Мальбекын тӱнямбал кечыже
| Мальбекын тӱнямбал кечыже | |
|---|---|
 Памятник лозе мальбека, Мендоса, Аргентина | |
| Тӱрлылык | Ий еда |
| Ышталтын | 2011 ийыште Аргентиныште |
| Кече | 17 вӱдшор |
| Кылдалтын | Мальбек |
Мальбекын тӱнямбал кечыже (исп. Día Mundial del Malbec) — ий еда 17 апрельыште эртаралтеш, кунам аргентинысе президент Доминго Фаустино Сармьенто аргентин арака промышленностьым вашталташ шонымыж нерген официальне увертарен.
1853 ий 17 апрельыште президент Сармьенто француз агроном Мишель Эме Пужелан у сорт виноград укшым Аргентиныш кондаш кӱштен. Пужен кондымо укш коклаште мальбек лийын[1]. Пуже француз сорт-влакым Аргентинысе тӱрлӧ мланде кумдыклан (терруар) келыштарен куштен. Лу ий эртымек, Рон кундемым Кугу француз арака чер ӧрыктарен. Тиде жапыште мальбек Аргентиныште иланен, француз арака деч ятыр шотышто чаплырак аракам ышташ йӧным почын[2]. Икмыняр лу ий эртымек, 1956 ийыште Франций эше ик эҥгек дене тӱкнен: ятыр мальбек виноград пакча кылмен[2].
Тылеч варасе ийлаште поснак индешлымшыште, Аргентина шкенжын аракам ыштен лукмо тӱҥ сортшылан мальбекым шотлен. Мальбеклан 5000 утла гектар мландым ойырымо, да тудо элысе экспортын лидерже лийын[2]. Пӱтынь тӱняште аракам йӧратыше-влак, поснак США-ште, шканышт почыныт аргентин мальбекым да моткоч кӱкшын аклат[3][4].
Пайрем историй
Мальбекын тӱнямбал кечыжым 2011 ийыште аргентин аракам тӱня мучко ужалыше Wines of Argentina темлымыж дене увертарыме. Маркетинг ден коммуникаций пӧлкам вуйлатыше Лис Клеманын шонымыж почеш, тиде пайрем аргентин аракан ик эн шергакан поянлыкшым ончыкташ полша[5][6]. Аргентин мальбекын пеш сай улмыжлан кӧра Аргентиным тӱнямбалне ик эн тӱҥ энологий рӱдер семын аклаш лиеш[7].
Кызытсе состояний
Тачысе кечын мальбеклан, аргентин кочкышлан да илыш-йӱлалан пӧлеклалтше мероприятий-влак тӱнян 60 наре олалаштыже эртаралтыт[8]. Кажне ийын мальбек ден аргентин тӱвыра дене кылдалтше теме увертаралтеш.
Палемдымаш
- ↑ A. Domine (ed) Wine pg 840-844 Ullmann Publishing 2008 ISBN 978-3-8331-4611-4
- ↑ 1 2 3 The Oxford Companion to Wine / Jancis Robinson. — 3rd. — Oxford University Press, 2006. — P. 421. — ISBN 0-19-860990-6.
- ↑ The history of Malbec (англ.). Malbec World Day. Архивировано из оригинала 31 ӱярня 2015 ий.
- ↑ Eric Asimov. Malbecs From Argentina Fight the Stereotypes (англ.). The New York Times (7 кылме 2019). Тергыме кече: 25 идым 2020. Архивлыме 4 шорыкйол 2021 ий.
- ↑ El camino del Vino (исп.). https://revistapaco.com. Revista Paco. Тергыме кече: 25 ӱярня 2015. Архивировано из оригинала 2 шыжа 2016 ий.
- ↑ Malbec World Day, KW dijo presente! (исп.). Kick Wines. Тергыме кече: 25 ӱярня 2015. Архивировано из оригинала 2 вӱдшор 2015 ий.
- ↑ 40 Vinos Argentinos en el Top 100 Wine Spectator, MDZ Online, <https://web.archive.org/web/20150320012818/http://www.mdzol.com/nota/575203-40-vinos-argentinos-en-el-top-100-wine-spectator/>. Тергыме: 25 ӱярня 2015.
- ↑ BBC News: Kentish wine producer 'made to give away wine'. Тергыме кече: 25 идым 2020. Архивлыме 27 ага 2022 ий.