Семын тӱнямбал кечыже

Семын тӱнямбал кечыже
Официал	англ. International Music Day
Тыгак	мар. Семын кечыже
Ыҥ	Сем сымыктышым тӱрлӧ калык коклаште чапландарымаш, тыгак сымыктышын тиде йогыныштыжо тӱнясе тӱрлӧ калык коклаште опыт дене пайлалтмаш, эстетике поянлыкым формироватлымаш да икте-весыштым пагалымаш.
Ышталтын	1973 ийыште
Ыштыше	Тӱнямбал сем каҥаш, ЮНЕСКО
Палемдат	Тӱнямбал пайрем
Кече	1 шыжа
Кылдалтын	сем дене

Семын тӱнямбал кечыже (англ. International Music Day) ЮНЕСКО пелен улшо Тӱнямбал сем каҥашын (IMC) темлымыж почеш тӧнежлыме, ий еда пӱтынь тӱнямбалне 1 октябрьыште палемдалтеш.

Семын тӱнямбал кечыжым эртарыме нерген пунчалым 1973 ийыште Лозаныште эртыше 15-ше IMC Генерал ассамблейыштыже лукмо.

1974 ий 30 ноябрьыште Тӱнямбалысе музык советын председательже, сэр Иегуди Менухин да тудын алмаштышыже Борис Ярустовский IMC-ын йыжъеҥже-влаклан серышым сереныт:

Тӱнямбал сем каҥашын Тӱнямбал семлан тӧнежлыме икымше кечыже, IMC Генерал Ассамблейын резолюцийжылан келшышын, 1973 ийыште 1 октябрьыште Лозаныште эртыше кече 1975 ий 1 октябрьыште эрташ тӱҥалеш.

Тиде кечын тӱҥ шонымашыже:

— сем сымыктышым мер калыкын чыла лончышкыжо шыҥдараш;

— ЮНЕСКО-лан келшыше тыныс да келшымаш, тӱвырам вияҥдыме, ваш-ваш пагалымаш да моторыкым саклыме нерген шонымашым калык-влак коклаште шараш.

Серышыште тыгак тиде кечылан пӧлеклалтше семлык мероприятий планым ончыктымо, тиде лийын кертеш сем концерт, семмастар дене усталык вашлиймаш, семӱзгар, сымыктыш произведений, фотографий ончер-влак да тулеч молат. Серышын тичмаш текстше IMC-ын сайтыштыже савыкталтын.

Палемдымаш