Краснов, Василий Фёдорович

Василий Фёдорович Краснов
Василий Фёдорович Краснов
Шочмо кече	1899 ий 1 вӱдшор
Шочмо вер	Йошкарэҥер, Чарла уезд, Озаҥ губерний, Россий империй
Колымо кече	1980 ий 23 ӱярня (80 ий)
Колымо вер	Йошкар-Ола, Марий АССР, РСФСР, СССР
Пурымаш	Россий империй → СССР
Войскан родшо	пехото
Службо жап	1918—1920, 1941—1943
Званий

Василий Фёдорович Краснов (1 вӱдшор 1899, Йошкарэҥер, Чарла уезд, Озаҥ губерний, Россий империй — 23 ӱярня 1980, Йошкарэҥер, Морко кундем, Марий Автоном Совет Социализм Республик, РСФСР^[d], СССР) — марий совет сарзе да озанлык пашаеҥ. Российысе Граждан сарын да Кугу Ачамланде сарын салтакше. Ленин орденын кавалерже (1967).

Илыш корныжо

1899 ий вӱдшор тылзын 1-ше кечынже кызытсе Марий Эл Морко районысо Йошкарэҥер ялыште марий кресаньык ешеш шочын^[1]^[2]^[3].

Самырыкше годым кишым шолтышо артельыште пашам ыштен^[1]^[2].

Российысе Граждан сарын (руш.) (мар. салтакше: РККА-н 25-ше Чапаев дивизийын 223-шо лӱйкалыше полкын салтакше, Украин кумдыкышто Польшын, С. Петлюра сарзыж-влак ваштареш кредалын. 1920 ий теле тылзын 31-ше кечынже, сар кӱштымашым шуктымо годым, пленыш логалын, 17 гана штык дене сусыртеныт, но шылтыме пакетым дивизийын штабышкыже намиен шуктен^[1]^[2].

Демобилизаций деч вара шочмо верыштыже — Марий автоном кундемын Морко вел кооператив толкыным виктарыше-влак кокла гыч иктыже лийын: 1929—1935 ийлаште — «Полыш» эмгак-влак артельын, Коминтерн лӱмеш илышйӧн артельын, Арын сельпон председательже^[1]^[2].

1941 ийыште Йошкар Армийыш налме. Кугу Ачамланде сарын салтакше: 111-ше лӱйкалыше бригадын йошкарармеецше, 1943 ий сӱрем тылзын начаремше тазалыклан кӧра, комиссий гоч утарыме^[1]^[2]^[4].

Демобилизаций деч вара Марий АССР Морко вел сельпо да Кокласола ялсовет председатель лийын^[1]^[2].

Ленин орден да медаль-влак дене суапландарыме^[1]^[2].

Ешан, эргыже — философий шанче кандидат^?!, РСФСР тӱвыран сулло пашаеҥже (руш.) (мар. А. В. Краснов^[4].

1980 ий ӱярня тылзын 23-шо кечынже шочмо верыштыже колен, туштак тоеныт^[1]^[2].

Суаптар

Ленин орден (1967) — 1917—1922 ийлаште совет кучемым пеҥгыдемдымылан^[1]^[2]^[5]
«Владимир Ильич Ленинын шочмыжлан 100 ий теммеш лӱмеш» медаль (руш.) (мар. (1970)

Шарнымаш

Марий писатель Н. Лекайнын «Кӱртньӧ вий» романысе да марий драматург С. Николаевын «Латкандашымше ий» пьесысе сылнымут герой-влакын прототипше улеш^[1]^[2]^[3]^[5].

Палемдымаш

↑ ¹ ² ³ ⁴ ⁵ ⁶ ⁷ ⁸ ⁹ ¹⁰ Мочаев, 2017, с. 223.
↑ ¹ ² ³ ⁴ ⁵ ⁶ ⁷ ⁸ ⁹ ¹⁰ Энциклопедия Республики Марий Эл, 2009, с. 453—454.
↑ ¹ ² Краснояр (Йошкарэҥер) | Родная Вятка (неопр.). rodnaya-vyatka.ru. Тергыме кече: 22 шорыкйол 2026.
↑ ¹ ² Краснов Василий Федорович :: Память народа (неопр.). pamyat-naroda.ru. Тергыме кече: 22 шорыкйол 2026.
↑ ¹ ² Информационный ресурс Республики Марий Эл "12rus.ru" :: Моркинский район (неопр.). www.12rus.ru. Тергыме кече: 22 шорыкйол 2026.

Литератур

Краснов П. В. Краснов Василий Фёдорович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 189. — 2032 экз. — ISBN 5-87898-357-0.
Краснов Василий Фёдорович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 453—454. — 872 с. — 3505 экз. — ISBN 978-5-94950-049-1.
Краснов П. В. Краснов Василий Фёдорович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 223. — 606 с. — 1500 экз. — ISBN 978-5-905314-35-3.

[_d8af3d506f125f43-1] ¹ ² ³ ⁴ ⁵ ⁶ ⁷ ⁸ ⁹ ¹⁰ Мочаев, 2017, с. 223.

[_c2c29de6b99b597d-2] ¹ ² ³ ⁴ ⁵ ⁶ ⁷ ⁸ ⁹ ¹⁰ Энциклопедия Республики Марий Эл, 2009, с. 453—454.

[:0-3] ¹ ² Краснояр (Йошкарэҥер) | Родная Вятка (неопр.). rodnaya-vyatka.ru. Тергыме кече: 22 шорыкйол 2026.

[:1-4] ¹ ² Краснов Василий Федорович :: Память народа (неопр.). pamyat-naroda.ru. Тергыме кече: 22 шорыкйол 2026.

[:2-5] ¹ ² Информационный ресурс Республики Марий Эл "12rus.ru" :: Моркинский район (неопр.). www.12rus.ru. Тергыме кече: 22 шорыкйол 2026.

[1]

[2]

[3]

[4]

[5]