Вӱд Ава
| «Вӱд Ава» | |
|---|---|
| Тӱрлылык | Частный компаний |
| Негызлымаш | 2017 ий |
| Негызлыше | генеральный директор Алексей Попенов |
| Отрасль | минерал вӱдым кондымаш |
| Продукций | минерал пӱртӱс столовый вӱд |
| Сайт | вудава.рф |
Вӱд Ава — пайдале минерал йӱмӧ вӱдым лукшо компаний. Вӱдым темкалыме годым «илыше вӱд» технологийым кучылталтеш, тудо вӱдын пӱртӱс составшым переген арала, вӱдымат айдемылан пайдалым ышта.
Эртымгорно
Компаний 1956 ийыште ончычсо чоҥымо кинде завод кумдыкышто почылтын. Воктенже скважине верланен. Лач тушеч вӱд налалтеш. Ынде 68 ий вӱдын химический составше вашталтде кодеш.
2016 ийыште чыла документацийым ямдылен шуктеныт, 2017-ше ийыште икымше партий продукцийым луктыныт.[1]
Пашам ыштыме годым «илыше вӱд» технологий кучылталтеш . Тиде вӱд, кудым пӱртӱс шке пуа. Компаний ты вӱдым луктеш да кленчашке темкала. Тыгай вӱд пӱртӱсын поянлыкшым арала да айдемылан пайдале улеш[2].
Паша
Тӱҥ шотышто минерал пӱртӱс столовый вӱдым луктыт. Тудын негызеш тыгак тӱрлӧ йӱышым ыштат. Вӱд 0,6л, 1,5л, 5л, 10л да 18,9л кугытан кленчаште ышталтеш.
Вӱд механический фильтрацийым эрта: чоштыра, кокла да вичкыж кум фильтр гоч эрыкталтеш. Умбакыже тудо ультрафиолет полшымо дене обрабатыватлалтеш. Тиде лийын кертше бактериологический ешартыш деч утлаш да химический составым вашталтде кодаш манын ышталтеш[1].
Компаний кленчам шке ышта. Шагатыште иктаж 3000 кленча уло.
Кленчам ыштымек, тудо скважине гыч вӱд дене мушкылтеш, вӱд дене темалтеш да петыралтеш. Умбакыже маркировко пижыкталтеш. Этикеткым пижыктыме деч вара продукций куд кленча дене чумыргалтеш, термоусадочный плёнкыш пӱтыралтеш. Вара тудым ужалаш колтат.[1]
Продукций
- Безалкогольный продукций
- Йӱмӧ вӱд
- Минерал вӱд[2]