Йогын тӱнямбал кечыже
| Йогын тӱнямбал кечыже | |
|---|---|
.jpg) | |
| Ыҥ | йога нерген уверым шарымаш да тудым шке илышыш пуртымаш |
| Ышталтын | 2015 ийыште |
| Ыштыше | ООН-ын Генеральный Ассамблейже |
| Кече | 21 пеледыш |
| Кылдалтын | Йога, медитаций, тӱвыра мероприятий, тазалык да путешествий |
 РУВИКИ.Медиаште медиафайл-влак | |
Йогын тӱнямбал кечыже 2015 ий гыч тӱҥалын ий еда 21 июньышто палемдалтеш. ООН-ын Генеральный Ассамблейже 2014 ийыште увертарен.
Историй
2014 ий 27 сентябрьыште ООН Генеральный Ассамблейын 69-ше сессийыштыже Индийын премьер-министрже Нарендра Моди «Йогын тӱнябал кечыжым» палемдаш тӱҥалаш темлен[1][2].
«Йога — Индийысе акрет йӱлан аклен мошташ лийдыме пӧлекше. Тудо чонын да капын, шонымаш ден ыштыме пашан (действийын) икоян улмыштым, тыгак айдеме ден пӱртӱс кокласе иктӧрлыкым (гармонийым) шыҥдарен, тазалык да перкелык дек тичмашнек вӱда. Ме посна упражнений-влак нерген гына огыл, а чоныштына тӱнясе, пӱртӱсыштӧ улшо шижмашым шочыктымо нерген ойлена. Ме илыш-йӱланам вашталтена да уш-акылнам уэмдена гын, тиде пӱтынь илышышкына перкелыкым пурташ полша. Айста Йогын тӱнямбал кечыжым палемдаш кутырен келшена»Нарендра Моди, [3]
2014 ий 11 декабрьыште ООН-ын Генеральный Ассамблейже 69/131 резолюций дене келшышын «Йогын тӱнябал кечыжым» пеҥгыдемден. Резолюций дене 175 кугыжаныш келшен[1][4]
2015 ий 21 июньышто Йогым йӧратыше да профессионал еҥ-влак Йогын икымше тӱнямбал кечыжым палемденыт. Москошто рӱдӧ мероприятий Сокольники паркын Фестиваль рӱдерыштыже эртен. Вашлиймашым Москосо Индий посольство пелен улшо Джавахарлал Неру лӱмеш тӱвыра рӱдер чумырен.
2016 ийыште Йогын II тӱнямбал кечыже Горький лӱмеш паркыште Пушкин эҥерӱмбалне лийын. Москосо Индий посольство пелен улшо Джавахарлал Неру лӱмеш тӱвыра рӱдер кокымшо ий пайремым чумырен. Йогын II тӱнямбал кечыжым тунам РФ-ын 50 наре кундемыштыже пайремленыт.
Кечын темыже
Ий еда ООН «Йогын тӱнямбал кечыжым» тӱрлӧ теме дене эртара:
- 2015 — «Йога тӱням иктеш уша»[5];
- 2016 — «Индийысе „пушкыдо вий“ пашам ышта»[6];
- 2017 — «Йога тазалык верч»[7];
- 2018 — «Йога тӱня верч»[8];
- 2019 — «Климат вашталтме дене кучедалмаш»[9];
- 2020 — «Йога мӧҥгшытӧ. Йога еш дене»[10];
- 2021 — «Йога сай илышлан»[11];
- 2022 — «Йога калыклан»[12];
- 2023 — «Йога Васудхайва Кутумбакамалан» (санскрит — "тӱня - тиде ик еш")[13];
- 2024 — «Йога шкалан да мер калыклан».
Палемдымаш
- ↑ 1 2 Nations, United, Международный день йоги | Организация Объединенных Наций, <https://www.un.org/ru/observances/yoga-day>. Тергыме: 28 ага 2025.
- ↑ Индуистский депутат вносит резолюцию в Конгресс США в честь Международного дня йоги (англ.). www.ndtv.com (23 пеледыш 2017). Тергыме кече: 28 ага 2025.
- ↑ Международный день йоги 2025: какого числа, история и традиции праздника, <https://www.kp.ru/family/prazdniki/mezhdunarodnyj-den-jogi/>. Тергыме: 28 ага 2025.
- ↑ Резолюция 69/131 "Международный день йоги". docs.yandex.ru. Тергыме кече: 28 ага 2025.
- ↑ В Нью-Дели прошли массовые празднования по случаю Дня йоги, <https://news.rambler.ru/other/40150235-v-nyu-deli-proshli-massovye-prazdnovaniya-po-sluchayu-dnya-yogi/>. Тергыме: 28 ага 2025.
- ↑ Падмаприя Говиндараджан. Индийская «мягкая сила» в действии: Международный день йоги привлекает внимание всего мира (англ.). translated.turbopages.org (23 пеледыш 2016). Тергыме кече: 28 ага 2025.
- ↑ Йога на благо здоровья – тема Международного дня йоги, 2017-06-21, <https://news.un.org/ru/story/2017/06/1306831>. Тергыме: 28 ага 2025.
- ↑ Longo, Steve, International Yoga Day 2018: All you need to know, <https://www.dailymail.co.uk/news/article-5866269/International-Yoga-Day-2018-need-know.html>. Тергыме: 28 ага 2025.
- ↑ International Yoga Day 2019: History of Celebration, Theme for This Year, <https://www.news18.com/news/india/international-yoga-day-2019-history-of-celebration-theme-for-this-year-2193325.html>. Тергыме: 28 ага 2025.
- ↑ Международный день йоги 2020: смотрите на фотографиях, как его отмечают (англ.). translated.turbopages.org (21 пеледыш 2020). Тергыме кече: 28 ага 2025.
- ↑ International Yoga Day 2021 Date: Theme, History and Significance, <https://www.news18.com/news/lifestyle/international-yoga-day-2021-date-theme-history-and-significance-3865025.html>. Тергыме: 28 ага 2025.
- ↑ Послание Генерального секретаря по случаю Международного дня йога (21 июня 2022 г.) (руш.). www.unic.ru. Тергыме кече: 28 ага 2025.
- ↑ Международный день йоги 2023: значение, история и тема (англ.). translated.turbopages.org (21 пеледыш 2023). Тергыме кече: 28 ага 2025.