Здунов, Артём Алексеевич

РУВИКИ — эрыкан энциклопедий гыч материал
Артём Алексеевич Здунов
А.А.Здунов.jpg
Флаг
Мордовий Республикын вуйлатышыже
Флаг
2021 ий 29 сентябрь
(врио 2020 ий 18 ноябрь — 2021 ий 29 сентябрь)
Президент Владимир Путин
Ончычсо пашаеҥ Владимир Волков
Шочын 18 ага 1978(1978-05-18) (48 ий)
Партий
Шинчымаш
Шанче степень экономике шанче кандидат[d]
Логотип РУВИКИ.Медиа РУВИКИ.Медиаште медиафайл-влак

Артём Алексеевич Здунов (шоч. 18 ага 1978, Озаҥ) — Российысе кугыжаныш да политике пашаеҥ. 2021 ий 29 сентябрь гыч Мордовий Республикын вуйлатышыже[1]. 2022 ий 27 январь гыч «Икоян Россий» партийын Мордовийысе регион пӧлкажын секретарьже[2].

2014 ий 14 октябрь гыч 2018 ий 6 февраль марте Татарстан Республикын экономике министрже. 2018 ий 7 февраль гыч 2020 ий 18 ноябрь марте Дагестан Республикын правительствыжын председательже. Экономике шанче кандидат (2005)[3].

Илыш корно

1978 ий 18 майыште Озаҥыште шочын[4].

Тунеммаш

Озаҥысе 5 №-ан лицейым тунем пытарен.

2000 ийыште Озаҥысе финанс-экономике институтым (КФЭИ) «финанс да кредит» специальность дене тунем пытарен, туштак 2004 ийыште — аспирантурым. Экономике шанче кандидат (2005). Диссертацийын темыже — Кызытсе Российын экономике лӱдыкшыдымылык системыштыже капиталын ӧрдыжкӧ кайымыже[3].

2011 ийыште Россий Федераций президент пеленысе Российысе Калык озанлык да кугыжаныш службо академийын магистратуржым «кугыжаныш-мер вуйлатымаш» специальность дене тунем пытарен. Англичан йылмым сайын пала[3].

2012, 2016 да 2017 ийлаште РАНХиГС-ыште «Отрасль ден регион-влакын инноваций вияҥмашыштым виктарымаш», «Вуйлатыме мастарлык: регионласо команде-влакым вияҥдымаш» да «Россий Федерацийын власть органлаштыже проект-влакым виктарымашын лывырге йӧныштым кучылтмаш» программе-влак дене квалификацийжым нӧлтен. Кугыжаныш службын вуйлатымаш кадр резервшым ямдылыме программын (губернатор-влак школын) икымше тӱшкаштыже туне лекше[3].

Паша корно

1996 гыч 1998 ий марте — КФЭИ-се студент профком председательын алмаштышыже.

2000 ий июнь гыч 2001 ий март марте — «Йӧнозанлыкысе страховой компаний» страховатлыше почмо акционер ушемын страховатлымаш дене специалистше, кӧргысӧ аудиторжо.

2004 ий апрель гыч 2006 ий июль марте КФЭИ-се макроэкономике да экономике теорий кафедрыште туныктен.

2006 ий июль гыч 2010 ий май марте «Татарстан Республикысе Шанче академийын ончыкылык экономике шымлымаш рӱдер» Кугыжаныш тӧнеж директорын шанче шотышто алмаштышыже должностьым айлен.

2010 ий май гыч — Татарстан Республикысе экономике министрын алмаштышыже.

2014 ий 14 октябрь гыч 2018 ий 6 февраль марте — Татарстан Республикын экономик министрже[3].

2018 ий 6 февральыште Дагестан вуйлатышын сомылжым жаплан шуктышо Владимир Васильев Артём Здуновын кандидатуржым республик правительстве председатель должностьыш парламентлан ончашыже темлен. 2018 ий 7 февральыште Дагестанын парламентше тудын кандидатуржым сайлан шотлен[5].

2020 ий 18 ноябрьыште Россий президент Владимир Путин Здуновым Мордовий Республикын вуйлатышыжын сомылжым жаплан шуктышылан шогалтыме нерген указыш кидпалым пыштен[3].

2021 ий 19 сентябрьыште Здунов Мордовий Республикын вуйлатышыжым сайлымаште 78,26 % йӱк дене сеҥен. Толмаш 64,97 % лийын[6]. 2021 ий 21 сентябрьыште Мордовийын ЦИК-ше тиде сеҥымашым чынлен[7], да 29 сентябрьыште Здунов РМ-ын VII созыв Кугыжаныш Погынжын икымше сессийжын заседанийыштыже официальнын должностьыш шогалын[8].

2023 ий сентябрьыште президент Путин Кремльыште Здунов дене вашлийын да тудын дене регионын социально-экономике шотышто вияҥмыж нерген, эн ончычак йӧнозанлык куатым нӧлтымын ончыкылыкшо шотышто, тыгак ялозанлыкыште, ЖКХ-ште да чоҥымаште улшо сӱрет шотышто каҥашен. Путин Здуновлан регионысо бюджетым утларак терген шогаш кӱштен[9].

2025 ий 2 апрельыште Россий Президент Владимир Путин Мордовийым вуйлатыше Артём Здуновым «Еш» йыжыҥ дене Кугыжаныш Каҥаш комиссийын председательжылан шогалтен[10].

Санкций

2023 ий 24 февральыште США-н Госдепше американ санкций спискыш пуртен. Тыгак Канадын, Австралийын да Украинын санкцийыштышт улеш.

2024 ий 16 декабрьыште Евроушемын санкций спискышкыже пурталтын[11].

Еш

Артём Здунов могай калык гыч улмыж дене эрзя[12]. Татар ӱдырым марлан налын[13], эргым да ӱдырым ончен кушта.

Суаптар

  • Татарстан Республикын Экономике министерствыжын Чап грамотшо (2008);
  • Татарстан Республикын Шанче академийжын «2009 ийысе эн сай шанчызе» конкурсышто сеҥыше (2009);
  • Россий Федерацийын Экономике вияҥмаш министржын Тауштымашыже (2012);
  • Татарстан Республикын Экономике министржын Тауштымашыже (2013);
  • Татарстан Республикын Президентшын Тауштымашыже (2014);
  • «Озаҥ олаште 2013 ийысе XXVII Тӱнямбал кеҥеж универсиаде» шарнымаш медаль (2014);
  • «Сочи олаште 2014 ийысе XXII Теле олимпий модмаш да XI Теле паралимпий модмаш» шарнымаш медаль (2014);
  • «Россий Федерацийын Пенсий фондшылан 25 ий» шарныктыше пале (2015);
  • Россий Федерацийын Экономике вияҥмаш министерствыжын Чап грамотшо (2016).

Палемдымаш

  1. ↑ Артём Здунов вступил в должность Главы Республики Мордовия. Тергыме кече: 24 идым 2025. Архивлыме 16 кылме 2021 ий.
  2. ↑ Главу Мордовии избрали секретарем регионального отделения "Единой России". ТАСС. Тергыме кече: 23 идым 2024. Архивлыме 27 шорыкйол 2022 ий.
  3. ↑ 1 2 3 4 5 6 Здунов, Артем Алексеевич, <https://tass.ru/encyclopedia/person/zdunov-artem-alekseevich>. Тергыме: 10 шыжа 2025. 
  4. ↑ Артем Здунов назначен временно исполняющим обязанности Главы Мордовии. Тергыме кече: 24 идым 2025. Архивлыме 4 теле 2020 ий.
  5. ↑ Новым премьером Дагестана стал Артем Здунов, 2018-02-07, <https://m.kp.ru/daily/26792.4/3826115/>. Тергыме: 10 шыжа 2025. 
  6. ↑ Здунов победил на выборах главы Мордовии - РИА Новости, 20.09.2021. Тергыме кече: 23 идым 2025. Архивлыме 20 идым 2021 ий.
  7. ↑ Новости. Тергыме кече: 24 идым 2025. Архивлыме 16 кылме 2021 ий.
  8. ↑ Новости. Тергыме кече: 24 идым 2025. Архивлыме 16 кылме 2021 ий.
  9. ↑ Путин обсудил с главой Мордовии ситуацию с бюджетом и другие темы, <https://tass.ru/politika/18677133>. Тергыме: 10 шыжа 2025. 
  10. ↑ Путин назначил главу Мордовии председателем комиссии Госсовета (руш.). РИА Новости (2 вӱдшор 2025). Тергыме кече: 22 идым 2025.
  11. ↑ Очередной пакет санкций в отношении РФ опубликован в Официальном журнале ЕС, 2024-12-16, <https://www.interfax.ru/world/997963>. Тергыме: 24 идым 2025. 
  12. ↑ Корни Артема Здунова – из села Лобаски Атяшевского района. Известия Мордовии (19 кылме 2020). Тергыме кече: 16 теле 2020. Архивлыме 23 вӱдшор 2022 ий.
  13. ↑ Владимир Васильев о чистке в элитах Дагестана. Тергыме кече: 24 идым 2025. Архивлыме 20 кылме 2020 ий.

Кылвер-влак

"https://mhr.ruwiki.ru/w/index.php?title=Здунов,_Артём_Алексеевич&oldid=1231549" гыч налме