Марий нефтьым перерабатыватлыше завод
| «Марий нефтьым перерабатыватлыше завод» ООО | |
|---|---|
 | |
| Тӱрлылык | Аҥысыр ответственностян ушем |
| Негызлымаш | 1998 |
| Верланен | Табашино |
| Тӱҥ еҥ | Сербский Андрей Вадимович (генеральный директор) |
| Отрасль | Нефтьым перерабатыватлыше йӧнозанлык |
| Продукций | вияш перегонко дене лукмо бензин, мотор йӱлтыш (топливо), битумым ышташ сырьё, нефтяной неле кодшыжо-влак[1] |
| Оборот | ▲ 11,4 млрд. теҥге (2007) |
| Сайт | marnpz.ru |
«Марий нефтьым перерабатыватлыше завод» ООО (руш. Марийский нефтеперерабатывающий завод) — Российысе нефтьым перерабатыватлыше комплексын предприятийже, Юл кундем федерал округ, Марий Эл, Оршанке район, Сургут-Полоцк магистраль нефть пуч воктене, Табашино ял лишне верланен.
Историй
Марий нефтьым тулен колтышо заводым 1995 ий декабрь гыч 1998 ий апрель марте чоҥымо. Пашаш колтымашын икымше черетше идалыкыште 500 тӱжем тонн кӱчымӧ нефтьым перерабатыватлаш йӧным пуэн. Нефтьым утларак келгын перерабатыватлаш шонымаш дене 2004—2005 ийлаште мазутым вакуум дене перерабатыватлыме йӧным ыштыме да пашаш колтымо, 2006 ийыште нефтьым атмосфер йӧн дене перерабатыватлыше эше ик АТ-2 установкым колтымо, тидыже нефтьым перерабатыватлыме келгытым 70 % марте кугемдаш, ыштен лукмо кугытым ешараш да лукмо продукцийын ассортиментшым 2 пачаш утлалан кумдаҥдаш йӧным пуэн.
2013 ий августышто ВТБ Банк вуйлатыше Андрей Костин «Россия зовёт» форумышто выступатлышыжла Марий НПЗ-н озаштым предприятий гыч оксам лукмылан да шонен пыштыме панкрутлыклан титаклен. 2014 ий тӱҥалтыште предприятийын администрацийже заводым банкротлан шотлашлан судыш йодмашым пуэн[2]. 2014 ий июньышто заводым уэш пашаш колтымо, но ынде тудым «Новый Поток» компаний-влак тӱшка вуйлаташ тӱҥалын. 2015 ийыште тиде тӱшка ВТБ деч заводын акцийжым налын[3]. Тыге, сделкын суммыжо 11,9 млрд теҥге лийын[4]. 2015 ийыште Марий нефтьым тулен колтышо заводым Марий нефтьым перерабатыватлыше завод манын вашталтен лӱмденыт.
Шийвундо ситыдымылан кӧра Марий НПЗ-ш нефтьым колтымаш 2019 ий мучко я кӱрылтын, я уэш тӱҥалын. 2019 ий сентябрьыште «Новый Поток» компанийын озаже Дмитрий Мазуров шотышто кредит оксам шолыштмыж нерген уголовный пашам тарватыме. 2019 ий ноябрьыште Марий нефтьым перерабатыватлыше завод Москосо кредит банк (МКБ) дене кылдалтше Парым рӱдер структурыш куснен[5].
Ыштен лукмаш
Тӱҥ паша корнылан нефтьым перерабатыватлымаш да шке нефть продуктым ужалымаш шотлалтеш. Предприятий идалыкыште 1,2 млн тонн утла нефтьым перерабатыватлен кертеш. Завод 12 тӱрлӧ нефть продуктым ыштен луктеш. Продукцийым Нидерландыш, Финляндийыш, Турцийыш, Литваш, Латвийыш, Италийыш колтат[6].
Палемдымаш
- ↑ Выпускаемая продукция. web.archive.org. Тергыме кече: 2 теле 2025.
- ↑ ВТБ выставил на продажу Марийский НПЗ за 6 млрд рублей. web.archive.org. Тергыме кече: 2 теле 2025.
- ↑ Расследование РБК: как знакомые президента и мэра Москвы занялись нефтью, РБК, 25.05.17, <https://web.archive.org/web/20170905153734/http://www.rbc.ru/magazine/2016/05/5718fad29a7947d6229f3e34>. Тергыме: 2 теле 2025.
- ↑ ВТБ пообещал увеличить прибыль до 200 млрд руб. в 2019 году, РБК, 21.09.16, <https://web.archive.org/web/20170425131542/http://www.rbc.ru/finances/21/09/2016/57e2990d9a7947579c299066>. Тергыме: 2 теле 2025.
- ↑ Эксперты оценили в $900 млн потери бюджета от «игры кодами» на мазуте (руш.). web.archive.org. Тергыме кече: 2 теле 2025.
- ↑ Энциклопедия Республики Марий Эл, 2009, с. 517.
Литератур
- Марийский нефтеперегонный завод // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 516—517. — 872 с. — 3505 экз. — ISBN 978-5-94950-049-1.