Ассирий У ий
| Ассирий У ий | |
|---|---|
 2008 ий 1 апрельыште Дахук олаште (Ирак, Курдистан регион) Акиту ассирий фестиваль | |
| Кече | 1 вӱдшор |
 РУВИКИ.Медиаште медиафайл-влак | |
Ассирий У ий[1] (сир. ܚܕ ܒܢܝܣܢ Kha b' Nisan/Ha b' Nisin[2] — икымше апрель; ассир. ܪܫܐ ܕܫܢܬܐ Resha d-Sheta; ассир. ܐܟܝܬܘ Akitu) — 1 апрельыште эртарыме, шошо толмылан пӧлеклалтше, ассирий пайрем.
Ассирий еҥ-влак тиде кечын парадыш, калыкле куштымаш касыш коштыт, тыгак общинын погынымо рӱдерлаш чумырген, тӱнян ышталтмыж нерген почеламутым колышытын эртарат. Тыгак йӱлаш пурышо вургемым чийыме шот уло. Ассирийысе у ий кечым пайремлымаш тыгак Касвел Европышто да США-н ассирийский общинылаште шарлен. Ассирий-влакын ик эн сылне да ӧрыктарыше У ий пайремышт Чикагошто эрта[3]. 2004 ийыште Калифорнийын губернаторжо Арнольд Шварценеггер Ассирийский У ий кече дене штатын ассирий общиныжым саламлен[4].
Ассирийысе яллаште ӱдыр-влакын, пӧрт леведышыште пеледыш ден кушкылым чумырен, «апрельысе шошо пондашым» погаш йӱлашт аралалт кодын[5].
Сирийын правительствыже, кушто утларак ассирий-влак илат, ты пайремым кугыжаныш пайрем семын ок акле да тудын палемдымым сайлан ок шотло, туге гынат тиде элыште илыше ассириец-влак тудым пайремлат[6]. Тыге, 2002 ийыште ассириец-влак У ийым тӱшкан сӱан кече дене вашлийыныт, тыште 16 мужыр шочын да 25 000 еҥ чумырген[7]. Турцийын республике лиймекыже, пайремым эртараш чаралтын, лач 2005 ийыште, Турцийын ЕС-ыш писынрак пураш тыршыме либерал мера-влаклан кӧра гына, угыч эртараш йӧным ыштеныт[8][9].
Ассирийысе У ийым ик эн кугун палемдымаш Ассирий демократ толынын тыршымыж дене 2008 ийыште Иракыште эртен. Пайремысе таҥтошкал эртымашке 45 гыч 65 тӱжем еҥ марте ушнен. Иракыште Садам Хусейнын вуйлатыме жапыште элын виктерже ты пайремым палемдаш чаракым ыштылын[10][11].
Палемдымаш
- ↑ Michael Chammas. «Assyrian new year». Fairfield Champion. 26 March 2008. Архивировано 6 сорла 2008 года.
- ↑ AUA Release March 26, 2006. Архивировано 20 кылме 2008 года.
- ↑ April 2005 Архивировано 12 пургыж 2010 года.
- ↑ Governor’s letter to Assyrian community Архивировано 8 теле 2006 года.
- ↑ Ashor Giwargis. Al-Nahar Newspaper. Beirut, Lebanon. April 14 2002. Тергыме кече: 27 теле 2011. Архивлыме 14 пургыж 2012 ий.
- ↑ UNHCR | Refworld | Assyrians Celebrate New Year. Тергыме кече: 27 теле 2011. Архивлыме 7 шыжа 2012 ий.
- ↑ Assyrian New Year Celebration in the Homeland — 6752. Тергыме кече: 27 теле 2011. Архивлыме 18 ӱярня 2020 ий.
- ↑ Assyrians Celebrate New Year for First Time in Turkey (SETimes.com). Тергыме кече: 27 теле 2011. Архивлыме 20 ӱярня 2012 ий.
- ↑ Erkan’s field diary: Архивировано 1 идым 2006 года.
- ↑ at Helentalia.com Архивировано 12 пургыж 2010 года.
- ↑ Zinda 31 March 2008 Архивировано 2 вӱдшор 2009 года.