Саркуралзын кечыже
| Саркуралзын кечыже | |
|---|---|
 | |
| Кече | 19 идым |
Саркуралзын кечыже — россий обороно йӧнозанлыкыште тыршыше пашаеҥ-влакын профессий пайремышт, 2012 ий гыч ий еда 19 сентябрьыште палемдалтеш. Россий Федераций президентын 2011 ий 3 декабрьысе 1578-ше №-ан «Саркурал кечым палемдыме нерген» кӱштыкше дене палемдыме. 19 сентябрь кечым ойырымо годым православий черкын сарзе-влакын кавасе аралышыже, Михаил архангеллан вуйсавыме кечым шотыш налыныт.
Пайрем историй
Саргурал пашан мастарже-влакын профессионал пайрем кечыштым тыглай ойырен налме огыл: 19 сентябрьыште православий еҥ-влак Михаил архангелын кечыжым палемдат, тудо саргуралым ыштыше-влакын аралышыжлан шотлалтеш. Профессионал пайремым эртарышаш кечым палемдыме годым «Москосо Кремль» тоштер комплекс моско Кремльысе саргурал палатын пашаж нерген историй справкым ямдылен пуэн. Палатын почылтмо кечыже раш пале огыл. «Саргурал» лӱмым икымше гана ушештарыме документ кагаз 1508 ийысе улеш, тыге маныныт саргуралым ыштыше, налше, аралыше, ачалыше еҥым — тыге пайрем тылзе раш палемдалтын[1].
Саргуралзын кечыже пеш самырык, тудым Климовскысе саргуралзе-влак шкеак темленыт. 2010 ий майыште премьер-министр В.В. Путин «Ижмашыш» паша визит дене миен, саргуралым ыштен лукшо цех-влакын пашашт дене, пашаеҥже-влак дене палыме лийын да Россий машиностроитель-влак ушемын еҥже, кумдан палыме конструктор Михаил Тимофеевич Калашников дене вашлийын. М. Калашников элын саргуралым ыштен лукшо кугу ешыж лӱм дене Саргуралзын кечыжым палемдаш кӱлмӧ нерген тыланымашым ойлен, ӱшандарыме ойжо тыгай лийын: тиде кечын элын тӱрлӧ кундемласе саргуралзыже-влак вашлийын мутланат, моштымашышт дене пайлалт, вашкылым кучат[2]. Вараже рашемын, Россий Федерацийын Правительствышкыже тиде темлымаш дене Россий саргурал ушем вуйлатыше-влак ондак лектыныт улмаш. Обороно да йӧнозанлык кышкарысе чыла пашаеҥын, ачамланде саргуралым ыштен лукшо пашазе-влакын, саргурал пашам вияҥдыме да руш саргуралын йӱлажым шымлыме историй дене кылдалтше чыла пашаеҥын профессионал пайремым Россий Федераций президент Д. Медведевын 2011 ий 3 декабрьысе «Саргурал кечым палемдыме нерген нерген» кӱштыкше дене тӧнежлыме[3].
Российысе Саргуралзе кечын кӱлешлыкшым Россий Федераций президентше Д. А. Медведевын кӱштыкыштыже палемдыме:
Кугыжанышын эрыкшым аралаш йӧным ыштымаште саргуралзе-влакын надырыштым пагален аклымаш.
Пайремым эртарыме тӱҥ шонымаш-влак: уста самырык еҥ-влакым саргурал пашашке ушымаш, тиде сферыште вияҥме у корным кычалмаш да илышыш пуртымаш, саргуралын утралак виян йӧнжым кычал ямдылымаш. Ий еда 19 сентябрьыште профессионал пайрем дене саламлымашым саргыралым ышташ ямдылыше, конструктор, инженер-саргуралче-влак, тыгак руш сарзе арсеналын саргурал пашажым да йӱлажым шымлыше историк-влак налыт. Тиде кечын митинг, концерт, пайрем шествий да профиль вашлиймаш-влак эртат[1].
Тыгак ончо
- Саргурал мастер
- Саргуралзе-мастар (конкурс)
Палемдымаш
- ↑ 1,0 1,1 День оружейника в России, 20190919T0455, <https://ria.ru/20190919/1558763126.html?ysclid=lygx0wq49n501399788>. Проверено 11 сӱрем 2024..
- ↑ Мастера оружейных дел. Самые известные отечественные конструкторы стрелкового оружия - ТАСС, <https://tass.ru/armiya-i-opk/9490409?ysclid=ly8k6begtt57186022>. Проверено 11 сӱрем 2024..
- ↑ Указ Президента Российской Федерации от 03.12.2011 г. № 1578, <http://www.kremlin.ru/acts/bank/34357>. Проверено 11 сӱрем 2024..
Литератур
- Дегтярев М. Дню оружейника — быть! // Журнал «Калашников». — 2012. — № 1. — С. 8—9.
Кылвер-влак
- [www.calend.ru/holidays/0/0/2966/ Статья «День оружейника в России»] на calend.ru