Кугу йоча-влак (фильм)
| Кугу йоча-влак | |
|---|---|
 | |
| Жанр-влак | комедий, драме |
| Режиссёр | Виллен Азаров |
| Сценарийын авторжо |
Валентина Спирина |
| Тӱҥ рольышто |
Алексей Грибов Зоя Фёдорова Лилиана Алешникова Александр Демьяненко Всеволод Санаев Андрей Тутышкин Геннадий Бортников |
| Оператор-влак |
Сергей Зайцев Владимир Мейбом |
| Композитор | Александр Флярковский |
| Кинокомпаний-влак | «Мосфильм» |
| Кужыт | 75 мин. |
| Эл |
 СССР |
| Йылме | руш йылме |
| Ий | 1961 |
| IMDb | ID 0055610 |
«Кугу йоча-влак» — режиссёр Виллен Азаровын «Мосфильм» киностудийыште 1961 ийыште войзымо совет комедий фильм. Сӱрет тӱрлӧ тукымын — ача-ава ден йоча-влакын — тыглай огыл вашкылышт нерген каласкала, нунылан ик пачерыште илаш, икте-весыштын кумыл йодмыштым пагалаш да конфликтым решатлыме йӧным муаш перна[1][2][3].
Сюжет
Уремыште 1950-ше ийла мучаш. Королёвмыт еш шукерте огыл у пӧртыштӧ кужун вучымо пачерым налын, сулен налме пенсийыш лектыныт да ласкан каныме нерген шонкалаш тӱҥалыныт. Анатолий Кузьмич (актёр Алексей Грибов) пенсийыш лекмыж деч ончыч пытартыш паша кече деч вара мӧҥгыжӧ пӧртылеш да ватыже Татьяна Ивановна дене (актрисе Зоя Фёдорова) кок пенсионерын ончыкылык илышыштлан планым каҥаша. Тыгодым омсадӱрыштӧ нунын кугурак ӱдырышт, архитекторлан пашам ыштыше Людмила (актрисе Лилиана Алёшников) койылалта да 1,5 тылзе палыме улмо деч вара марлан лекмыж нерген увертара. Ача-ава кенеташте ӧрмалген колтат. Омсашке у веҥе Игорь (актёр Александр Демьяненко) пура, тудат архитектор. Самырык вате-марий тӱҥалтыш жапыште ача-ава дене илаш тӱҥалаш шонат. Ты тат гыч тымыкын каныме нерген илалше еҥ-влаклан мондаш логалеш.
Вате-марий Виноградовмыт мут кучыман вуйлатыме пашаште улыт, туге гынат шке ача-авалан тугак тугак эше кугу йоча семын кодыт. Пенсионер-влак самырык-влакым, нуным шкевуя илен кертдымылан шотлен, умбакыже ончат, а йоча-влак кугурак тукым велке умылыдымашым да пагалыдымашым ончыктат.
Самырык вате-марийын шке интересышт, да илышымат утларак кызытсе жаплан келшышын ончат, тыгайым илалше ача-авалан умылаш йӧсӧ. Чӱчкыдынак нунын дене огыт кӧнӧ да сомсора койышым ыштылыт. Ик рушарнян Королёвын черетыште икмыняр ий шогымо, кужун вучымо «Хельга» стенке олмеш веҥыже шканже телескоп вилкан мотоциклым налеш. Эр еда Игорь ден Люся, вуйышто шоген, йог манмым ыштылыт, виян семым колыштыт, лӱшкышӧ компанийым кондат, чӱчкыдынак ӱчашат, шке шонымашышт верч пеҥгыдын шогат. Утыждене ончыштмаш да уто темдымаш Виноградовмытым шыдештараш тӱҥалеш. Тидыже кок еш кокласе каргашымашлан да тӱрлӧ келшыдымашлан амалым шочыкта. А самырык-влакын йочашт лиймеке, илыш йӧршын чыташ лийдыме лиеш. Кова ден коча але гына шочшо Толик уныкаштым утыждене ончаш пижыт, икшывым ончен-куштымо шумлык шке шонымыштым тушкат. Вашке нуно, ача-авам кораҥден, изи ньогам ончымо чыла пашам тӱрыснек шкаланышт налыт.
Шкеныштын пырля тӱҥалме архитектур проектым мучашлаш Люся пашашке пӧртылеш. Самырык вате-марий вуйге пашаш шуҥгалтыт да эргыштлан жапым йӧршеш ойырымым чарнат. Икана Королёвмыт театрыш каят, а Виноградовмыт, пашашке ласкан ошкылаш манын, чызе кочшо ньогам пошкудо рвезе Витя пелен кодат. Витя пачерышке икмыняр лу йочам ӱжеш, нуно чыла унчыливуя савырат. Татьяна Ивановна ден Анатолий Кузьмич, мӧҥгӧ пӧртылмеке, ӧрткен кудалтат… Архитектур проектым сайын пытарымек, вате-марий Виноградовмыт путёвко дене кок арнялан санаторийыш каяш ямдылалтыт, но Анатолий Кузьмич шыдешкен кудалта, нунын олмеш тушко ватыж дене кая. Самырык-влаклан тергалтме, каргашыме да еш ден тусо еҥ-влакын рольыштым уэш аклен ончалме жап тӱҥалеш. Нуно сырат, сӧрасат да икте-весышт ден йоча верч мут кучаш тунемыт.
Фильм мучашыште еш-влак ойырлаш лийыт, но ача-ава-влак йочамытлан умбакыже полшат.
Рольышто
- Алексей Грибов[4][5] — Анатолий Кузьмич Королёв
- Зоя Фёдорова[5] — Татьяна Ивановна Королёва
- Лилиана Алёшникова[5][6] — Людмила Виноградова (Королёва)
- Александр Демьяненко[5][7][8] — Игорь Николаевич Виноградов
- Всеволод Санаев — Василий Васильевич, ешын йолташыже
- Николай Граббе — милиционер
- Геннадий Бортников — йӧратен шындыше
- Марина Хатунцева — йӧратен шындыше
- Константин Худяков — самырык архитектор
- Александр Лебедев — архитектор
- Андрей Тутышкин — Борис Владимирович, архитектор[1]
Сниматлыше тӱшка
- Сценарийын авторжо — Валентина Спирина
- Шындыше режиссёр — Виллен Азаров
- Режиссёр-влак — В. Глазков, Аида Манасарова
- Оператор-влак — Сергей Зайцев, Владимир Мейбом
- Композитор — Александр Флярковский
- Сӱретын директоржо — Владимир Канторович
- Костюм шотышто художник — Валентин Перелётов[9]
Тыгак ончо
Палемдымаш
- ↑ 1 2 Взрослые дети (1961 год). Кино-театр.ру. Тергыме кече: 13 кылме 2023.
- ↑ Взрослые дети. СССР, Россия, 1961. Афиша (журнал). Тергыме кече: 13 кылме 2023.
- ↑ Взрослые дети (1961). Кинопоиск. Тергыме кече: 13 кылме 2023.
- ↑ Фильм «Взрослые дети», 1961 год. (к/т «Иллюзион», Большой зал). Лента представлена в рамках программы «ПЕРСОНА. Алексей Грибов». Gosfilmofond-org.timepad.ru. Тергыме кече: 13 кылме 2023.
- ↑ 1 2 3 4 "Звёзды советского экрана": "Взрослые дети". M24.ru (9 ӱярня 2023). Тергыме кече: 13 кылме 2023.
- ↑ Сломанная судьба Лилианы Алёшниковой: Как любопытство журналистов ускорило уход забытой кинозвезды. Kulturologia.ru. Тергыме кече: 13 кылме 2023.
- ↑ Как роль Шурика стала для Александра Демьяненко проклятием всей жизни. Kino.rambler.ru (30 ага 2019). Тергыме кече: 13 кылме 2023.
- ↑ Татьяна Уланова. Бедный Шурик! Гайдай сделал его звездой, Гайдай погубил его карьеру. Аргументы и факты (30 ага 2022). Тергыме кече: 13 кылме 2023.
- ↑ Взрослые дети (1962). Kino.mail.ru. Тергыме кече: 13 кылме 2023.
Литератур
- Левшина И. В жизни и в искусстве // Искусство кино. — 1962. — № 3. — С. 122-125.
- Рудницкий К. Сюжет, улыбка, мораль... // Советский экран. — 1962. — № 1.
- Колесникова Н. Четверо под одной крышей // Советская культура. — 1961. — № 152 (1332) (21 декабря). — С. 3.
- Кваснецкая М. — «Взрослые дети» // Комсомольская правда, 16 декабря 1961.
Кылвер-влак
 |
|---|
| Виллен Азаровын фильм-влакше | |
|---|---|
| |
Тиде статья РУВИКИ-н вес статьяшт дене кылдалтын огыл. |
.svg){kind=link}