Третьяк, Владислав Александрович
 Владислав Александрович Третьяк | |
|---|---|
 | |
| Позиций | вратарь |
| Кужыт | 185 |
| Нелыт | 79 |
| Хват | шола[d] |
| Шолыплӱм | Русская стена |
| Эл | |
| Шочмо кече | 25 вӱдшор 1952[1][2] (74 ий) |
| Шочмо вер |
|
 РУВИКИ.Медиаште медиафайл-влак | |
Владисла́в Алекса́ндрович Третья́к (шоч. 25 вӱдшор 1952[1][2], Орудьево[d], Моско область) — тале совет хоккеист, капкаорол. 1969-1984 ийлаште ЦСКА командын да Совет Ушем чумыр командын капкажым оролен. Совет Ушем чемпионатлаште 482 матчым модын эртарен; тӱнямбал чемпионат да Олимпий Модмашлаште 117 матчым. Канадын Кубокшо верч турнирлаште - 11 матч.
2003 ий гыч - Россий Федераций Кугыжаныш думын депутатше. 2006 ий гыч - российысе хоккей Федерацийын президентше.
Йоча пагыт
Спорт дене Владислав Третьяк 11 годымжо шӱмаҥын. ЦСКА клубын самырык спорт школыш тудым аваже конден. Тренер-влак эн ончыч коньки дене шеҥгеке кудалыштын моштышо-влакым ойыреныт. А Третьяк тиддеч ончыч кажне рушарнян катокышто мунчалтыме мастарлыкым поген. Сандене, тудым, да эше кум эргым москосо клубыш налыныт. Тӱҥалтышыште Третьяк форвард олмышто модын, но тудын вургемже лийын огыл. Чыланыштлан вургем ситен огыл. А тудо жапыште командын капкоролжо лийын огыл. Владислав тренер дек толын да каласен: "Мыланем профессионал вургемым пуеда гын, мый капкам оролаш тӱналам". 1967 ийыште самырык капкаоролым ЦСКА тренер Анатолий Тарасов ужын шуктен. Третьяк ынде профессионал-влак дене пырля ямдылалташ тӱҥалеш.
|
Легендыш пурышо хоккеист-влак дене пырля ик пӧлемыште шинчыме, ЦСКА клубын пансионатыште илыме дене мый кугешненам. | 
|
- тыге самырык хоккеист ойлен. Кеҥежым команде кечывалвелыш каен, Владислав самырык-влакын командыш пӧртылын.
Совет Ушемын самырк чумыр командыже Европо чемпионатыш кая, Владиславым кокымшо капкаорол семын налыт. Команде кокымшо верым налеш, шочмо элыште нуным огыт мокто. Но шке командыж дене Третьяк Моско чемпион лӱмым сула, эн сай капкаорол семын пӧлекым налеш. Ик ий гыч Гармиш-Партенкирхен олаште Совет Ушем икымше лиеш. Владислав Третьяк "20" номер почеш модын.
Политике да мер паша
2025 ий 8 июльышто Украинысе Хмельницк вел суд Кугыжаныш Думын депутатшым да хоккей дене шуко гана лийше ончычсо тӱнямбал чемпионым 15 ийлан чеклык коклаш петыраш заочно пунчалын[3].
Палемдымаш
- ↑ 1 2 Третьяк Владислав Александрович // Большая советская энциклопедия (руш.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.
- ↑ 1 2 Vladislav Tretiak // Encyclopædia Britannica (англ.)
- ↑ {{cite web|author=|datepublished=|url=https://tass.ru/mezhdunarodnaya-panorama/24455987%7Ctitle=Валуева и еще 10 депутатов ГД заочно приговорили на Украине к 15 годам тюрьмы|lang=ru|publisher=ТАСС|accessdate=2025-07-09}