Важмалдык ой-влак
Марий йылме дене олимпиаде материал-влак
Важмалдык ой-влак — предложений-влакым таҥастарен лудса. Нуно икте-весышт деч мо дене ойыртемалтыт?
- Йоча-влак кычкыраш тӱҥалыныт: «Кынел, Чумбылат! Тушман мемнам сеҥынеже!» Кынел, Чумбылат, тушман мемнам сеҥынеже манын, йоча-влак кычкыраш тӱҥалыныт.
- Васлий Йыванлан тыге ойлен: «Ончо, Йыван, эрла Кориш деч посна школыш ит мий». Ончо, Йыван, эрла Кориш деч посна школыш ит мий манын, Васлий Йыванлан ойлен.
Кутырышо еҥ весын ойлымыжым шке лӱмжӧ дене каласа гын, тыгай ойым савырыме ой маныт.
Савырыме оян предложений — тиде сложный предложений, тудын кок ужашыже уло: авторын мутшо да савырыме ой. Икте-весышт дене нуно манын але пуйто союз дене кылдалтыт, мутлан: Миша, умбакыже тунемаш каем манын, теҥгече сӧрышыч. (Е. Я.) Миша, теҥгече тый сӧрышыч, пуйто умбакыже тунемаш кает.