Пӧръеҥ-влакын тӱнямбал кечышт
| Пӧръеҥ-влакын тӱнямбал кечышт | |
|---|---|
 Пӧръеҥ-влак. Фотоколлаж | |
| Тӱрлылык | Тӱнямбал |
| Официал | Men's World Day |
| Палемдат | ноябрь тылзын 1-ше шуматкечыже |
Пӧръеҥ-влакын тӱнямбал кечышт — ноябрьысе икымше шуматкечын пайремлалтеш. Журналист, писатель Джорж Кинделан темлымыж почеш 2000 ий ноябрьыште увертарыме, Венысе магистрат, ООН-ын Венысе пӧлка вуйлатыше-влак, эше икмыняр организаций полшымо дене палемдалтын. Кинделын ӱжмӧ М. С. Горбачёв ты кечын соучредительже да президентше лияш кӧнен, тидын дене организатор-влакат келшеныт[1][2][3].
Пайрем тӱнямбалысе тӱткышым кумдан авалтен кертын огыл. Официал кӱкшытыштӧ 2000–2004 ийлаште Австрийыште палемдалтын, 2003 ийыште Германий ушнен[4], но варажым официал стаусшым йомдарен.
Пӧръеҥ-влакын тӱнямбал кечышт кышкарыште 2000–2006 ийлаште Веныште ий еда политике, шанче, бизнес, культур, сымыктыш пашаеҥ-влаклан «Тӱнямбал пӧръеҥ премий» кучыкталтын; тыгаяк премий дене 2004–2009 ийлаште март тӱҥалтыште ӱдырамаш-влакым палемденыт. 2010 ий гыч, гендер шотышто нигӧмат ойыраш огыл манме шонымаш дене кок посна премий олмеш ик Тӱнямбалсе премий (The World Awards) ышталтын, но тиде шонымашат илышлан келшыше лийын огыл да пеш вашке йомын.
Палемдымаш
- ↑ Александра Егорова. Всемирный день мужчин в 2023 году: история и традиции праздника // Комсомольская правда : сайт. — 2022. — 11 февраля.
- ↑ Исчезнувший праздник: Всемирный день мужчин // Радио Sputnik / РИА Новости : сайт. — 2022. — 22 октября.
- ↑ Первого ноября отмечается Всемирный день мужчин. Утро.ру (2008).
- ↑ Weltmännertag: Ein Tag mit vielen Missverständnissen