Качмашев, Геннадий Николаевич

Геннадий Николаевич Качмашев
Геннадий Николаевич Качмашев
Шочын	30 сорла 1919; Кугу Рэдэ[d], Шараҥге кундем, Котельнич округ[d], Горький край, РСФСР[d];
Колен	23 сорла 1978 (58 ий); Йошкар-Ола, Марий Автоном Совет Социализм Республик, РСФСР[d], СССР;
Партий	Совет Ушем Коммунист партий[d];
Шинчымаш	Е. А. Вагнер академик лӱмеш Пермьысе кугыжаныш медицине университет[d];
Награде	Йошкар-Олан чапланыше гражданинже[d] Марий АССР-ын сулло врачше[d]

Геннадий Николаевич Качмашев (30 сорла 1919, Кугу Рэдэ^[d], Горький край — 23 сорла 1978, Йошкар-Ола, Марий Автоном Совет Социализм Республик, РСФСР^[d], СССР) ― совет озанлык, кугыжаныш да политик пашаеҥ. РСФСР-ын сулло эмлызыже (1958)^[1].

Ӱмыргорныжо

1919 ийыште тачысе Угарман кундемысе Шараҥ вел Кугу Рэдэ (Кугу Рыдесола) ялысе туныктышын ешыштыже шочын. Пермь медицине институтым (руш.) (мар. тунем лектын (1941). 1943 ий гыч ВКП(б) член^[1].

Кугу Ачамланде сарын салтакше. 1945 ий гыч — озанлык, мер да политик пашаште. 1945—1978 ийлаште — Воронеж оласе 427-ше №-ан сар госпитальын хирургий пӧлкажын ординаторжо, Марий Элысе Республик эмлымверын хирургий пӧлкажын хирург-эмлызыже, тиде пӧлкан вуйлатышыже, Марий АССР-ысе Тазалык аралтыш министерствын тӱҥ хирургшо. Марий Эл Республикыште мӱшкыр хирургийлан негызым пыштыше^[1].

СССР Кӱшыл Каҥашын 7-ше созывысе депутатшылан сайлалтын (1966—1970)^[1].

1978 ийыште Йошкар-Олаште колен, Йошкар-Оласе Туруново шӱгарлаштыже тоялтын^[1].

Чаплӱм-влак да суаптар-влак

РСФСР-ын сулло эмлызыже (1958);
Марий АССР-ын сулло эмлызыже (1952);
Йошкар-Олан Чапланыше гражданинже (1977);
Паша Йошкар Тисте орден (1966);
Йошкар Шӱдыр орден (1943);
II степенян Ачамланде сар орден;
«Сарзылык суаплан» медаль;
«Пашаште ойыртемалтмылан» медаль (1953)^[1].

Шарнымаш

Йошкар-Олаште Республикысе эмлымверын зданийыштыже (Пролетарский урем, 60) шарнымаш оҥа.

Палемдымаш

↑ ¹ ² ³ ⁴ ⁵ ⁶ Марийская биографическая энциклопедия-2, 2017, с. 196.

Литератур

Александров Н. А., Двинянинов А. В., Мочаев В. А. Качмашев Геннадий Николаевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 196. — 606 с. — 1500 экз. — ISBN 978-5-905314-35-3.

Кылвер-влак

[_523cbdecd44d3196-1] ¹ ² ³ ⁴ ⁵ ⁶ Марийская биографическая энциклопедия-2, 2017, с. 196.

[1]