Чыганын тӱнямбал кечыже
| Чыганын тӱнямбал кечыже | |
|---|---|
| Чыган тисте | |
| Тӱрлылык | Калык пайрем |
| Вес семын | «Чыган кече» |
| Ышталтын | Чыган-влакын икымше конгрессышт |
| Палемдат | Мланде |
| Кече | 8 вӱдшор |
| Йӱла | Чыган концерт, презентаций да фестиваль-влакым эртарымаш |
 Медиафайлы на РУВИКИ.Медиа | |
Чыган-влакын тӱнямбал кечышт — тиде интернационал пайремым пӱтынь тӱня мучко чыган-влак 8 апрельыште палемдат.
Историй ден пайремлымаш
Чыган-влак — иктеш поген лӱмдымӧ калык лӱм 80 наре этнос тӱшкам ушен, шке тукымыштын кушеч улмышытм, «чыган тӧртык» йӱлам шотын чумыргеныт. Посна этнос, калык тӱшка шке кӧргыштыжӧ шкешотан тӱвырам арала, ты поянлыкым аралышаш верч 1971 ий 8 апрельыште Лондонышто Чыган-влакын икымше конгрессышт эртен, тыште Мландысе 30 кугыжаныш гыч чыган-влакын делегатышт чумыргеныт. Тудо ийынак англичан столицыште Чыган-влакын тӱнямбал ушемышт ышталтын. Чыган-влакын икымше тӱнямбал конгрессын тӱҥ лектышыже — чыган-влак шкеныштым шочмо мланде деч поснак ик калык улшо наций семын ончыктеныт, тыгак шке калыкле тамгаштым — флагым да гимным — шочыктеныт. Чыган-влакын икымше тӱнямбал конгрессын икымше кечыже, нацийын шкеулмыжын (самоопределение) ончыктышо, чыган флагын, гимнын шочмыжо — чылажат 8 апрельыште палемдалт кертеш, но Чыган-влакын тӱнямбал ушемышт чыла пале-влакым иктеш ушен да "Чыганын кечыже" ман лӱмден.
Чыган-влакын тӱнямбал кечышт пайремыш чыган-влакын веле огыл, тыгак чыган тӱвырам пагалыше кажне еҥ ушна, вет ты кечын тӱня мучко тӱрло концерт-влак, презентаций[1], фестиваль-влак[2] эртаралтыт, тыш чыла кумылан калык-влак толыт да чыган ойпого дене келанат.
Южо чыганын уло тыгай йӱлаже: чыган-влакын кечышт пайрем кастене урем мучко сортам ылыжтен эрташ.
Палемдымаш
- ↑ Unise.Ru | Санкт-Петербург | В Петербурге отметят международный день цыган (недоступная ссылка)
- ↑ Фестиваль цыганского искусства посвящён Международному Дню цыган. Дата обращения: 6 вӱдшор 2010. Архивировано из оригинала 2 вӱдшор 2015 года.