийыште йӧршеш петыреныт.
2009 ийыште РФ премьер-министрже Владимир Путин «Диппашаеҥын кечыже» вашеш «Россий Федерацийын йотэл паша министерствыжын пашаеҥже ден ветеранже-влаклан» саламлымашым колтен, туштыжо кызытсе Россий федерацийысе дипломат-влакын пашашлан акым пуымо:
Мемнан элын йот элла дене кылдалтше политике курсшым илышыш шыҥдарыме шотышто Россий дипломатий ик эн тӱҥ верым налеш, Российын калыкле интересшым пеҥгыдын куча, тӱняште икшырымын вияҥме да лӱдыкшыдымылыклан йӧным ыштымашке кугу надырым пышта. Патырлык, профессийысе кӱкшӧ моштымаш да интеллектуал куатше Российын тӱнямбал авторитетым пеҥгыдемдаш, умбакыже илышкыл-экономикым вияҥдашлан сай йӧным ышта.
Тыгак ончо
Палемдымаш
- ↑ Текст Указа. Дата обращения: 1 пургыж 2018. Архивировано 9 сорла 2020 года.
- ↑ Страница 6. Дата обращения: 9 пургыж 2010. Архивировано 20 вӱдшор 2013 года.
- ↑ История внешнеполитического ведомства России. Историко-документальный департамент МИД России. Дата обращения: 1 пургыж 2018. Архивировано 1 пургыж 2018 года.