Григорьев, Андрей Николаевич

РУВИКИ — эрыкан энциклопедий гыч материал
Андрей Николаевич Григорьев
Андрей Григорьев (Герой России).jpg
Шочмо кече 12 ага 1989(1989-05-12) (37 ий)
Шочмо вер
Званий Изирак сержант[d]
Кредалмаш/сар
Награде да премий
Россий Федерацийын Геройжо

Андрей Николаевич Григорьев (шоч. Якутийыште) — россий сарзыеҥ, ефрейтор, Украинысе сар пашам шуктышо, ӱжыклӱмжӧ «Тута». Российын Талешкыже (2025)[1].

Илыш корныжо

Андрей Григорьев Якутийыште шуко йочан ешыште шочын[2].

Украинысе сарланыме пашаште лийын. Тудын ӱжыклӱмжӧ — «Тута». РФ Сар вийын 39-ше бригадыштыже служитлен[3][4].

Ватан, вич йочам ончен кушта[5].

Сеҥымашыже

Тӱҥ статья: РФ ВС салтакын ВСУ салтак дене кӱзӧ дене вашпижмашыже

2024 ий шыжым ДНР-ын Трудовой селажым утараш тӧчымӧ годым Андрей Григорьев украин салтак дене шинчаваш кредалаш пижын. Тушманын шлемыште улшо камереш тиде вашпижмаш войзалтын. 2025 ий тӱҥалтыште тиде видео воткылыш логалын. Тунамак чылажымат келгынрак пален налме. Андрей Григорьев каласкален: йолташыж ден когылянышт Трудовое селаште Российын флагшым нӧлталаш кӱштымӧ улмаш, но тиде кӱштымым шуктымо годым Григорьевын йолташыжым украин пулемётчик пуштын. Украин салтак Григорьевлан пленыш пуалташ темлен[6], но тудыжо кучедалаш пижын[7]. Григорьев якут кӱзӧ дене саргуралалтын улмаш, тиде курал дене тудо тушманым сеҥен. Украин салтак тудым «тӱняште эн сай сарзыеҥ» манын аклен да тудлан «ласкан мӧҥгеш каяш» йӧным пуаш йодын. Григорьев тудын йодмыжым шуктен. Тиде вашпижмаш деч вара Григорьевлан эше куд кече шкетын илен лекташ логалын[8]. Российын салтакше кӱртньыгатык (осколок) дене 14 вере сусырген, кӱзӧ дене кок вере эмганен. Госпитальыште кужу жап эмлалтын.

РФ президентше Владимир Путин 2025 ий 11 январьыште Андрей Григорьевлан «сарзе порысым шуктымо годым лӱддымылыкым да талылыкым ончыктымылан» Российын Талешкыже чаплӱмым пуэн[9].

Тудо кечынак Андрей Григорьев дене Якутийым вуйлатыше Айсен Николаев вашлийын. Тудо палемден: салтак — тыматле самырык айдеме, тудо шкенжым талешкылан ок шотло. Тудын подвигше нерген войзымо ок лий ыле гын, тудын нерген нигӧат пален ок нал ыле. Вашлиймаш пытышаш лишан, Айсен Николаев Андрей Григорьевлан у якут кӱзым пӧлеклен[10].

Штурмыш лекше Андрей Григорьевын украин сарзыж дене вашпижмашым войзымо сӱрет нерген американ миллиардер Илон Маск шке шонымыжым каласен. Шке Х соцетыштыже тудо возен:

Иктаж-мо ынже лий манын, мыйын малыме пӧлемысе пырдыжыште Икымше тӱнямбал сар годсо траншейысе кӱзӧ пижыктыме. 1917 ийыште ыштыме. Лишыл вашпижмаште пистолет деч утларак пайдале[11].

Награде

Примечания

  1. ↑ Указ о присвоении звания Героя Российской Федерации ефрейтору Андрею Григорьеву, <http://www.kremlin.ru/acts/news/76096>. Тергыме: 11 шорыкйол 2025. 
  2. ↑ Татьяна Цвенгер. Глава Якутска подарил Андрею Григорьеву снегоболотоход (руш.). yakutia.kp.ru - (11 шорыкйол 2025). Тергыме кече: 11 шорыкйол 2025.
  3. ↑ Козлов, Иван, Грыз зубами, бил ножом. Перед смертью солдат ВСУ восхитился якутским бойцом, <https://aif.ru/politics/russia/gryz-zubami-bil-nozhom-pered-smertyu-soldat-vsu-voshitilsya-yakutskim-boycom?from_inject=1>. Тергыме: 11 шорыкйол 2025. 
  4. ↑ Маск прокомментировал рукопашную схватку штурмовика из Якутии с военным ВСУ - Российская газета, 2025-01-04, <https://rg.ru/2025/01/04/mask-prokommentiroval-rukopashnuiu-shturmovika-iz-iakutii-s-voennym-vsu.html>. Тергыме: 11 шорыкйол 2025. 
  5. ↑ Российские ученые увеличили срок службы никелида титана с помощью наноструктурирования | Газета Балаково (неопр.). gazetabalakovo.ru. Тергыме кече: 11 шорыкйол 2025.
  6. ↑ Путин присвоил звание Героя России ефрейтору Григорьеву, 2025-01-11, <https://iz.ru/1820557/2025-01-11/putin-prisvoil-zvanie-geroia-rossii-efreitoru-grigorevu>. Тергыме: 11 шорыкйол 2025. 
  7. ↑ Илон Маск прокомментировал схватку якутского военного с боевиком ВСУ, 2025-01-04, <https://ren.tv/news/v-mire/1295639-ilon-mask-prokommentiroval-skhvatku-iakutskogo-voennogo-s-boevikom-vsu>. Тергыме: 11 шорыкйол 2025. 
  8. ↑ Путин присвоил звание Героя РФ бойцу Григорьеву, победившему в рукопашной - Российская газета, 2025-01-11, <https://rg.ru/2025/01/11/putin-prisvoil-zvanie-geroia-rf-bojcu-pobedivshemu-v-rukopashnoj-soldata-vsu.html>. Тергыме: 11 шорыкйол 2025. 
  9. ↑ Путин присвоил звание Героя РФ ефрейтору из Якутии Андрею Григорьеву, <https://tass.ru/obschestvo/22856305>. Тергыме: 11 шорыкйол 2025. 
  10. ↑ Глава Якутии встретился с героем Андреем Григорьевым, прославившимся на поле боя, <https://yakutia.mk.ru/social/2025/01/11/glava-yakutii-vstretilsya-s-geroem-proslavivshimsya-na-pole-boya.html>. Тергыме: 11 шорыкйол 2025. 
  11. ↑ Маск неожиданно высказался о схватке штурмовика из Якутии с военным ВСУ, 2025-01-04, <https://ria.ru/20250104/mask-1992464952.html>. Тергыме: 11 шорыкйол 2025. 
  12. ↑ Указ о присвоении звания Героя Российской Федерации ефрейтору Андрею Григорьеву, <http://www.kremlin.ru/acts/news/76096>. Тергыме: 11 шорыкйол 2025. 
"https://mhr.ruwiki.ru/w/index.php?title=Григорьев,_Андрей_Николаевич&oldid=1175174" гыч налме