Пӱкшерме
| Пӱкшерме | ||||||||||||
|---|---|---|---|---|---|---|---|---|---|---|---|---|
 Тыглай пеледше пӱкшерме | ||||||||||||
| Шанче классификаций | ||||||||||||
|
ОШИБКА: нет таксономического шаблона {{Corylus}}. Заполните параметры parent и rang. Род: Пӱкшерме |
||||||||||||
| Тӱнямбал шанче вуйлӱм | ||||||||||||
| Corylus L. | ||||||||||||
| Типовой вид | ||||||||||||
| ||||||||||||
Пӱкшерме – 7 м наре кӱкшытан вондо. Лышташыже йыргешке-чуякарак, кокыте пӱчкылтшӧ пӱян, пӱсӧ тӱран да кӱчык вурган, йымалже пунан. Пӱкшерме лышташыже лекме деч ончыч, апрельыште, южгунам март мучаште, пеледеш. Пӱкшыжӧ йыргешке кӱчык калташте (плюскышто) шинча. Нуно августышто – сентябрьыште, шумекышт, калта гыч йогат.
Пӱкшвондышто 20–28 вурго лиеш, шоҥгемаш тӱҥалмекыже, вурго койын шагалемеш. Чодырасе ӱсылан верыште 5 вурган вондо веле вашлиялтеш.
Пӱкшерме иман-лышташан да лышташан чодыраште, корем тайылыште, чодыра тӱрыштӧ да аланыште кушкеш. Туштыжо нуно шыгыр изи чодыра гай койыт. Тудо изиш вӱдыжгырак мландым йӧрата, могайыште мераҥлашка да серетан кушкыт. Пӱкшерме чӱчкыдын чодыра руымо верыште писте, ваштар, шоло, пызле, куэ да моло лышташан пушеҥге дене пырля вашлиялтеш.
Тӱрлӧ вере илыше марий-влакын кутырымаштышт ты вондын лӱмжӧ икмыняр ойыртемалтеш, таҥастарыза:
- олык, эрвел марий (Малмыж, Урал) – пӱкшерме
- Яраҥ (Киров обл.), Тоншай (Нижегород. обл.) – пӱкшермӹ
- Шараҥге (Нижегород. обл.) – пӱкшванты
- Красноуфимск (Свердл. обл.) – пӱкшвондо
- Шоруньжа (Морко р-н) – пӱгышкерме
- курык марий – пӹркем, пӱкш
- Малмыж (Киров обл.), Ӱшнӱр (Советск. р-н) – пӱшкерме
- Йывансола (Волжск. р-н), Морко р-н – пышкерме.
Палемдымаш
- ↑ Entry for Corylus L. (англ.). NCU-3e. Names in current use for extant plant genera. Electronic version 1.0 (24 идым 1997). Тергыме кече: 30 кылме 2010. Архивлыме 9 пургыж 2012 ий.