Тӱнямбал эҥыремышвот

Тӱнямбал эҥыремышвот але тыглайрак вот (англ. World Wide Web, WWW, Web) — интернетыште ваш-кылдалтше гипер-лаштыкын радамлыкше. Вот-браузер полшымо дене кажне вотлаштык-влакым ончен кертеш. Вотлаштыкыште текст, сӱрет, видео да вес мультимедиа лийын кертеш. Ик вотлаштык гыч весыш гиперкылвер гоч куснаш лиеш. 1989 ийын Ага тылзыште англичан энжинер да компуче шанчызе Тим Бернерс-Ли (англ. Sir Tim Berners-Lee) темлымашым возен. Тиде темлымаш кызытсе Тӱҥямбал эҥыремышвотлан негызым пыштен, а Тим Бернерс-Ли кызыт Тӱҥямбал эҥыремышвот консорциумын (англ. World Wide Web Consortium) директоржо улеш.