Тӱлыдымӧ комикс кече
Тӱлыдымӧ комикс кече (англ. Free Comic Book Day) — ий еда эртыше промо-мероприятий, комикс индустрий лудшо-влакым у комиксым налаш ман кевытыш тыге ӱжеш. Мероприятийым ышташ шонымаш Джон Филдылан толын, Конкордысо Flying Colors Comicsм фирме озалан, тудо 2001 ий августысо Comics & Games Retailer журналыште савыкташ темлен. 2002 ий 4 майыште Тӱлыдымӧ коммикс-влакын икымше кечышт эртен да тылеч вара ий еда майын икымше шуматкечыжын эртаралтеш. Координаторлан Diamond Comic Distributors шотлалтеш.
Российыште Тӱлыдымӧ комикс-влакын икымше кечышт 2019 ий 11 майыште эртен[1] да 2020 ий гыч[2][3] август гыч сентябрь марте ныл уик-энд жапыште эртаралтеш. Мероприятийын координаторжо «Комильфо» савыктыш улеш.
Сӱретлымаш
Кевытлаште яра пуэдыме коммикс кечын ты кече вашеш лӱмын савыктыме комиксым пуат, тыгак иземдыме ак дене тошто савыктыш-влакым ужалат[4]. Туге гынат продавец-влак шкешт савыктыше деч комиксым яра огыт нал: нуно 12 гыч 50 цент марте тӱлат[5]. Комикс пелен южо кевыт моло сатумат кучыкта, тидын шотыштак мини-постерым, брелокым, Ужар Понарым оҥгыжым да т. м.[6]
Икымше куд ий жапыште мероприятийын 30 утла эллаште 2000 утла кевыт 12 миллион тӱлыдымӧ коммиксым темен. Акцийын ятыр еҥже-влак ӱшанат: комиксым яра пуэдымаш комикс-индустрийым вияҥдаш да комикс-влакым чолган ужалаш полша[7][8].
Российыште Тӱлыдымӧ комикс кече 2019 ий гыч эрта. Тиде жапыште комикс-индустрий оза да блогер 50 тӱжем утла комиксым яра пуэденыт. 2019 ийыште ты кече майын кокымшо шуматкечынже эртен, но 2020 ий гыч организатор-влак комикс пайремым ныл уик-энд марте кумдаҥденыт, тыге нуно тылзе мучко оксам тӱлыде комиксым пуэдаш кутырен келшеныт. Акцийым эртарыме кечын комикс-влакым пуэдыме тӱрлӧ кевытлаште комикс-квиз, лотерей, модылтмаш эртат, кумдан палыме автор да комикс сӱретче-влак, тыгак ютубысо да киноиндустрий шӱдыръеҥ-влак дене автограф-сессий эрта. Российыште Комиксым яра пуэдыме кечым эртарышылан «Комильфо» комикс савыктышын директоржо Михаил Богданов шотлалтеш.
Ты пашашке «Коло кандашымше» (28oi.ru), «Чук и Гек», Geek Trip кевыт-влак, BUBBLE, «КомФедерация», «Рамона», «Зодиак», «Комильфо», «Альпака» савыктыш-влак, Сыендук, Руслан Хубиев, Оптимисстер, Фёдор Комикс, Лина Килевая, Асинастра, Qewbite блогер-влак, тыгак комиксын авторжо-влак Виталий Терлецкий, Koro, Роман Котков да молат ушнат.
Палемдымаш
- ↑ В России прошел первый "День Бесплатных Комиксов" (неопр.). Smi8 информационный портал (11 ага 2019). Тергыме кече: 30 сӱрем 2021. Архивлыме 30 сӱрем 2021 ий.
- ↑ В России снова пройдет День бесплатных комиксов - 2x2, <https://web.archive.org/web/20210730164458/https://2x2tv.ru/blog/free-comic-book-day-2020/>. Тергыме: 30 сӱрем 2021.
- ↑ В России наступает День Бесплатных Комиксов | GeekCity (неопр.). geekcity.ru. Тергыме кече: 30 сӱрем 2021. Архивлыме 30 сӱрем 2021 ий.
- ↑ Doctorow, Cory Free Comic Book day this Saturday! BoingBoing (30 вӱдшор 2009). Тергыме кече: 17 пургыж 2010. Архивлыме 26 идым 2012 ий.
- ↑ Free Comic Book Day Free For Whom? Comics Worth Reading (5 ӱярня 2007). Тергыме кече: 3 вӱдшор 2007. Архивлыме 26 идым 2012 ий.
- ↑ FCBD 2012 Merchandise. FreeComicBookDay.com. Архивлыме 26 идым 2012 ий.
- ↑ Free Comic Book Day: A Talk with Joe Field. Diamond Comic Distributors. Архивлыме 26 идым 2012 ий.
- ↑ Interview: Field on Free Comic Book Day. LoudPoet.com (18 пургыж 2005). Тергыме кече: 23 пеледыш 2012. Архивлыме 17 шыжа 2015 ий.