Ужар пу кишке
Ужар пу кишке — китай календарь почеш 2025 ийын тамгаже.
Кишке ий тӱҥалтыш — 2025 ий 29 январь, мучашыже — 2026 ий 16 февраль[1].
Кишке идалык
Китай гороскопышто 12 чонан, нунын кокла гыч кажныже посна идалыклан келшен толеш. Янлык вич элемент гыч иктыж дене кылдалт кертеш: кӱртньӧ, пушеҥге, вӱд, тул, мланде. Вес семынже янлык 12 ийлан ик гана лиеш, кажне гана кылдалтме элементше вашталтеш. Чылаже 60 тӱрлӧ комбинаций лийын кертеш. Тыге китай гороскопысо идалык радам 60 ий жапыште уэм толеш[2].
Кишке 12 ияш циклыште 6-шо верыште улеш, да лийын кертеш[1]:
- кӱртньӧ (ош) кишке;
- пу (ужар) кишке;
- вӱд (канде) кишке;
- тул (йошкар) кишке;
- мланде (нарынче) кишке.
Кишкын ончычсо ийлаже
- 1929 (мланде)
- 1941 (кӱртньӧ)
- 1953 (вӱд)
- 1965 (пу)
- 1977 (тул)
- 1989 (мланде)
- 2001 (кӱртньӧ)
- 2013 (вӱд)
Тыгеракын, ужар пу кишкын идалыкше пытартыш гана 1965 ийыште лийын[3].
Тамга нерген
Кишке китай тӱвыраште пӱртӱсын тамгажлан шотлалтын, тиде чонаным пагален онченыт[2]. Нюйва китай юмым кишке капаным айдеме вуяным сӱретлат[4]. «Шань хай цзин» миф-влак книгаште вашлиялтыт тыгай юмо-влак, кудышт кишкым сӧрастарыме ӱзгар семын кучылтыт.
Тыгай кишке уш-акылан, мунло, чоя, ончык ужын мошта да ӱшанле[5].
2025 ийысе тамган тӱс ден куатше (стихия) эрвел умылымаште эре вияҥын, кӱшкӧ нӧлталт шогымым ончыктат.
Ужар пу кишке идалыкым вашлийме йӱла
Ужар пу кишкын идалыкшым еш кӧргыштӧ але лишыл йолташ дене вашлийыт.
Йӱла почеш шонат, пуйто ужар пу кишке тыгай вургем тӱсым сайлан шотла[6]:
- ужар;
- йошкарге;
- нарынче (шӧртньӧ)
- сур;
- шеме.
Вургемым шер, чинче, кӱполдыш, тӱр дене сылнештараш темлат.
Пӧрт кӧргым сылнештараш йӱштӧ тӱсым кучылтыт[6], тыгак кишке коваште гай йолгышо окам кучылтыт[1].
Пайрем ӱстелтӧрыш тыгай сийым шындат: шыл, кол, теҥызкочкыш, муно, сыр.
Палемдымаш
- ↑ 1 2 3 Зеленая Деревянная Змея - символ 2025 года по восточному календарю, 2024-10-04, <https://rg.ru/2024/10/04/chto-nuzhno-znat-o-simvole-2025-goda-zelenoj-dereviannoj-zmee.html>. Тергыме: 13 кылме 2024.
- ↑ 1 2 Зеленая Деревянная Змея. Что нужно знать о символе 2025 года, 2024-09-16, <https://www.rbc.ru/life/news/66e844dd9a794779d1a12ccb?ysclid=m3fvxfib99683550425>. Тергыме: 13 кылме 2024.
- ↑ Анна Луговая (2024-10-17), Каким будет следующий год Змеи по китайскому гороскопу: характеристики и описание знака, <https://lenta.ru/articles/2024/10/17/god-zmei-po-vostochnom-goroskopu/>. Тергыме: 13 кылме 2024.
- ↑ Нюйва — создательница человеческих существ. www.epochtimes.ru (9 вӱдшор 2016). Тергыме кече: 13 кылме 2024.
- ↑ Зеленая деревянная змея - символ 2025 года: что важно знать о главном символе, <https://www.kp.ru/woman/goroskop/zelenaya-derevyannaya-zmeya/?ysclid=m3fv6m0l50817160007>. Тергыме: 13 кылме 2024.
- ↑ 1 2 Принесет удачу: каким будет 2025 год Зеленой Деревянной Змеи, 2024-11-09, <https://www.5-tv.ru/tabloid/5005352/prineset-udacu-kakim-budet-2025-god-zelenoj-derevannoj-zmei/?ysclid=m3fvxn8vzp999131092>. Тергыме: 13 кылме 2024.
Литератур
- Проничева И. А. Роль культурной коннотации в адаптации семантики заимствованных образов в русской лингвокультуре (на примере 12 знаков по восточному календарю) // Тульский научный вестник. Серия История. Языкознание. 2020. № 3.
- Чжан Цзиньлэй, Непомнящих Е. А. Текстологическая специфика гороскопов (на материале русского и китайского языков) // Евразийский Союз Учёных. 2020. № 4-9.
- Цзя Хуэйминь Лунный календарь и знаки зодиака в повседневной культуре Китая // Манускрипт. 2016. № 7-1 .
- Цзя Хуэйминь Китайские новогодние праздники по лунному календарю в повседневной культуре современного Китая // Общество: философия, история, культура. 2016. № 8.