Battlefield 6

РУВИКИ — эрыкан энциклопедий гыч материал
Battlefield 6
Battlefield 6.png
Ыштыше Battlefield Studios
Лукшо Electronic Arts
Серийын ужашыже Battlefield
Анонс кече 2025 ий 24 июль
Лукмо кече 2025 ий 10 октябрь
Жанр икымше лица деч шутер
Технический данный-влак
Платформо Windows, PlayStation 5, Xbox Series X/S
Движок Frostbite
Модыш режим шуко пайдаланышашлык, ик пайдаланышашлык, кооперативлык
Виктарымаш полдышоҥа, коляиге да геймпад[d]
Официал сайт
Логотип РУВИКИ.Медиа РУВИКИ.Медиаште медиафайл-влак

Battlefield 6 (кӱч. BF6) — Battlefield Studios ямдылыше-влак консорциумын икымше лица деч шутер жанран компьютер модмашыже, PlayStation 5, Xbox Series X/S да Windows дене пашам ыштыше ПК-лан келыштарыме[1]. Лекме кече — 2025 ий 10 октябрь[2].

Модмашысе действий вашке шушаш жапыште, 2027 ий ден 2028 ий коклаште, шарла, тыште НАТО-н шаланыше ушемже ден Pax Armata посна еҥ кидысе, ушемын ончычсо член-элже-влакын шийвундо дене полшымо сарзе корпораций коклаште пеш кугу ваштӱкнымаш лектеш[3]. Battlefield 2042 серийын ончычсо ужашыж дене таҥастарымаште BF6-ыш шкетын эрташ тичмаш сюжетан кампаний пӧртылын. Модмашын икымше тургымжын лекмыж дене ик жапыштак Battlefield Redsec — «королевский кредадмашын» оксам тӱлыдыман режимже — колталтын[4].

Сюжет

Модмаш событий кызытсе сеттингыште эрта, кушто рӱдӧ верым НАТО да посна еҥын Pax Armata лӱман сарзе корпорацийже  (руш.) (мар. кокласе ваш тӱкнымаш налеш. Тиде компанийлан НАТО-со ончычсо кугыжаныш-влак, мутлан, Франций, окса дене полшат, тудо тӱнямбал шот-ратын ончыкылыкшылан лӱдыкшым ышта[1][5].

Модмаш кугу сарзе ваш тӱкнымашлан тӱткышым ойыра, тушто тӱҥ верыште танк, истребитель да моло сарзе техник кокласе вашкыл шога. Каласкалымаш рӱдыштӧ — чылам авалтыше сар жапыште модшын отрядше колымашым кондышо эн лӱдыкшӧ саргураллан шотлалтеш манме шонымаш[1][5].

Модмо процесс

Battlefield 6 — икымше лица деч шуко пайдаланышашлык шутер, пеш кугу кредалмашлан да модшо-влак кокласе тактике кыллан келыштаралтын. Ямдылыше-влак традиционный класс системыш пӧртылыныт, специалист-влак концепций деч кораҥыныт, — модшо-влак икмыняр роль гыч иктыжым ойырен налын кертыт, нунын кокла гыч кажныжын шкенжын моткоч шкешотан тунеммашыже, чийымыже да саргуралже уло. Тыгай системе, Battlefield 2042  (руш.) (мар. модмашыште ончыктымо специалист-влак системе дене таҥастарымаште, отряд кӧргыштӧ утларак келге тактике кыллан да специализацийлан полша. Классыш пӧртылмаш команде дене модмым вияҥдаш да кажне роль кредалмаш пасушто утларак кӱлешан лийже манын ышталтын[1][6]. 4 класс уло[7]:

  1. Штурмовик: штурмовой винтовкым кучылтеш; куржталме гыч лӱйкалымашке писын кусна да кидыштыже саргуралым вашталта.
  2. Инженер: пистолет-пулемётым кучылтеш; ПП гыч кыдал деч лӱйкалымыж годым кугу туралык дене логалта;
  3. Полшышо: кид пулемётым кучылтеш; РП-м кучылтмо годым стандартан куржталме писылыкым арален кода;
  4. Разведчик: снайперлык винтовкым кучылтеш; прицелже изин тайныштеш, прицелыште шӱлышым кучымо жап кужемын да «снайперкым» кучылтмо годым лӱйкалыме писылык кугемын[7].
  • Battlefield 6 гыч официал скриншот-влак
  • 1-Официальный скриншот из Battlefield 6.jpg
  • 2-Официальный скриншот из Battlefield 6.jpg
  • 3-Официальный скриншот из Battlefield 6.jpg
  • 4-Официальный скриншот из Battlefield 6.jpg
  • 5-Официальный скриншот из Battlefield 6.jpg
  • 6-Официальный скриншот из Battlefield 6.jpg
  • 7-Официальный скриншот из Battlefield 6.jpg

Шуко гана пайдалымашан режим

Battlefield 6 сетевой модмаш шуко тӱрлӧ еҥлан да модмаш ойыртемлан келшыше пеш ятыр режимым темла. Матч-влакым ойырен налаш йӧнанрак лийже манын, режим-влакым икмыняр плейлистлан шеледыме[8].

Тӱҥ режим-влак[8]:

  • Conquest (Руалтен налмаш) — серийлан классический режим, тыште кок команде кугу картыште икмыняр тӱҥ точкым шке эскерымашкыже налаш кредалеш. Тушманын полшышо очкыжым эн ончыч нольыш савырыше команде сеҥа.
  • Breakthrough (Ончык лекмаш) — асимметриян режим, тыште ик команде, поче-поче сектор-влакым руалтен, атаковатла, а весыже, позиций-влакым кучаш тыршен, аралалтеш.
  • Rush (Штурм) — тугай режим, кушто атаковатлыше команде икмыняр мужыр коммуникаций станцийым пытарышаш, а аралалтшыже, атаковатлыше-влакын чыла полшышо билетыштым пытарен, тудлан чаракым ыштышаш.
  • Escalation (Эскалаций) — «канатым шупшмым» ушештарыше режим, тыште команде-влак картыште куснылшо рӱдӧ зоным шке эскерымашкышт налшаш верч кредалыт.

Domination (Ончылно кайымаш) — изи картлаште чулымын кайыше пехото режим, тыште тӱҥ сомыллан эскерышаш точко-влакым кучымаш шотлалтеш.

  • King of the Hill (Курык кугыжа) — тугай режим, кушто команде-влак картыште ик чокым активироватлыме точкым шуке эскерымашкышт налшаш верч кредалыт.
  • Team Deathmatch (Командан сӧй) — стандартан режим, тыште кок команде иктыжын палемден пыштыме пуштедымашке шумешкыже кредалеш.
  • Squad Deathmatch (Отряд-влакын командан сӧйышт) — кажныштыже ныл еҥан ныл отряд икте-весышт дене кредалыт. Пытартыш илыше кодшо отряд сеҥа[8].

Redsec

Battlefield Redsec — тиде оксам тӱлыдыман модмаш режим, тудо 2025 ий 28 октябрьыште колталтын, тышке «королевский кредалмаш» да моло таҥасымаш формат-влак пурат. Redsec-ын действийже Fort Lyndon картыште, серийын историйыштыже эн кугушто, шарла[4].

Redsec-ыште режим-влак[9]:

  • Battle Royale (Королевский кредалмаш) — 100 еҥлан пеш кугу кредалмаш, тышке ныл еҥан отряд-влак (25 отряд) але кок еҥан (50 дуэт) ушнен кертыт. Модшо-влак картыш десант дене волат, саргуралым да снаряженийым кычалыт да ик отряд гына кодмешке кредалыт. Тӱҥ ойыртемлан ландшафтым вашталташ да у тактике йӧн-влакым ышташ йӧным пуышо тактикан шалатылмаш шотлалтеш; сӧйлык технике деке пураш лиеш[4];
  • Gauntlet (Пижерге) — 32 еҥлан (8 отряд 4 еҥ дене) таҥасымаш турнир режим. Команде-влак кӱчык раунд-влак серийыште (5 минут дене) тӱрлӧ лектын вочмо сомылым шуктен таҥасат. Кажне раунд моткоч шкешотан йӧным да шуктышашым темла, тидыже отряд-влак деч писын келыштаралтмашым йодеш[9];
  • Portal (Портал) — Fort Lyndon картыште, модшо-влаклан скриптинг да кастомизацийлан ӱзгар-влакым кучылтын, шкеныштын модмо режимыштым ышташ йӧным пуышо редактор[4].

Кампаний

BF6-ын шкет улшо кампанийже сюжетан индеш миссий гыч шога да модмашысе пеш кугу ваштӱкнымашыш тӱрлӧ персонаж-влакым — элитысе диверсант гыч пилот ден инженер-влак марте - виктарыме гоч тӱрлӧ ончалтышым темла. Кампанийлан кокла нелылыкан кӱкшытыштӧ эрташыже 4 гыч 6 шагат марте кая, а чыла коллекций арверым (30 сарзе жетоным — Dog Tags-ым) поген тӱрыснек мучашлаш 8 шагат марте кӱлын кертеш[10][11].

Сюжет миссий тӱрлӧ: модшо-влак шылман йӱд операцийлашкат, тыгак неле техникым кучылтын, пеш кугу штурмышко ушнат. Кажне миссий моткоч шкешотан верыште: курык туп гыч оласе оралтыла ден вӱд кумдык марте - эрта. Коллекцийлык жетоным мумылан модшо-влак косметикылык наградым налыт, тудым шуко еҥан модмаш режимыште кучылташ лиеш[10].

Кампанийын миссий спискыже:

№ Миссийын лӱмжӧ Жетон мыняр уло
1 Эре ӱшанле (Always Faithful) 3
2 Курык кӱ (The Rock) 3
3 «Гладиус» операций (Operation Gladius) 3
4 Йӱдымсӧ рейд (Night Raid) 4
5 Малыде (No Sleep) 3
6 Курыкым савырышыла (Moving Mountains) 4
7 Нилым оролышо (Nile Guard) 2
8 «Эҥше перен пуымаш» операций (Operation Ember Strike) 4
9 Эре ончыко (Always Forward) 4

Ончыктымо саргурал

Battlefield 6-ын стартыштыже 8 категорийлан пайлыме 45 тӱрлӧ саргуралым лийын. Ончычсо южо ужаш дене таҥастарымаште, модмашыште саргуралым кучылтмо шотышто классан чараклымаш уке. У тӱрлӧ саргурал модшын рангше кӱзымӧ да посна сомылым шуктымо семын почылтеш[12].

Категорий Саргурал
Штурмовой винтовко-влак M433, B36A4, SOR-556 MK2, AK4D, TR7, KORD 6P67, NVO-228E, L85A3
Карабин-влак M4A1, M277, AK-205, M417 A2, GRT-BC, QBZ-192, SG 553R
Пистолет-пулемёт-влак SGX, PW5A3, PW7A2, UMG-40, USG-90, KV9, SCW-10, SL9
Куштылго пулемёт-влак L110, DRS-IAR, M/60, RPKM, M123K, M250, KTS100 MK8, M240L
Марксманын винтовкыжо-влак M39 EMR, LMR27, SVK-8.6, SVDM
Снайперлык винтовко-влак M2010 ESR, SV-98, PSR
Дробовик-влак M87A1, M1014, 18.5KS-K
Пистолет-влак P18, ES 5.7, M45A1, M44

Икымше тургым лекме дене модмашыш у тӱрлӧ саргурал-влак ешаралтыныт: SOR-300SC карабин, GGH-22 пистолет да Mini Scout снайперлык винтовко[13].

Эртымгорно да ончык кайымаш

Battlefield серийысе вес модмаш нерген икымше увер 2024 ий 16 сентябрьыште лектын: тунам EA Studios группын генеральный менеджерже Винс Зампелла у модмашын событийже кызытсе сеттингыште эрташ тӱҥалеш манын увертарен. Тудо тыгак модмашым EA-н историйыштыже ик эн чолга проект манын да тудым ямдылымаште 4 модмо студий пашам ышта манын: DICE, Motive, Ripple Effect да Criterion (шкет модмо режимым ямдылымаште тыгак Ridgeline Games лийын, но 2024 ий тӱҥалтыште тудо петыралтын)[14].

2025 ий 3 февральыште EA пеҥгыдемден: у модмашым ямдылыме пашам Battlefield Studios лӱман ушем шукта. Модмо проектлан Battlefield Labs кодовый лӱмым пуэныт; модмо процессым ончыктышо икымше трейлер ончыкталтын[15]. Тудо жапыштак петырыме тергымаш тӱҥалын, тусо кадр-влакым 2025 ий мартыште сетьыш «йоктареныт»[16].

Модмашын официальный лӱмжӧ 19 июльышто пале лийын[17]; 21 июльышто пале лийын: тӱҥалтыш жапыште модмашке почмо бета-тергымаш  (руш.) (мар. гоч пураш лиеш[18]. Вес кечынже EA студий увертарен: модмаш нерген ончылгоч официальнын увертарымаш 24 июльышто лиеш[19], а «ревил» водын ямдылыше-влак модмашыште тӱҥ тушман Pax Armata ден НАТО организаций-влак лийыт[20]. Палемдыме кечын трейлерым савыктыме, тудын дене пырляк шукын пайдаланышашлык режим дене палдарымаш 31 июльышто эрта манын палемдыме[21].

Battlefield 6 анонсироватлыше трейлер

30 гыч 31 июль йӱдым модмаш серийын еҥже-влак «мультиплеерын» 15 секундан тизержым савыктеныт, но вашке тудым кораҥденыт. Видеошто геймплейын кадрже-влак да модмаш лекме кече — 2025 ий 10 октябрь — лийыныт[2]. Тылеч посна, 31 июльышто инсайдер-влак августышто калыклан келыштарыме бета-тетергымаш кум гана эртаралтшашым палемденыт: икымшыже 7 августышто тӱҥалеш, 48 шагат жапыште пурен кертме сравоч дене логалаш лиеш (тудым ончылгоч йодыт але Twitch-ыште стримым ончымылан налыт); кокымшыжо чыла кумылан-влаклан 9 гыч 11 август марте почмо лиеш; кумшыжо — 14 гыч 17 август марте[22].

2025 ий 28 августышто Electronic Arts да Battlefield Studios ушемын разработчикше-влак модмашын ПК-версийжын трейлержым [23]. Тыгак модмашлан технике йодмаш-влак пале лийыныт. 4K разрешенийым, чарыдыме кадр частотам, ультракумда монитор-влакым (21:9, 32:9) да 600 утла тӱрлӧ настройкым поддержатлаш сӧрат[24].

2025 ий сентябрь тӱҥалтыште сетьыште Battlefield 6-ын геймплейже изиш лектын, тудо саргуралыште лавыра ден пуракым кузе погынымыжын лийын кертшаш пӧртылмыжым ончыктен, тыгайже Battlefield 2042-ште лийын огыл. Изи ужашыште ончыкталтын, кузе саргурал сӧй кайыме годым тӱрлӧ лавыра дене леведалтеш[25].

Модмаш 2025 ий 10 октябрьыште иканаште чыла платформышто лектын. Battlefield-ын генеральный менеджерже Байрон Бидын увертарымыж почеш, релиз сайын эртен: икымше кок арняште модмаш франшизын чыла рекордшым эртен да 2025 ийысе ик эн кугу корлтымаш лийын[4].

2025 ий 21—22 октябрьыште Steam-ыште модмашын официал тӱшкаштыже СНГ гыч модшо-влакын пеш шуко вуйшиймашышт лектын. Нуно кужу жап Battlefield 6-ын серверлашкыже кылдалт кертын огытыл, тидын нерген тыгак вес техник форумлаштат ойленыт[26].

2025 ий 28 октябрьыште 1.1.1.0 кугу уэмдымаш лектын, тудо модмашыш саемдымашым пуртен, тидын шотыштак куснылмо анимацийым, саргуралын балансшым, волгыдым да йӱкым уэш ыштымым. Тудо кечынак «Rogue Operations» лӱман икымше тургым тӱҥалын, тудо кум фазылан пайлалтын[27]:

  • 1-ше фазе (28 октябрь): Blackwell Fields карт, Strikepoint режим, кум тӱрлӧ у саргурал ешаралтын; Battlefield Redsec колталтын.
  • «California Resistance» 2-шо фазе (18 ноябрь): Eastwood карт, Sabotage режим ешаралтыныт да Battle Pickups механикым пӧртылтымӧ.
  • «Winter Offensive» 3-шо фазе (9 декабрь): лӱмын тургымлык событий ешаралтын[27].

Бета-тергымаш (август 2025)

2025 ий 4 августышто модмашын ончылгоч темымашкыже логалаш лийын. Вашке модшо-влак пален налыныт: Windows-ышто модмашым колташ чулымештарыме Secure Boot функцийым чӱкташ кӱлеш, тудо икмыняр пайдаланышын шуп улмо денак йӧрталтын[28]. EA функцийым чулымештарыме шотышто умылтарымашым ончылгоч савыктен, тичмаш официальный умылтарымашым ссылке гоч муаш лиеш.

Battlefield 6-ын почмо бета-тергымашыже серийыште эн кугу лийын. 9 августышто эн тура жапыште Battlefield 6 «бетыште» 521 079 еҥ лийын. Тиде ончыктымаш дене ончылгочсо версий Steam-ыште пӱтынь жаплан коло эн палыме модмаш радамыш пурен[29].

Критике

Battlefield 6 тӱҥ шотышто критик-влакын сай аклымашыштым налын. Metacritic агрегаторышто модмаш 62 рецензий негызеш ПК версийлан 100 балл гыч 82 баллым поген. Критик-влак поснак Battlefield 2042-ште уке улмыж деч вара тӱрыс акан шкет улшо кампанийын пӧртылмыжым, тыгак шалатыше йырвелан шуко еҥан пеш кугу кредалмашым палемденыт[30].

IGN савыктыш модмашлан 10 гыч 8 акым шынден да тыге палемден: «Battlefield 6 серийым шке тӱҥалтышкыже пӧртылта, тыгодым кумылым авалтыше кампанийым да сетьысе кугу кредалмашым темла, нунышт Battlefield 3-ын да 4-ын эн сай жапыштым шарныктат». Рецензент шкет улман режимыште миссий-влакын тӱрлӧ улмыштым да визуальный оформленийым мокталтен, но колтымо годым южо техник нелылыкым ончыктен[30].

GameSpot модмашым 10 гыч 7-лан аклен, тудым «франшизылык формыш пеҥгыдын пӧртылмаш, кеч экшык деч посна огыл» манын. Критик палемден: «шуко еҥан модмаш режим-влак кугу кредалмашан да сар пасушто пудыранчыкан классический Battlefield канышым темлат, но саргурал балансым эше ыштен шуктыман»[30].

Технике йодмаш-влак

Эн изи (1080p, 30 кадр/с, изи график настройко-влак)

  • ОС: Windows 10 (64 бит);
  • процессор: Intel Core i5-8400 але AMD Ryzen 5 2600;
  • видеокарте: Nvidia GeForce RTX 2060, AMD Radeon RX 5600 XT але Intel Arc A380;
  • видеопамять: 6 Гбайт;
  • оперативный память: 16 Гбайт;
  • DirectX: 12;
  • накопительыште вер: 55 Гбайт HDD-ште.

Темлыме (1440p, 60 кадр/с, кӱкшӧ настройко-влак / 1080p, 80+ кадр/с, изи настройко-влак)

  • ОС: Windows 11 (64 бит);
  • процессор: Intel Core i7-10700 але AMD Ryzen 7 3700X;
  • видеокарте: Nvidia GeForce RTX 3060 Ti, AMD Radeon RX 6700 XT але Intel Arc B580;
  • видеопамять: 8 Гбайт;
  • оперативный память: 16 Гбайт;
  • DirectX: 12;
  • накопительыште вер: 90 Гбайт SSD-ште.

«Ультра» йодмаш-влак (4K, 60 кадр/с, «Ультра» настройко-влак / 1440p, 144 кадр/с, кӱкшӧ настройко-влак)

  • ОС: Windows 11 (64 бит);
  • процессор: Intel Core i9-12900K але AMD Ryzen 7 7800X3D;
  • видеокарте: Nvidia GeForce RTX 4080 але AMD Radeon RX 7900 XTX;
  • видеопамять: 16 Гбайт;
  • оперативный память: 32 Гбайт;
  • DirectX: 12;
  • накопительыште вер: 90 Гбайт SSD-ште[24].

Палемдымаш

  1. ↑ 1 2 3 4 Battlefield™ 6 в Steam. Steam. Тергыме кече: 26 сорла 2025.
  2. ↑ 1 2 Утечка подтвердила дату выхода Battlefield 6 — Electronic Arts раньше времени показала тизер нового трейлера. 3DNews.ru. Тергыме кече: 26 сорла 2025.
  3. ↑ Дебютный видеоролик Battlefield 6 раскрывает захватывающее будущее культовой серии. Electronic Arts. Тергыме кече: 5 кылме 2025.
  4. ↑ 1 2 3 4 5 Battlefield REDSEC стартует одновременно с первым сезоном Battlefield 6. Electronic Arts. Тергыме кече: 5 кылме 2025.
  5. ↑ 1 2 Battlefield 6 first trailer reveals the thrilling future of the iconic series. Electronic Arts. Тергыме кече: 26 сорла 2025.
  6. ↑ Prepare for Battlefield 6 - Coming Soon! Electronic Arts. Тергыме кече: 26 сорла 2025.
  7. ↑ 1 2 Battlefield 6: All the info on the new shooter, <https://www.redbull.com/us-en/battlefield-6-infos-guide>. Тергыме: 26 сорла 2025. 
  8. ↑ 1 2 3 BF6 Multiplayer Modes. IGN. Тергыме кече: 5 кылме 2025.
  9. ↑ 1 2 REDSEC Game Modes Explained: BR, Gauntlet, and Portal. IGN. Тергыме кече: 5 кылме 2025.
  10. ↑ 1 2 Список миссий и продолжительность сюжетной кампании Battlefield 6. Playground.ru. Тергыме кече: 5 кылме 2025.
  11. ↑ Battlefield 6. Всё, что нужно знать для полного прохождения. IGM. Тергыме кече: 5 кылме 2025.
  12. ↑ Weapons List. IGN. Тергыме кече: 5 кылме 2025.
  13. ↑ Все новое оружие Battlefield 6 в 1 сезоне и как его разблокировать. Rutab.net. Тергыме кече: 5 кылме 2025.
  14. ↑ Exclusive: Vince Zampella Confirms Next Battlefield Will Use Modern Setting, First Concept Art Revealed. IGN. Тергыме кече: 26 сорла 2025.
  15. ↑ First Official Look at New Battlefield Gameplay as EA Reveals Battlefield Labs. IGN. Тергыме кече: 26 сорла 2025.
  16. ↑ PSA: Early Battlefield 6 Footage Seems to Have Leaked Online. IGN. Тергыме кече: 26 сорла 2025.
  17. ↑ Battlefield 6 is seemingly just called Battlefield 6, according to leaked packages sent to content creators that might signal a reveal from EA soon. Games Radar. Тергыме кече: 26 сорла 2025.
  18. ↑ Battlefield 6 Open Beta Confirmed, Will Include This Key Change. GameSpot. Тергыме кече: 26 сорла 2025.
  19. ↑ Battlefield 6 to Be Officially Revealed This Week. IGN. Тергыме кече: 26 сорла 2025.
  20. ↑ Battlefield 6 Campaign Teaser Shows NATO Under Attack, and Includes the Return of the Series' Classic Theme. IGN. Тергыме кече: 26 сорла 2025.
  21. ↑ Battlefield 6 - Official Reveal Trailer. IGN. Тергыме кече: 26 сорла 2025.
  22. ↑ Battlefield 6 Suffers Significant Leaks Ahead of Official Multiplayer Reveal. IGN. Тергыме кече: 26 сорла 2025.
  23. ↑ Steam :: Battlefield™ 6 :: THE POWER OF PC MEETS THE POTENTIAL OF PORTAL, 2025-08-28, <https://steamcommunity.com/games/2807960/announcements/detail/524226792651751930?snr=2>. Тергыме: 5 кылме 2025. 
  24. ↑ 1 2 «Самая совершенная в истории серии»: Electronic Arts раскрыла окончательные системные требования Battlefield 6 и показала трейлер ПК-версии, 2025-08-28, <https://3dnews.ru/1128391/samaya-sovershennaya-v-istorii-serii-electronic-arts-raskrila-okonchatelnie-sistemnie-trebovaniya-battlefield-6-i-pokazala-treyler-pkversii>. Тергыме: 29 сорла 2025. 
  25. ↑ Утечка геймплея Battlefield 6 показала возвращение реалистичного загрязнения оружия, 2025-09-09, <https://shazoo.ru/2025/09/09/172744/utecka-geimpleia-battlefield-6-pokazala-vozvrashhenie-realisticnogo-zagriazneniia-oruziia>. Тергыме: 10 идым 2025. 
  26. ↑ Российские игроки в Battlefield 6 пожаловались на проблемы с доступом к игре, 2025-10-22, <https://www.cybersport.ru/tags/games/rossiiskiye-igroki-v-battlefield-6-pozhalovalis-na-problemy-s-dostupom-k-igre>. Тергыме: 22 шыжа 2025. 
  27. ↑ 1 2 EA поделилась подробностями крупного обновления 1.1.1.0 для Battlefield 6 - патч выйдет 28 октября. Playground.ru. Тергыме кече: 5 кылме 2025.
  28. ↑ Любавин, Игорь, Для Battlefield 6 на ПК необходима функция Secure Boot — в EA рассказали, как её включить, <https://www.championat.com/cybersport/news-6114642-dlya-battlefield-6-na-pk-neobhodima-funkciya-secure-boot-v-ea-rasskazali-kak-eyo-vklyuchit.html>. Тергыме: 26 сорла 2025. 
  29. ↑ Открытый бета-тест Battlefield 6 стал крупнейшим в серии — шутер вошёл в топ-20 самых популярных игр Steam, 2025-08-11, <https://3dnews.ru/1127413>. Тергыме: 26 сорла 2025. 
  30. ↑ 1 2 3 Battlefield 6 critic reviews. Metacritic. Тергыме кече: 5 кылме 2025.

Кылвер-влак

"https://mhr.ruwiki.ru/w/index.php?title=Battlefield_6&oldid=1231243" гыч налме