Караван дене коштшын тӱнямбал кечыже
| Караван дене коштшын тӱнямбал кечыже | |
|---|---|
 | |
| Тӱрлылык | Профессионал пайрем |
| Вес семын | Караван дене коштшын кечыже |
| Палемдат | Ий еда |
| Кече | 24 идым |
Караван дене коштшын тӱнямбал кечыже (англ. International Day of Caravan[1]) — корныш тӱшкан коштшо караванвӱдышын да моло еҥ-влакын машина колоннышто, пароход караваныште, мӱндыр корныш коштшо автомобилистын, торгайыше пуш-шамычын, эскорт корабльысе экипажын официал огыл профессий пайремышт, ий еда 24 сентябрьыште палемдалтеш[2][3].
Историй
,_USS_William_H._Standley_(CG-32)_and_USS_Guadalcanal_(LPH-7)_escort_tanker_Gas_King_in_the_Persian_Gullf_on_21_October_1987_(6432283).jpg)
Ик версий почеш пайрем Адам Уильямсын шочмо кечыж дене, 1564 ий 24 сентябрь дене, кылдалтын. Уильямс, тыгак япон лӱм дене палыме Андзин Миура (яп. International三浦按針), эн ончыч Европо гыч Японийыш миен, варажым туштанак илаш кодын, самурайын статусшым налын, Японийын теҥыз кылжым вияҥден, шкеак торгайыме теҥыз экспедицийым вуйлатен[4]. Вес версий дене, 24 сентябрь — Хиджран мучашлалтмыже, мусульман общинын пророк Мухамедын вуйлатымыж почеш Мекка гыч Мединыш кусарыме[5], тиде кече гычак мусульман тылзе кечышот тӱҥалеш[6]. Караван дене коштшын тӱнямбал кечыже 1995 ий гыч палемдалтеш ман шонат, Транспорт-груз операцийым шуктышо тӱнямбал ассоциаций (ICHCA) тӱҥалтышым ыштен[1].
Пайремын шарлымыже
Караван дене коштшын тӱнямбал кечыже ятыр эллаште палемдалтеш, ты тӱшкаштак Россий, Украина да Белрусь улыт[2], но каласыман, ты профессий кечым палемдыше, шке паша порысшым шуктышыла, нине эл-влак деч пеш тораште лийын кертеш. Очыни, пайрем нерген тӱҥалтыште мыскара семын увертареныт, вет вольыкым кычкен корныш коштшо караван нерген умылымаш таче йылт йомын, таче грузым шупшыктымаш йылт вес сыным налын. Туге гынат варарак пайрем лӱм тыгак автомобиль да теҥыз транспорт нергенат умылымашым авалтен — мӱндыр корныш коштшо (дальнебойщик), торгайыше пушын экипажше. Тачысе кечылан тиде пайремым чылан палемдат, кӧн пашаже грузым да еҥым шупшыктымо дене кылдалтын[2].
Палемдымаш
- ↑ 1 2 Международный день караванщика — 24 сентября. История и особенности праздника в проекте Календарь Праздников. Calend.ru.
- ↑ 1 2 3 Международный день караванщика — Праздники России. www.rusevents.ru.
- ↑ 24 сентября: Этот день в истории бизнеса | Forbes.ru. Forbes.ru. Архивлыме 26 идым 2012 ий.
- ↑ Письма с острова Зипангу: штурман Уильям Адамс о себе и о японцах. DrevLit.Ru - библиотека древних рукописей. www.drevlit.ru.
- ↑ Али-заде А. А. Исламский энциклопедический словарь. — Москва: Ансар, 2007. — С. 822—830. — 920 с. — ISBN 5984430258, 9785984430258.
- ↑ Исламский энциклопедический словарь/Хиджра — Викитека. ru.wikisource.org.