Лабораторийысе чонаным аралыме тӱнямбал кече
Лабораторийысе чонаным аралыме тӱнямбал кече (англ. World Day for Laboratory Animals) — 1979 ийыште Калыкле антививисекцион обществе (NAVS) увертарен да ООН авалтен[1][кылдалтше важ? 2926 кече] ий еда 24 апрельыште палемдалтеш.
Историй
24 апрель кечым NAVS-ын ончычсо президентше Хью Касвелл Трименхир Даудинг лӱмеш ойырымо, Даудингын 1-ше баронжо тиде кечын шочын.
Кодшо курым кыдалне ятыр эллаште «Моторлык торжалык деч посна» ӱжыкмутан мер толкын шарлен, тиддеч вара косметикым лукшо ятыр ыштыквер-влак сатуштым кушкыл дене гына (чонан-влакын компонентышт деч посна) ыштен лукмашке кусненыт да альтернатив тест дене пайдаланаш (чонаным кучылтмо деч посна) тӱҥалыныт. Тыгай сатум ынде фирме тамга дене тамгалат: йыргекыште кролик да серыме «Not tested for animals» («Чонаным кучылтмо огыл»), или знаком «V» (веган)[2].
Таче тиде кече демонстраций да лабораторий шымлымаште чонаным кучылтмо ваштареш улшо чолгаеҥ-влакын протестышт дене ойыртемалтеш. 2010 ий апрельыште чонаным кучылташ ваштареш улшо-влак Лондонын рӱдӧ уремже дене эртеныт, лабораторийыште чонаным шымлен кучылтмашым чараш йодыныт. Тыгаяк марш 2012 ийыште Бирмингемыште да 2014 ийыште Ноттингемыште лийыныт.