Казахстан ачамландым аралыме кече
| Казахстан ачамландым аралыме кече | |
|---|---|
 | |
| Тӱрлылык | Кугыжаныш пайрем — Ачамландым аралыме кече |
| Палемдат | Казахстан Республикысе Сарзе вийын военнослужащий ден военнообязанный-влак |
| Кече | 7 ага |
| Кылдалтын | КР президентын Казахстан Республикысе Сарвийым ыштыме, Казахстан Республикысе аралалтме кугыжаныш комитетым Казахстан Республикым аралыше министерствыш савырыме нерген кӱштыкеш кидпалым пыштыме кече |
Ачамландым аралыме кече — Казахстаныште 7 майыште палемдалтеш.
1992 ий 7 майыште Казахстанын икымше президентше (тудыжо кӱшыл главнокомандующийлан шотлалтеш) Нурсултан Назарбаев калыкле сарзе вийым ыштыме нерген кӱштыкеш кидым пыштен[1].
Тиде кечын салтак-влаклан черетан лӱмым пуэдымаш, ойыртемалтше сарзыеҥ-влаклан наградым кучыктымо йӱла шукталтеш[1].
2012 ий 4 октябрьыште Казахстан Республикысе парламент «Казахстан Республикыште пайрем нерген» тӧртыкыш ешартышым пуртымо нерген» положенийым ончен лектын да пеҥгыдемден. Тудлан келшышын, 7-ше май кугыжаныш пайрем семын увертаралтын да каныш кечылан шотлалтеш.
Казахстаныште чыла пӧръеҥ ты кечым пайремла.