Куржшыеҥ-влакын тӱнямбал кечышт

Куржшыеҥ-влакын тӱнямбал кечышт ( ООН-ын моло официал йылмыла дене: англ. World Refugee Day, араб. اليوم العالمي للاجئين, ‎исп. Día Mundial de los Refugiados, кит. 世界难民日, фр. la Journée mondiale des réfugiés ) — Генерал Ассамблейын 2000 ий 4 декабрьысе 55/76 №-ан пунчал). 20 июньышто палемдалтеш.

Пунчалыште ончыктымо семын, ты шонымаш Африкысе иктеш улмо организаций (ОАЕ) дене келыштаралтын, молан манаш гын, тиде кечын 1969 ий гыч тӱҥалын, Африкысе куржшыеҥ-влакын тӱнямбал кечышт палемдалтын (2002 ийыште ОАЕ Африкан ушем дене алмашталтын).

Куржшыеҥ-влакын правашт 1951 ийыште пеҥгыдемдыме куржшыеҥ-влакын статусышт нерген конвенцийыште рашемдыме.

ООН-ын Генерал секретарьже 2006-шо ийысе Куржшыеҥ-влакын кечышт лӱмеш серышыштыже палемден: тӱняште куржшо-влакын чотышт 1980 ий гыч эн ӱлыкшӧ кӱкшытыштӧ улеш. ООН шке кумылын пӧртылмӧ шотышто шӱдӧ тӱжем наре еҥлан полышым пуэн. Туге гынат пелыже утла куржшо-влак вич ий утла поктен лукмаште илат.

Ий еда ООН-ысо Кӱшыл комиссарын куржшыеҥ-влак шотышто управленийже Нансенын премийжын лауреатшым палемда, тудо Куржшыеҥ-влакын тӱнямбал кечын кучыкталтеш.

Кече теме

2021 ий — «Пырля ме икте-весе верч тыршена, тунемына да волгалтына».
2020 ий — «Кажне ошкылын ыҥже уло»
2019 ий — «Куржшыеҥ-влак пелен ошкылым ыште»
2018 ий — «Кызыт мыланна утларак куржшыеҥ-влак могырыш шогалаш кӱлеш»
2017 ий — «Куржшыеҥ-влаклан ой, чумыр айдеме тукымнам чапландараш манын»
2016 ий — «Ме куржшыеҥ-влак дене пырля»
2015 ий — «Айста патырлык дене ушнена»
2014 ий — «Сар дене ойырлышо еш — тиде утыждене»
2013 ий — «Куржшо ешлан полшаш манын, 1 минутым муза»
2012 ий — «Куржшыеҥ-влаклан нимом сайлаш. Тый ыштет»
2011 ий — «Куржшыеҥын верыштышт лийза нуным умылаш икымше ошкылым ыштыза»
2010 ий — «Пӧрт»
2009 ий — «Чын еҥ-влак — чын нужналык»
2008 ий — «Кажне айдеме поктылмо деч утарыше верым йот элыште кычалаш да ты права дене пайдаланаш праван»
2007 ий — «У пӧрт, у илыш»
2006 ий — «Ӱшан тулым арален»
2005 ий — «Патырлык»
2004 ий — «Вер, кудым пӧрт манаш лиеш»
2003 ий — «Самырык беженец-влак: ончыкылыкым цементлымаш»
2002 ий — «Ӱдырамаш куржшо-влак»
2001 ий — «Пагалымаш»