Ойвашталтыш
Марий йылме дене олимпиаде материал-влак
Ойвашталтыш — кок але икмыняр еҥын ваш мутланымыштым диалог маныт. Тыгодым ик еҥын каласымыже реплик лиеш.
Диалогышто кажне реплик у корно гыч тӱҥалеш, тудын ончылан тире шындалтеш, а кавычке ок лий. Мутлан:
Тиде жапыште шӱвыр йӱк шокташ тӱҥале.
— Сӱан тарвана! ‑ ала-кӧ кычкырале.
Эчей Иван изиш колышт шогыш да чытен ыш керт, тавалтен колтыш:
— Ок-ти, ок-ти, ачаж дечат мастар, аваж дечат мастар!.. Ну, тыгеже, мый кажне кечын тышке кошташ тӱҥалам… Пӧтыр, тол, коктын кушталтена! Шӱвыр шоктымо чарныш.
— Тидын дене музык увертышнам чарнена… Кызыт кок минутлан канымашым ыштена, кок минут гын Москвам колыштса!..
Радио адак изиш чу-ж-ж-ж ыштыш да чарныш.
— Жал, вашке чарныш,— манеш Эчей Йыван.— Мыйын йол кошташ гына тӱҥалын ыле… (С. Ч.)