DeepSeek (йылме модель)

РУВИКИ — эрыкан энциклопедий гыч материал
DeepSeek
Логотип программы DeepSeek
Скриншот программы DeepSeek
Тӱрлылык кугу йылме модель
Ыштызе DeepSeek
Интерфейсын йылмыже шуко йылман, тыгак рушла
Икымше лукмаш

2023 ий 2 кылме (DeepSeek Coder)

2023 ий 29 кылме (DeepSeek LLM)
Аппарат платформо-влак браузер, приложенийым программироватлыме интерфейс, IOS да Android
Пытартыш версий (2025 ий шорыкйол)
Состояний пашам ышта
Лицензий Почмо
Сайт deepseek.com

DeepSeek — тиде почмо тӱҥалтыш кодан йылме модель-влакын ешышт, тудым искусственный интеллектын тыгаяк лӱман ик китай лабораторий ямдыла. DeepSeek-V3 ден логикан задачым решатлашлан «шонышо» DeepSeek-R1 чат-ботан кугу йылме-влакын модельыштын пеш у версийышт конкурент-влакын ямдылкалымышт (келшен толшын GPT-4о але Open AI-o1, тыгак моло касвел компаний-влак деч тыгаяк модель-влак) дене таҥастарымаште естественный манме йылме-влакым, математике задаче-влакым да программироватлымашым тӧрлатылмаште иктӧр але эн сай палдырым ончыктат[1][2][3][4].

Тыгодым, DeepSeek-ын пеҥгыдемден ойлымыж почеш, нунын модельышт туныкташ да пашаштлан полшаш ресурсым ятырлан шагал йодыт, тыгак Россий гыч да тӱнясе кеч-могай вес элла гычат пайдаланыше-влаклан пурашышт корно огеш шыгыремдалт[2][5]. Тылеч посна, модельым кучылтмо ак касвел конкурент-влак деч кокла шот дене 96%-лан изирак[6][7].

2025 ий 20 январьыште DeepSeek-R1 модельын рынкыш лекмыже США-се технологий компаний-влакын (шонен лукмо уш-акыл сферыште ыштыше-влакынат, шотлышо оборудованийым ыштен лукшо-влакынат) рынке котировкыштым рӱшт кумыктен, тыгак касвел ИИ-инфраструктурыш шуко миллиард дене оксам пыштымын, оборудованийлан да тудын акшылан кугемдыме йодмашын шотан улмыжо нерген ӱчашымашым тарваташ таратен[8][9].

Вияҥме историй

Тӱҥ статья: DeepSeek

DeepSeek-ым 2015 ийыште китай миллиардер да энтузиаст Лян Вэньфанын негызлыме High-Flyer китай хедж-фондын ИИ-корныж гыч шкевуя стартапыш ойырен лукмо. 2024 ий июльышто тудо кызытсе генератив модель-влакын шагалрак улмышт нерген ойлен, а у компанийын задачыжлан чумыр искусственный уш-акылыш (AGI) шумым палемден[10]. 2024 ий ноябрьыште компаний вуйлатыше почылтшо мучаш кодан продуктым ыштыме шонымашлан мелын улмыжым да DeepSeek-ын тӱлыман услугыжым умбакыже иктаж-кузе кумдаҥдыме шотышто планже уке улмым эше ик гана пеҥгыдемден[11].

DeepSeek-ын продуктшым шарыме условий

Шонен лукмо уш-акыл аланыште вӱдышӧ касвел компаний-влак дене таҥастарымаште (OpenAI, Meta или Anthropic) DeepSeek-ын чыла йылме модельже-влак эн тӱҥалтыш гычак MIT-ын эрыкын лицензийже дене шаркалалтыныт. DeepSeek V3 ден DeepSeek R-1-ын сеҥымашыж нерген шке шонымашыжым ойлышыжла, шонен лукмо уш-акыл шотышто Meta-ан тӱҥ специалистше Ян Лекун каласен: «ИИ сферыште почылтшо мучаш кодан модель-влак проприетарный манме решатлымаш деч шкеныштын утларак сай уклмыштым ӱшандарен ончыктеныт»[12].

Релиз-влак

2023 ий 20 ноябрь гыч DeepSeek кугу йылме модельын 3 генерацийжым ончыкташ луктын.

DeepSeek Coder да DeepSeek LLM

DeepSeek Coder деч икымше нейровапш 2023 ий 2 ноябрьыште ончыкташ лукталтын; тудо тылзынак 29 числаште 67 млрд параметран икымше универсал кугу йылме модель DeepSeek LLM лектын, тудо саде жаплан LLama 2-ын йӧнжым ончылтен да GPT-4 дек лишемын, но южо шотышто масштабым кугемдыме могырым да шотлен лукмо пайдалык могырым нелылыкше лийын[13], однако по некоторым данным имела проблемы с масштабируемостью и вычислительной эффективностью[13]. Тунамак DeepSeek LLM негызеш ыштыше уш-акыл чат-ботым икымше гана ончыктымашке лукмо.

Икымше модельын чылаже 8 вариантше ямдылалтын: нылытше стандартан ончылгоч туныктымашан (Base) да нылытше инструкций кӱшеш чот тыршен тӧрлатымашым эртыше (Instruct). Нуно чыланат Llama модель-влакын кучылтмыштлан келшыше «тӱткыш» механизмым кучылтыт.

  • Ончылгоч тунеммаш 1,8 трлн токеныште эртен (данный-влак нерген наукышто 1 млн токен иктаж 750 тӱж. мутлан шуэш)[14].
  • Базе модельын Long-context pretraining (LCP, англ. гыч — почела кайыше кужу контекстан пашалан туныктымаш) манмыже 200 млрд токенеш эртен, тидыже вапшын тӧрлатылме контекстын эн кугу кужытшым 4 гыч 16 тӱж. токен марте ешараш йӧным пуэн.
  • Instruct модель-влакым чот тыршен йӧнештарымаш 2 млрд токен кугытан инструкций-влак кӱшеш эртен[15].

DeepSeek-V2

2024 ий майыште DeepSeek йылме модельын кокымшо версийжым ныл вариант дене луктын: стандартан (V2), иземдыме (V2-Lite), тыгак стандартан чат-бот (V2-Chat) да тудын иземдыме версийже (V2-Chat-Lite).

Кугурак модельлаште параметр-влакын чотышт 236 млрд марте кугемын; ончылгоч туныктымаш 8,1 трлн токеныште эртаралтын, а контекстын эн кугу кужытшо 128 тӱж. токен марте кушкын.

Модель икымше версий дене таҥастарымаште ятыр архитектур вашталтышым чытен: тушто Multi-head Learning Attention (MLA, англ. гыч — «Пеш шуко тӱткышан туныктымаш») ӱлыкшӧ ранган аппроксимаций кӱшеш машина дене туныктымашын инновациян йӧнжӧ кучылталтын[16], тудо модельын акшым да туныкташ жапым ятыр пачаш иземдаш йӧным пуэн[16][17]. Тылеч посна, компаний модельыш Mixture of Experts (MoE, англ. гыч — «эксперт-влакын лугалтмышт») мучаш марте ыштен шуктымо принципым ямдылен да шыҥдарен: тыгай йӧн лийме годым модель пеш шуко подсеть манме гыч шога, кажныже лӱмын тудлан ямдылыме шинчымаш аланлан мутым куча да вашмутым кычалаш кӱлеш лийме годым веле ушна[18][19].

MLA ден MoE комбинаций миллион токеным обрабатыватлыме акым 2 юаньым палемдаш йӧным пуэн, тидын годым ChatGPT-ын тыгаяк кугытан информацийлан 2,5 доллар лийын[20]. Тидын годым DeepSeek-V2 пашан конкурентлыкан сайлыкшым ончыктен: Ватерлоосо университет пеленысе шонен лукмо уш-акыл лабораторий-влакым эн сай кугу йылме-влак рейтингыште 7 верыш пуртен[21].

DeepSeek-V3

2024 декабрьыште модельын кумшо генерацийже кок вариант дене почылтшо пурымашке лектын: стандартан (V3-Base) да чат-ботын (V3), тудыжын 671 млрд параметрже уло да тунеммашым 14,8 трлн токеныште эртен. DeepSeek-V2-ыште тергыман архитектуреш чоҥымо нейровапш, тӱҥжым ойыркален луктеден, текстым лончылен да уэш каласкален лектын, кусаркален, тыгак математике задачым решатлен да OpenAI, Meta але Anthropic деч улшо утларак ончык кайыше модель-влак дене ик кӱкшытыштӧ программе-влакым возен мошта[2]: тыге DeepSeek-V3 тестлаште Llama 3.1 Qwen 2.5-ым эртен кая[1] да GPT-4о ден Claude 3.5 Sonnet-ын кӱкшытыштлан келшен толеш[2][3].

DeepSeek-V3-ын ыштен лукмашыжым моло кугу йылме модель-влак дене таҥастарымаш

DeepSeek-ын ончыкташ лукмо яра пеленлык — «DeepSeek — AI Assistant» чат-бот — 2025 ий январь мучашлан тӱняште эн тулен лукталтше лийын, тыгак США-ште эн чот кӱкшын аклыме яра пеленлык-влак рейтингыште ChatGPT-ым эртен каен[22]. Тылеч посна, DeepSeek санкций политикылан ок полшо да шке модельже деке корным ок шыгыремде, тыгодым тӱнямбалсе чыла элла гычат — тидын шотыштак Россий гычат — пайдаланыше-влаклан иктӧр йӧным ышта[2].

DeepSeek-V3 чат-ботын веб-интерфейсше. Сервисыш Российыште официальнын пураш лиеш да тудо руш йылмылан полшен шога

Тыгодым, модельым ямдылыше-влакын пеҥгыдемден ойлымышт почеш, тудым туныктымо жап экспортлык контрольын йодмашыжым шукташ пӱчкедыме 2000 наре Nvidia видеокартын массив манмаштыже улыжат 55 кече лийын; тыгеракын туныктымашын акше улыжат 5,5 млн доллар лийын, тидыже Llama але GPT-4o деч шагал гын ик шотлан шагалрак[7][23].

Модельын ойыртемже

Тыгай пайдалык палдырыш DeepSeek-ын архитектур ойыртемжылан кӧра шумо:

  • Multi-token Prediction (MTP) йӧнжӧ ойлончын тӱрлӧ ужашыжым ик жапыштак нергелаш да ик жапыштак икмыняр мутым ончылгоч каласкаш йӧным пуа, тидыже модельын пашам ыштыме жапшым да тудын вашмутшын рашлыкшым кугемда.
  • Модельыш Mixture of Experts (MoE) технологий лӱмын ойырымо шинчымаш дене кылдалтше йодышлан кӱлеш вашмутым кычалаш кучылтмо «экспертлык» подсеть манмым шыҥдара. DeepSeek-V3-ыш 256 тыгай нейровапшым пуртымо, тышеч кандашыже эреак чолган ыштат, а молыжо иктаж-могай посна задачым шукташ кӱлеш лийме годым ушнат.
  • Multi-head Latent Attention (MLA) лишеммашым ӱлыкшӧ ранган аппроксимаций кӱшеш тӱткыш механизмым тӧрлатымашке шыҥдарымаш ондак шотлен лукмо информаций дек писын шуаш полшышо (KV-cache) мужыр «умылымаш-сравочым» аралыме структурын кугытшым да пашаче писылыкшым иземдымашке конден[24].

DeepSeek-R1

2025 ий 20 январьыште DeepSeek логикан да математике задачым Open AI-o1 фламган манме шуктышаш кӱкшытыштӧ AIME ден MATH математике тестлаште решатлаш шкенжын DeepSeek R1 шонкалыше модельжым ончыкташ луктын[4]. Тиде модельын посна ойыртемже айдемын шонкалымыжым уэш шуктышо йолтошкалтыш еда мумо вашмут генерацийыште улеш[25][26][27]. Тудым ямдылыме годым компаний ешартыш вий дене туныктымо годым суапландарымашым моделироватлыме дек у, утларак пайдалыкан йӧным кучылтн[28].

DeepSeek-R1-ын ыштыме лектышыжым моло кугу йылме модель дене таҥастарымаш

2025 ий январьыште рынкын волымыжо

Туныктымо да кучылтмо шотышто шуко пачаш изи роскотым йодшо модельын лекмыже 2025 ий 28 январьыште технологий компаний-влакын котировкыштым сӱмырымашке шуктен. Тыге Nvidia нейровапшлан туныкташ арвер-влакым тӱнямбалне тӱҥ пуэдыше 600 млрд утла долларым але капитализацийын 18 процентше наре йомдарен, тидыже фонд рынкын историйыштыже эн кугу урылтмаш лийын[29].

ИИ сектор дене кылдалтше чыла гаяк компаний кугу эҥгекым чытен, тиде — Nebius Аркадий Воложын (-4 %), Broadcom (-17,3 %), AMD (-8 %), Palantir (-7 %), Microsoft (-3 %), тыгак дате-рӱдер-влаклан электрокуатым тӱҥ пуэдыше-влак Constellation Energy (-21 %) ден Vistra (-29 %). NASDAQ-ын индексше 3,5 процентлан, а S&P-ын 1,8 процентлан шинчын. Чумыржо американ бирже-влак США-н 1 трлн утла долларжым йомдареныт, а криптовалютын акше 7 процентлан волен[29], а стоимость криптовалют снизились на 7 %[30].

Технологийым шолыштмылан титаклымаш

29 январьыште пале лийын: Microsoft ден тудын улшо OpenAI тергымашым DeepSeek ваштареш тӱҥалыныт. Компаний-влак пеҥгыдемден ойлат: китай стартап OpenAI нейровапшын генерироватлыме лектышыже-влак кӱшеш шке модельже-влакым туныктен[31]. Американ корпорацийын версийже почеш DeepSeek эрыкан ямдылкалымаш огыл, а OpenAI-ын ямдылыме да патентоватлыме модельже-влак шотышто дистилляций йӧным кучылтмо дене ыштыме[32].

США-н санкцийже инноваций манмын катализаторжо семын

Пале: модель-влакым туныкташ DeepSeek эше 2021 ийыштак — вес семынже США-н Китайыш чип-влакым колтедылаш шыгыркемдымашым пуртымо деч ончычак — налме Nvidia A100 видеокарт-влакым кучылтын. Тӱрлӧ аклымаш почеш DeepSeek стартапын кидыштыже 10 тӱж. наре тыгай видеокарт уло[7] (южо касвел экспертше тыге шотла: компаний экспортлык рестрикцийым шукташ катыкемдыме эше 40 тӱжем наре Nvidia H800 видеокартым аккумулироватлен[33][34]), тидыже OpenAI-ын але Llama-н деч икмыняр пачаш шагалрак (кажне компанийжын 300 тӱж. наре видеокартше уло)[35][36]. Тыгеракын, очыни, шотлен лукшо куатым шагалемдымаш DeepSeek-ым кӱшнӧ ончыктымо инновациян архитектурлык пунчалым кычалаш таратен, тудыжо тиде экшыкым компенсироватлен[37].

Критике

Пеш шуко Claude AI йылме модельым ямдылкалыше Anthropic компанийым ыштыше Дарио Амодей тыге шотла: китай ямдылкалыше-влак кӱкшӧ лектышышкак шуын огытыл, а тидын нерген талынракше кутыркалат гына. Амодейын шонымыж почеш, DeepSeek 7-10 тылзе ончычсо американ модель-влаклан лишыл модельым ыштен, тидлан оксам шагалрак кучылтын, но тидыже роскот волтымын тыглай трендышкыжак пура. Эшеже китай стартап чот кӱлешан ресурс деке шуын кертын. Амодей палемден: DeepSeek сай лектышым ончыктен, но тидым революций манаш ок шого, вет роскот иземмаш тыглай трендлан келшен толеш, тидын годым DeepSeek-ын чумыр роскотшым американ ИИ-лабораторийын роскотшо дене таҥастараш лиеш. Тылеч посна, DeepSeek-V3 калыкыште йӱк-йӱаным лукшо DeepSeek-R1 деч утларак инновациян улеш[38].

Палемдымаш

  1. ↑ 1 2 Sharma, Shubham (2024-12-26), DeepSeek-V3, ultra-large open-source AI, outperforms Llama and Qwen on launch, <https://venturebeat.com/ai/deepseek-v3-ultra-large-open-source-ai-outperforms-llama-and-qwen-on-launch/>. Тергыме: 29 шорыкйол 2025. 
  2. ↑ 1 2 3 4 5 Нейросеть DeepSeek: что это, возможности, как пользоваться | РБК Тренды, <https://trends.rbc.ru/trends/industry/67920b739a794768fab8fe92>. Тергыме: 28 шорыкйол 2025. 
  3. ↑ 1 2 DeepSeek-V3: Китайская языковая модель превзошла Claude 3.5 Sonnet в работе с кодом, <https://habr.com/ru/news/869840/>. Тергыме: 28 шорыкйол 2025. 
  4. ↑ 1 2 DataSecrets. Разбираемся, как устроена R1 – новая бесплатная ризонинг модель ИИ из Китая, работающая на уровне o1 от OpenAI. Habr.ru (21 шорыкйол 2025).
  5. ↑ Разбираемся, как устроена R1 – новая бесплатная ризонинг модель ИИ из Китая, работающая на уровне o1 от OpenAI, <https://habr.com/ru/news/875456/>. Тергыме: 28 шорыкйол 2025. 
  6. ↑ DeepSeek R1: модель с производительностью o1 от OpenAI. Сравнение с o1, сколько стоит и как использовать API, <https://habr.com/ru/articles/877090/>. Тергыме: 28 шорыкйол 2025. 
  7. ↑ 1 2 3 Запад шокирован китайским интеллектом, 2025-01-27, <https://www.kommersant.ru/doc/7460043>. Тергыме: 28 шорыкйол 2025. 
  8. ↑ «DeepSeek – это победа над сегрегацией человечества»: как китайцы хакнули ИИ-рынок (неопр.). БИЗНЕС Online. Тергыме кече: 28 шорыкйол 2025.
  9. ↑ Китайская угроза, 2025-01-27, <https://www.kommersant.ru/doc/7460085>. Тергыме: 28 шорыкйол 2025. 
  10. ↑ 暗涌, 揭秘DeepSeek:一个更极致的中国技术理想主义故事, <https://mp.weixin.qq.com/s/r9zZaEgqAa_lml_fOEZmjg>. Тергыме: 30 шорыкйол 2025. 
  11. ↑ Schneider, Jordan, Deepseek: The Quiet Giant Leading China’s AI Race, <https://www.chinatalk.media/p/deepseek-ceo-interview-with-chinas>. Тергыме: 29 шорыкйол 2025. 
  12. ↑ Meta's chief AI scientist says DeepSeek's success shows that 'open source models are surpassing proprietary ones', <https://www.yahoo.com/tech/metas-chief-ai-scientist-says-193729910.html?guccounter=1&guce_referrer=aHR0cHM6Ly9oYWJyLmNvbS9ydS9jb21wYW5pZXMvcmFmdC9hcnRpY2xlcy84NzY3NDYv&guce_referrer_sig=AQAAAME4AjfneDp7GRzR7qj6FF0L0DGQoeW3GrAPHsE_xEgYHkZSmtIiw-4k3-9TdmHOAITzVsnGUJeMfNySymLQvSGgfrtbLX_iSubeKwF-3r7qTo75Fiwa8PODmsHgZjh7riqHOCwu6pNkJKtqD2McxqX7fMKf7PJLXvhVxsaESHbv>. Тергыме: 28 шорыкйол 2025. 
  13. ↑ 1 2 Ksenia Se, Alyona Vert. Topic 10: Inside DeepSeek Models. Turing Post (28 сорла 2024).
  14. ↑ Wiggers, Kyle (2024-12-26), DeepSeek's new AI model appears to be one of the best 'open' challengers yet | TechCrunch, <https://techcrunch.com/2024/12/26/deepseeks-new-ai-model-appears-to-be-one-of-the-best-open-challengers-yet/>. Тергыме: 29 шорыкйол 2025. 
  15. ↑ Guo, Daya, Zhu, Qihao, Yang, Dejian, Xie, Zhenda, Dong, Kai, Zhang, Wentao, Chen, Guanting, Bi, Xiao, Wu, Y., Li, Y. K., Luo, Fuli, Xiong, Yingfei, Liang, Wenfeng. DeepSeek-Coder: When the Large Language Model Meets Programming -- The Rise of Code Intelligence (англ.) // arXiv.org. — 2024-01-25.
  16. ↑ 1 2 DeepSeek — очередной квантовый скачок в развитии AI, <https://habr.com/ru/companies/raft/articles/876746/>. Тергыме: 28 шорыкйол 2025. 
  17. ↑ Dai, Damai, Deng, Chengqi, Zhao, Chenggang, Xu, R. X., Gao, Huazuo, Chen, Deli, Li, Jiashi, Zeng, Wangding, Yu, Xingkai, Wu, Y., Xie, Zhenda, Li, Y. K., Huang, Panpan, Luo, Fuli, Ruan, Chong, Sui, Zhifang, Liang, Wenfeng. DeepSeekMoE: Towards Ultimate Expert Specialization in Mixture-of-Experts Language Models (англ.) // arXiv.org. — 2024-01-11.
  18. ↑ Dai, Damai, Deng, Chengqi, Zhao, Chenggang, Xu, R. X., Gao, Huazuo, Chen, Deli, Li, Jiashi, Zeng, Wangding, Yu, Xingkai, Wu, Y., Xie, Zhenda, Li, Y. K., Huang, Panpan, Luo, Fuli, Ruan, Chong, Sui, Zhifang, Liang, Wenfeng. DeepSeekMoE: Towards Ultimate Expert Specialization in Mixture-of-Experts Language Models (англ.) // arXiv.org. — 2024-01-11.
  19. ↑ Большие языковые модели в 2024 году: полное сравнение (руш.). www.gptunnel.com. Тергыме кече: 29 шорыкйол 2025.
  20. ↑ DeepSeek вызвал истерику у Американских ИИ корпораций, <https://habr.com/ru/news/877106/>. Тергыме: 28 шорыкйол 2025. 
  21. ↑ McMorrow, Ryan & Olcott, Eleanor (9 June 2024), The Chinese quant fund-turned-AI pioneer, Financial Times, <https://www.ft.com/content/357f3c68-b866-4c2e-b678-0d075051a260>. 
  22. ↑ BFM.ru, Китайская модель ИИ DeepSeek стала лидером по скачиванию в США, <https://www.bfm.ru/news/566521>. Тергыме: 28 шорыкйол 2025. 
  23. ↑ DeepSeek-AI, Liu, Aixin, Feng, Bei, Xue, Bing, Wang, Bingxuan, Wu, Bochao, Lu, Chengda, Zhao, Chenggang, Deng, Chengqi, Zhang, Chenyu, Ruan и др. DeepSeek-V3 Technical Report (англ.) // arXiv.org. — 2024-12-27.
  24. ↑ Erdil, Ege (2025-01-17), How has DeepSeek improved the Transformer architecture?, <https://epoch.ai/gradient-updates/how-has-deepseek-improved-the-transformer-architecture#:~:text=Multi-head%20latent%20attention%20(abbreviated%20as,as%20grouped-query%20and%20multi-query%20attention>. Тергыме: 29 шорыкйол 2025. 
  25. ↑ Elizabeth Gibney. China’s cheap, open AI model DeepSeek thrills scientists (англ.) // Nature. — 2025-01-23. — ISSN 1476-4687. — doi:10.1038/d41586-025-00229-6.
  26. ↑ Chowdhury, Hasan KI aus China: Überholt dieses Startup jetzt OpenAI? (нем.). Business Insider (25 шорыкйол 2025).
  27. ↑ Sharma, Shubham Open-source DeepSeek-R1 uses pure reinforcement learning to match OpenAI o1 — at 95% less cost (амер. англ.). VentureBeat (20 шорыкйол 2025).
  28. ↑ Moris. DeepSeek, по сути взломал один из святых Граалей ИИ. Smart-Lab (27 шорыкйол 2025).
  29. ↑ 1 2 ИИ-пузырь лопнул: стоимость Nvidia рухнула на $600 млрд за сутки из-за китайского стартапа DeepSeek, <https://3dnews.ru/1117353/iipuzir-lopnul-stoimost-nvidia-obvalilas-na-600-mlrd>. Тергыме: 29 шорыкйол 2025. 
  30. ↑ Рынок криптовалют упал на 7%. Причем тут ИИ-стартап из Китая DeepSeek на NFT.RU, 2025-01-27, <https://nft.ru/news/rynok-kriptovaliut-upal-na-7-prichem-tut-ii-startap-iz-kitaia-deepseek>. Тергыме: 29 шорыкйол 2025. 
  31. ↑ Microsoft и OpenAI расследуют, обучался ли DeepSeek на украденных данных американских компаний в сфере ИИ, <https://habr.com/ru/news/877548/>. Тергыме: 29 шорыкйол 2025. 
  32. ↑ BFM.ru, DeepSeek заподозрили в краже технологий OpenAI, <https://www.bfm.ru/news/566676>. Тергыме: 29 шорыкйол 2025. 
  33. ↑ Overclockers.ru: Одна только китайская компания DeepSeek имеет 50 000 санкционных чипов H100, <https://overclockers.ru/blog/RoadToKnowledge/show/204906/Odna-tol-ko-kitajskaya-kompaniya-DeepSeek-imeet-50-000-sankcionnyh-chipov-H100?ysclid=m6gkd3258w90212032>. Тергыме: 28 шорыкйол 2025. 
  34. ↑ Zafar, Ramish (2025-01-25), Chinese AI Lab DeepSeek Has 50,000 NVIDIA H100 AI GPUs, Says AI CEO, <https://wccftech.com/chinese-ai-lab-deepseek-has-50000-nvidia-h100-ai-gpus-says-ai-ceo/>. Тергыме: 30 шорыкйол 2025. 
  35. ↑ Times, GB (2024-09-30), How many gpus does OpenAI have? - GB Times, <https://gbtimes.com/how-many-gpus-does-openai-have/>. Тергыме: 28 шорыкйол 2025. 
  36. ↑ DeepSeek вызвал истерику у Американских ИИ корпораций, <https://habr.com/ru/news/877106/>. Тергыме: 28 шорыкйол 2025. 
  37. ↑ Kelsey Vlamis,Katherine Tangalakis-Lippert. How the US may have unintentionally helped create an AI monster in China. AOL (28 шорыкйол 2025).
  38. ↑ Dario Amodei. Dario Amodei — On DeepSeek and Export Controls (англ.). darioamodei.com. Тергыме кече: 30 шорыкйол 2025.
"https://mhr.ruwiki.ru/w/index.php?title=DeepSeek_(йылме_модель)&oldid=1232614" гыч налме