Конкурс

Ксения Сухинова — «Мисс Россия 2007» да «Тӱнямбал Мисс 2008» сылнылык конкурсын сеҥышыже

Конкурс (лат. concursus — вашшогымаш, погынымаш) — сымыктыш, шанче да моло шот дене икмыняр еҥын таҥасымашыже, тӱшка гыч шкенжым эн сайын ончыктышым (але ончыктышо-влакым) ойырен налаш шонымаш дене таҥасыше-влакым сеҥышыш лукмаш.

Конкурс икмыняр ужаш дене эртен кертеш (тӱҥ шотышто: ойырен налме, тӱҥ да мучашлыме (финал).

«Конкурс» терминым да конкурсым эртарыме тӱҥ йӧным палемдымаш

Тӱҥалтыш деч мучаш марте палемдыме правил дене келшышын, эн сай еҥым (конкурсантым) сеҥыше верыш лукмо паша але эн сай претендент-влакым (конкурсант-влакым) сеҥымашке кондымо паша радам конкурслан шотлалтеш. Сеҥыше-влакым палемдымаш «пеш сайын терген шымлымаш» (экспертиза) але «шотлен лукмо» (йӱклымаш) почеш эрта, тыгодым тергыме да шотлымо икмыняр йӧн-влакым ушен кучылташ лиеш.

Палемдымаш

Литератур

• Светлана Иванова. 50 советов по нематериальной мотивации. — М.: Альпина Паблишер, 2012. — 240 с. — ISBN 978-5-9614-2210-8.