Африкым индустрияҥдыме кече
Африкым индустрияҥдыме кече (ООН-ын моло официал йылмылаж дене: англ. Africa Industrialization Day, исп. Día de la Industrializacion de Africa, фр. Journée de l’industrialisation de l’Afrique) — 1990 ий гыч, ий еда 20-шо ноябрьыште палемдалтеш. ООН-ын Тӱҥ Ассамблейже увертарен (A/RES/44/237 № пунчал), тыге Африкым индустрияҥдыме пашаште тӱнямбалсе мер калык полшышаш ман ӱшаным луктын ойлен.
Тичмаш ончалмаште, пунчал Кокымшо Лу ий жапыште Африкын йӧнозанлыкшым вияҥдыме йодышым онча.
ООН-ын Тӱҥ секретарьже Африкым индустрияҥдыме кечылан пӧлеклалтше серышыштыже поян эл-влакын шке рынокышкышт корным тичмашын почмо огылым палемден. Шагал вияҥше эл-влак кумдыкыш экспортым чарымым кораҥдаш ӱжын. Посланийыште тыгак палемдыме, африкан эл-влак шкеак амалкалыме пашам вияҥдышаш верч йӧным ыштышаш улыт.
Африкым индустрияҥдыме кечын темыже-влак
- 2016 ий — «Африкым индустрияҥдаш окса: саманын кӱштымӧ да сеҥымаш стратегийже»
- 2015 ий — «Кӱчызылыкым пытарымаште да ӱдырамаш ден самырык-влаклан паша верым ыштымаште изи да кокла шотан ыштыквер-влакын суапышт»
- 2014 ий — «Инклюзив да икшырымын вияҥмаш: кочкыш лӱдыкшыдымылыклан йӧным ыштышаш верч агройӧнозанлык вияҥмаш»
- 2012 ий — «Африка эл-влак коклаште торгайымым вияҥдашлан индустрияҥме паша радамым писемдаш»
- 2011 ий — «Йӧнозанлыкым писын вияҥдаш кӱлеш пеҥгыде энергетике»
- 2010 ий — «Африкым вияҥдымаште таҥасен кертше отрасль-влак»
- 2009 ий — «Итеграций лӱмеш индустрияҥмаш»
- 2008 ий — «Икшырымын вияҥмаште сырьём сатуш савырымаш»
- 2007 ий — «Йӧнозанлыклан технологий да инноваций — айдемылан инвестиций, тугеже ончыкылыклан инвестиций».
- 2006 ий — «Йӧнозанлыкым икшырымын вияҥдышыла, кӱчызӧ кумдыкым иземдымаш»
- 2005 ий — «Африкын конкурент лиймыже рынкылашке корным почеш»