Скейтбордингын тӱнямбал кечыже
| Скейтбордингын тӱнямбал кечыже | |
|---|---|
 | |
| Тӱрлылык | Скейтборгинг |
| Официал | Go Skateboarding Day |
| Ыҥ | Скейтбординг дене чылан кылым кучен кертыт, тыгак спорт тӱвырам аралымаш да скейтер-влакын тӱкнымӧ инфраструктур проблемылан тӱткышым ойырымаш |
| Ышталтын | 2003 ийыште |
| Ыштыше | Скейтборд компаний-влакын Тӱнямбал Ассоциацийышт (Дон Браун ден Пер Велиндер) |
| Палемдат | Тӱнямбал пайрем |
| Кече | 21 пеледыш |
| Кылдалтын | Калифорнийысе событий-влак дене кылдалтын, тушто скейтбордист-влак «No Skateboarding!» чарыме тамгам «Go Skateboarding!»-лан вашталтеныт |
Скейтбордингын тӱнямбал кечыже (англ. Go Skateboarding Day) — ий еда эртыше официал пайрем, тудым Скейтборд Компаний-влакын Тӱнямбал Ассоциацийышт (англ. International Association of Skateboard Companies) дене 2004 ийыште пеҥгыдемдыме[1]. Пайрем 21 июньышто палемдалтеш.
Историй
Скейтбординг пайремым США-н касвел серыштыже 2004 ийыште шонен луктыныт. Верысе скейтбордист-влак чарыше «No Skateboarding!» возыктыш олмеш «Go Skateboarding!» серымым скейт-стоппер ӱмбакак пижыктылыныт. Ту ийынак Тӱнямбал Скейт компаний-влакын Ассоциацийышт (тудыжо, шуко тылзылан алкомошыш пураш огыл манын, нигунам тичмашын ок погыно) калифорнийысе хулиган-влакын шонымыштым авалтен да американ Конгресс марте шуын — Вашингтон книгагудышто ик кагаз аралалтеш, кудыжо 21 июньым Скейтбордингын тӱнямбал кече семын увертара.
Мероприятий-влак
2004 ийыште Нью-Йоркышто Emerica компаний «Уремлаште ир» икымше фестиваль эртаралтын, тушко AM да Pros гыч скейтер команде-влак ушненыт.
2004 ийыште Лейк-Форестыште скейтбординг ушем-влак коклаште Etnies скейт-паркыште икымше мероприятий-влак эртаралтыныт: Etnies, èS, Emerica, Vans, Birdhouse да молат.
2006 ийыште мероприятий-влак 32 элыште эртеныт.
2007 ийыште пайремлымашке 20 миллион наре скейтер ушнен[2].
2009 ий гыч Афганистаныште мероприятий-влак Skatistan поро кумылым ончыктышо тӧнежын полшымыж дене эртаралтыт[3].
2011 ийыште Квинсыште Maloof Cup Park стадионышто Maloof Money Cup ен 5boro-н полшымышт дене таҥасымаш-влак эртеныт.
Российысе пайрем историй
Российыште икымше гана пайремым 2006 ийыште Архангельск, Озаҥ, Киров, Моско, Санкт-Петербург, Омск да тулеч моло вереат пайремленыт[4]. Кызыт тиде пайрем ий еда эртаралтеш.
Палемдымаш
- ↑ Официальный русский сайт праздника (недоступная ссылка — история). Тергыме кече: 10 сӱрем 2009. Архивлыме 3 вӱдшор 2012 ий.
- ↑ Pavel Zhdankin. 21 июня -- Go Skateboarding Day! в России. gsd.skater.ru. Тергыме кече: 29 ага 2025.
- ↑ Go Skateboarding Day 2014, 2014-06-30, <https://web.archive.org/web/20160304033515/https://www.skateistan.org/blog/go-skateboarding-day-2014>. Тергыме: 29 ага 2025.
- ↑ Go Skateboarding Day в России в 2006 году. Тергыме кече: 10 сӱрем 2009. Архивлыме 19 ага 2010 ий.
Кылвер-влак
- Официальный сайт праздника
- Официальный сайт праздника в России Архивировано 3 вӱдшор 2012 года.