Марышев, Владимир Михайлович
| Владимир Михайлович Марышев | |
|---|---|
| Владимир Марышев | |
 | |
| Шочмо годсо лӱм | Владимир Михайлович Марышев |
| Шочмо кече | 1961 ий 15 ӱярня (65 ий) |
| Шочмо вер | РСФСР, Марий АССР, Йошкар-Ола |
| Гражданлык |
 СССР Россий |
| Паша сомыл | серызе, журналист |
| Награде да премий |
Марий Эл Республикын сулло журналистше (2001), Марий Эл Республик Виктерын Чапкагазше (2006), Россий Серызе-влак ушемын Чапкагазше. |
Владимир Михайлович Марышев (шоч. 15 ӱярня 1961, Йошкар-Ола) — руш серызе, журналист, Россий Cерызе-влак ушемын йыжъеҥже (2001), Марий Эл Республикын сулло журналистше (2001)[1].
Илыш корныжо
Владимир Марышев 1961 ийын ӱярня тылзын 15-ше кечынже Марий АССР Йошкар-Олаште пашазе ешеш шочын. 1978 ийыште Йошкар-Оласе 23-шо №-ан кыдалаш школым, 1986 ийыште «радиоаппаратурым конструироватлымаш» специальность дене Марий политехнический институтым тунем пытарен. 1981 ий гыч полупроводник прибор заводышто ыштен, ондак пашазе, вара инженер-конструктор лийын. 1991 ийыште журналист пашаш вончен. «Республика», «Добрый день», «Йошкар-Ола» газетлаште ыштен. Кызыт «Марийская правда» газет редакцийыште ышта[2].
Тудын савыкталтше икымше возымыжо «Отчизна» почеламут лийын («Слава Отчизне» газет, Львов, 1981), но тудым изинекак фантастике сымыстарен. 1989 да 1990 ийлаште тудо Екатеринбург олаште фантастикым йӧратыше-влакын фестивальыштышт лийын, тушто К. Булычёв, В. Крапивин, С. Лукьяненко дене палыме лийын[3].
Владимир Марышевын усталык пашажым кум йыжыҥлан шелаш лиеш. 1980-шо ийла — икымше сылнымутан возымыжо да МАССР-ысе печатьыште савыкталтмыже. 1990-шо ийла — Российысе журналлаште («Пионер», «Юный техник», «Энергия», «Пульс», «Техника — молодёжи», «Химия и жизнь» (Моско), «Калейдоскоп» (Самара), «Странник» (Саранск), «Порог» (Кировоград, Украина), тыгак тӱшка сборниклаште савыкталтмаш. В.Марышев Моско ден Санкт-Петербургышто савыкталтше роман-влакын авторжо[1].
Владимир Марышевын южо фантастике ойлымашыже, марлаш кусарымек, «Пионер йӱк» ден «Ончыко» журналлаште лектыныт[1].
Владимир Марышев РМЭ Кугыжаныш Погынын (2006), Россий писатель ушемын Чап грамотышт дене палемдалтын. Россий писатель ушемыште 2001 ий годсек шога. «РМЭ-н сулло журналистше» (2001) чап лӱмжӧ уло[1].
Тӱҥ произведенийже-влак
- Колыбель ; Отдай свой огонь : фантаст, рассказ // Дружба. Хрустальный ключ. Йошкар-Ола, 1990. С. 112—135.
- Эстафета ; О, эти русские : фантаст, рассказы // Дружба. Мир, в котором я живу. Йошкар-Ола, 1997. С. 14—40.
- Полет валькирий: роман. М., 2001. 286 с.
- Избранные : роман. М., 2003. 320 с.
- Кристаллы с Альтаира, или Новые записки доктора Ватсона : фантаст, детектив-пародия // Русское слово Марий Эл. Йошкар-Ола, 2004. С. 332—346.
- Конец эпохи : фантаст, повесть. СПб, 2007. 512 с.
- Неделя перед вечностью : фантаст, повесть // Ончыко. 2001. № 2. С. 78—141.
- Фантастические рассказы // Дружба. Кристаллы с Альтаира. Йошкар-Ола, 1993. С. 3—104.
- Настанет день ; Колыбель : фантаст, рассказы // Короткие встречи. Йошкар-Ола, 2001. С. 127—137.
- Лабиринт : фант. повести и рассказы. Йошкар-Ола, 2008. 296 с.
Суаптар да чаплӱм
- Россий Cерызе-влак ушемын йыжъеҥже (2001).
- Марий Эл Республикын сулло журналистше (2001).
- Марий Эл Республик Виктерын Чапкагазше (2006).
- Россий Серызе-влак ушемын Чапкагазше.
Палемдымаш
- ↑ 1 2 3 4 Владимир Марышев (руш.). mari-lab.ru. Тергыме кече: 28 шыжа 2025.
- ↑ Владимир Марышев (руш.). fantlab.ru. Тергыме кече: 28 шыжа 2025.
- ↑ Владимир Марышев (руш.). Литрес. Тергыме кече: 28 шыжа 2025.
Литератур
- Писатели Марий Эл: биобиблиографический справочник / сост.: А.Васинкин, В.Абукаев и др. — Йошкар-Ола: Марийское книжное издательство, 2008. — 752 с. С. 394—395.
- Галанцев А. Это — фантастика! // Мар. правда. 1996. 20 февр.
- Краткая биогр. справка // Короткие встречи. Йошкар-Ола, 2001. С 127.
- Галютин Ю. В добрый путь! // Ончыко. 2001. № 2. С. 77—78.
- Шалагин С. «Валькирии» взлетели высоко // Мар. правда. 2002. 10 янв.
- Владимир Марышев // Ончыко. 2002. № 2. С. 158, 161.
- Писатели Республики Марий Эл : автобиобиблиогр. сборник. Йошкар-Ола, 2004. С. 45.
- МБЭ. Йошкар-Ола, 2007. С. 229.
- Шалагин С. Миры рождаются… за письменным столом // Мар. правда. 2008. 8 мая.