Системе администраторын кечыже
| Системе администраторын кечыже | |
|---|---|
 Сисадмин кечылан Таксым (тудак Тукс) сӱретлыман торт | |
| Тӱрлылык | Профессионал пайрем |
| Официал | System Administrator Appreciation Day |
| Палемдат | ий еда июльын пытартыш кугарнянже |
| 2026 | 31 сӱрем |
| 2027 | 30 сӱрем |
 РУВИКИ.Медиаште медиафайл-влак | |
Системе администраторын кечыже (тыгак «Сисадмин кече» семын палыме) — пайрем, администратор-влакын порысыштым шуктышо пашаеҥ-влаклан тауштымо семын июльын пытартыш кугарнянже палемдалтеш.
Америкысе семын — Системе администраторлан тауштымо кече (англ. System Administrator Appreciation Day).
Историй
Пайремын «ачажлан» 20 ий наре американ системе администраторлан тыршыше Тед Кекатос шотлалтеш, тудо Hewlett-Packard журналыште рекламым ужын, кузе американ системыш у принтерым вераҥдымылан куанен пайдаланыше-влак пеледыш да саска корзинка дене тауштат. Кекатос шкежат тыгаяк модель икмыняр принтерым вераҥден улмаш да Системе админитраторлан пӧлеклалтше посна кечым увертараш шонен пыштен. Кекатосын икымше тыгай кече 2000 ий 28 июльышто лийын[1]. Тиде Чикаго воктене пӱртӱсыштӧ пикник веле лийын, тушто изирак софверный компанийын еҥже-влак лийыныт. Тылеч вара пайремым июльын пытартыш кугарнянже палемдат.
2006 ий гыч «Информаций мертолкынын тӱнямбал кечыже» (2007 ий гыч Электрокыл да увер шотышто тӱнямбал обществын) палемдалташ тӱҥалыныт, тудыжо 17 майыште пеҥгыдемдалтын. ООН-ын Генеральный Ассамблейжын увертарыме тиде пайремын официал статусшо уло, да, очыни, тыгак системе администраторын кечыжлан шотлалт кертеш.
Российысе пайрем
2006 ий гыч (2018 ий гыч Ярославль воктене) ий еда Пӱтынь Российысе системе администратор-влакын слётышт эрта, кажне ийын утларак да утларак еҥым чумыра. Тыге икымше гана тышке 350 наре еҥ толын гын, 2009 ийыште Россий, Украине, Белоруссий, Казахстан гыч 174-ше ола гыч 3000 утла еҥ ушнен[2].
Июльын пытартыш кугарнянак Калуга кундемыште LinuxFest фестиваль эрта. Новосибирскыште системе администратор-влак эреак Обский теҥыз сереш вашлийыт.
«Сисадмин кечым» июльын пытартыш кугарнянже эртарыме йӱла Екатеринбургыштат уло. Тӱҥалтыште погынымаш-влак увертарыде эртеныт, а 2010 ий гыч вашлиймашышт официально[3] клавиатурын кумдан палыме Чапкӱ воктенак эрта. Тудо ты пашам шуктышо-влакын пашашт дене кылдалтше таҥасымаш дене эрта: компьютерын шаланыше, пӱчмӧ почан коляжым тораш да палемдыме кымдыкыш кышкылтмаш), тыгак тӱрлӧ нелытан жесткий диск кылдыш дене вий-куатым тергымаш[4]. 2016 ийыште Сисадминын кечыж годым чапкӱштӧ легендысе сисадмин Евгений Зориным шарныктыше оҥам почыныт, тудым Уралысе прессе «Урал Интернетын ачаже» ман лӱмда[5].
Беларуссийыште пайрем
Июльын пытартыш кугарняжын тыгак B.E.E.R (Best engineer event in republic) конференций эрта, тудо еҥ-влакым Минскыш чумыра. Ты вашлиймашлан негыз 2017 ийыште пышталтын, 2020 ийыште конференций ик эн ончыч оффлайн-форматыште эртен, 2021 ийыште мероприятий 31-ше июльышто эртен.
Палемдымаш
- ↑ Interview with the founder of System Administrator Appreciation Day Ted Kekatos. SpiceWorks. Тергыме кече: 27 пургыж 2015. Архивлыме 27 пургыж 2015 ий.
- ↑ Geeks amassed. RT. Тергыме кече: 27 пургыж 2015. Архивлыме 27 пургыж 2015 ий.
- ↑ В Екатеринбурге впервые официально отметят День системного администратора. Тергыме кече: 5 сорла 2016. Архивлыме 30 сӱрем 2017 ий.
- ↑ Cисадмины Екатеринбурга отмечали свой профессиональный праздник у памятника клавиатуре. Тергыме кече: 4 сорла 2016. Архивлыме 22 идым 2016 ий.
- ↑ С кем мы простились в 2015 году. Спецпроект URA.Ru. Тергыме кече: 4 сорла 2016. Архивлыме 2 сорла 2016 ий.
Кылвер-влак
- The Official Sysadmin Day Website (англ.)
- Официальный сайт фестиваля SysAdminDay (руш.)
- Официальный сайт Всероссийского Слета Системных Администраторов (руш.)
- Слет Системных Администраторов в Орле
- День сисадмина, «Компьютерра», 28 июля 2005 г
- День системного администратора и его официальный статус
- Журнал «Системный администратор»