Туризмын тӱнямбал кечыже
| Туризмын тӱнямбал кечыже | |
|---|---|
 | |
| Тӱрлылык | Профессионал пайрем |
| Официал | англ. World Tourism Day |
| Тыгак | руш. День туризма |
| Ыҥ | Туризмым, тӱнямбал сообществе экономикыш тудын надыржым чапландарымаш, да тӱнямбал кылым вияҥдымаш. Тыгак ты аланыште тыршыше пашаеҥ-влакым саламлымаш. |
| Ышталтын | 1979 ий |
| Ыштыше | Тӱнямбал турист организаций |
| Палемдат |
 Тӱнямбал пайрем |
| Кече | 27 идым |
| Кылдалтын | 1970 ий 27 сентябрьыште Тӱнямбал турист организаций уставым пеҥгыдемдыме. |
 РУВИКИ.Медиаште медиафайл-влак | |
Туризмын тӱнямбал кечыже (англ. World Tourism Day) — тӱнямбал пайрем, 1979 ийыште Торремолинос испан олаште Турист тӱнямбал организацийын Генерал ассамблейже дене тӧнежлыме. 27 сентябрьыште палемдалтеш[1]. Российыште 1983 ий гыч палемдалтеш.
Пайремын шонымашыже — туризмым чапландараш, тудын тӱнямбал экономикым вияҥдышаш верч виктараш, тӱрлӧ элласе калык-влак коклаште кылым улаҥдаш.
2003 ийыште Генерал Ассамблейыште председательланыше эл шотеш Россий лийын. Турист сезонын Йӱдвел пелшарыште мучашлымылан да Кечывалвел пелшарыште тӱҥалмылан пӧлеклалтын. Пайрем тӱнян утларак эллаштыже палемдалтеш, турист-влакын слётышт, пайрем таҥасымаш, фестиваль-влак эртат. 2006 ийысе ӱжыкмут туризмын кӱлешлыкшым экономике фактор, айдемым улаҥдыше семын палемдышаш, южо эллаште туризм кугыжаныш бюджетын тӱҥ лончыжлан шотлалтеш.
Пайрем ӱжыкмут
Тӱнямбал турист организаций кажне ийын пайремысе ӱжыкмутым увертара:
- 1980 — Тӱвыра поянлыкым, тынысым, вашумылымашым арален кодмаште туризмын надырже
- 1981 — Туризм да илышын сайлыкше
- 1982 — Корнын суапше: сай уна да сай оза
- 1984 — Корныш коштмо да каныш — чумыр права веле огыл, муткучымашат
- 1984 — Туризм тӱнямбал умылымаш, тыныслык да пырля тыршымаш верч
- 1985 — Самырык-влакын туризмышт: культур да историй поянлык тыныс да келшымаш верч
- 1986 — Туризм — пӱтынь тӱняште тыныслыклан илыш вий
- 1987 — Туризм вияҥме верч
- 1988 — Туризм: чылаштлан тунеммаш
- 1989 — Турист-влакын эрыкан куснылмышт у тӱням шочыкта
- 1990 — Туризм — палыдыме индустрий, сервис, тудым илышыш шыҥдарыман («Туризмын Гаагысе Декларацийже»)
- 1991 — Кыл, информаций да образований: туризм вияҥмым рашемдыше корно-влак
- 1992 — Туризм: социал да экономикын иктеш кушмаш, еҥ-влак коклаште палыме лиймаш
- 1993 — Йырым-йырысе йырвелым арален туризмым вмяҥдымаш: гармоний верч
- 1994 — Кӱкшӧ классан персонал, туризмын сайже
- 1995 — ВТО тӱнямбал туризмын службыштыжо 20 ий
- 1996 — Туризм: ваш пагалымаш да тыныслык фактор
- 1997 — Туризм: паша верым ыштыме да йырвелым аралыме шотышто коло икымше курымын корныжо
- 1998 — кугыжаныш да частный сектор-влакын партнёрышт: туризмым вияҥдымаште сравоч
- 1999 — Туризм: у тӱжемийыште тӱнямбал поянлыкым аралымаш
- 2000 — Технологий да пӱртӱс: туризмлан коло икымше курым тӱҥалтыште кок неле паша
- 2001 — Туризм: цивилизаций-влакым тыныс дек да мутланаш ӱжмаш
- 2002 — Экотуризм — ӱшанлын вияҥаш сравоч
- 2003 — Экотуризм — нужналык дене кучедалмаште, паша верым почмаште, социал иктӧрлыкым кучымаште вий
- 2004 — Спорт да туризм: ваш-ваш умылашлан, тӱвырам да мер илышым вияҥдашлан кок куатле вий.
- 2005 — Корныш коштмо да транспорт: Жюль Вернын шонымашыж гыч 21 курымыш
- 2006 — Туризм пойдара
- 2007 — Туризм ӱдырамаш-влаклан омсам почеш
- 2008 — Туризм климат вашталтмын йодмыжым шукта
- 2009 — Туризм — тӱрлӧ-тӱрлын ойыртемже
- 2010 — Туризм пойдара
- 2011 — Туризм тӱвыра-влакым уша
- 2012 — Туризм да пеҥгыде энергетике
- 2013 — Туризм да вӱд поянлык: ончыкылыкнам аралымаш
- 2014 — Туризм да мерым вияҥдымаш
- 2015 — Ик миллиард турист — ик миллиард йӧн
- 2016 — Туризм чылаштлан — Туризм ден пайдаланымылан кумылаҥдымаш
- 2017 — Пеҥгыде туризм — вияҥме ӱзгар
- 2018 — Туризм да цифран трансформаций
- 2019 — Туризм да паша вер-влак: чылалан чапле ончыкылык
- 2020— Ялысе да экологий туризм
- 2021 — Туризм инклюзив кушкаш йӧным ышта
Тыгак ончо
Палемдымаш
- ↑ [www.calend.ru/holidays/0/0/76/ Всемирный день туризма — 27 сентября. История и особенности праздника в проекте Календарь Праздников 2010]