Барменын тӱнямбал кечыже

«Барменын тӱнямбал кечыже»
«Барменын тӱнямбал кечыже»
Тӱрлылык	Профессионал пайрем
Вес семын	«Барменын кечыжеа»
Палемдат	Мланде
Кече	6 Пургыж
Пайремлымаш	6 пургыж
Кылдалтын	Шнуй Амандым — бармен-влакын кугыракыштым — жаплыме дене

Барменын тӱнямбал кечыже (англ. International Bartender's Day) — профессионал пайрем, тӱня мучко 6 февральыште палемдалтеш.

Историй ден пайремлымаш

Бармен-влакын тӱнямбал Ассоциацийышт(IBA) 1951 ий 24 февральыште Великобританийысе Торкин гранд-отельын салоныштыжо негызлалтын.

Таче мартеат тиде кече пӱтынь тӱняште Барменын тӱнямбал кечыже семын палемдалтеш. Ассоциацийын тӱҥ шонымашыже — гильдий еҥ-влак коклаште тӱнямбал кылым кучаш, тыгак барменын профессийжым моктен, компетенциян да шкем кучымо шотышто кӱкшӧ стандарт-влаклан кумылаҥдымаш.

IBA-н кӱчык историйже. 1951 ий 24 февральыште Торки, Великобританий, Бармен-влакын Тӱнямбал Ассоциацийыштым 7 член негызлен (гильдий), Даний, Франций, Италий, Нидерланд, Швеций, Швейцарий да Великобританий Ушымо Королевствыже. 2021 ийыште 24 февраль IBA-м почмылан 70 ий темын. Икымше президент г-н Билл Тарлинг UKBG (Великобританий) гыч лийын, почешыже вес ийын Джордж Сиве Швейцарий гыч, вара Пьетро Гранди Италий гыч да Курт Соренсен Даний гыч.

1963 гыч 1976 ий марте (14 ий) Италийыште г-н Анджело Зола председатель лийын. Анджело Зола IBA-м негызлыме годым йыргешке ӱстелым эртарыше кокла гыч иктыже лийын.

IBA вияҥын да 1976 ийлан тудо 23 у член-влакым пашаш налын, тыге IBA кышкарыш эше 30 эл ушнен. Тачысе кечылан IBA 64 еҥым ушен, эскерыше шотеш кум элым куча.

Барменын тӱнямбал кечыжым кугун палемдыме йӱла 2008 ий 6 февральыште киевысе «Доктор Паб» рок-клубын^[1] да бармен-влакын «Planet Z» тӱнямбал рӱдерыштын пырля темлымышт почеш шочын. Ты шонымашым Российыштат авалтеныт, тыште пайрем 2009 ий гыч тӱҥалын, пеш кумдан шарлен. Барменын тӱнямбал пайремже Шнуй Амандын кечыштыже эрта гынат, тиде кок тӱрлӧ пайрем, икымше — паша пайрем, кокымшыжо — католик кече. Палемдаш кӱлеш, Шнуй Амандын кечыжым Руш православий черке шотыш ок нал.

США-ште декабрьысе икымше кугарнян Барменым шотлымо (пагалыме) кече палемдалтеш — Bartender Appreciation day^[2].

Барменын тӱнямбал кечыжын тӱрлӧ конкурс, модмаш, бармен-влакын мастарлык шот дене ӱчашымаш^[3], «арака» викторин да подыл аклымаш (дегустаций) эртаралтыт.

Тыгак ончо

Аманд

Палемдымаш

↑ Международный день бармена (неопр.). Дата обращения: 27 шорыкйол 2014. Архивировано из оригинала 3 пургыж 2014 года.
↑ День бармена 2021: история и традиции международного праздника (неопр.). Дата обращения: 28 шорыкйол 2021. Архивировано 5 пургыж 2021 года.
↑ Международный день бармена в Минске (неопр.). Дата обращения: 14 сорла 2014. Архивировано 20 теле 2016 года.

[1] Международный день бармена (неопр.). Дата обращения: 27 шорыкйол 2014. Архивировано из оригинала 3 пургыж 2014 года.

[2] День бармена 2021: история и традиции международного праздника (неопр.). Дата обращения: 28 шорыкйол 2021. Архивировано 5 пургыж 2021 года.

[3] Международный день бармена в Минске (неопр.). Дата обращения: 14 сорла 2014. Архивировано 20 теле 2016 года.

[1]

[2]

[3]