Интернетын писылыкшым тергыме сервис-влак

Интернетын писылыкшым тергыме сервис-влак
Лекме кече	2025

Интернетын писылыкшым тергыме сервис-влак (руш. Сервисы для проверки скорости интернета) — тиде онлайн-ӱзгар але мобил пеленлык (приложений)-влак, кудышт интернет-кылын тӱҥ ойыртемжым (параметржым) вискалат, мутлан, оптымо (загрузко) писылык (Download), пуымо писылык (Upload) да кучалтмаш (задержке) (Ping). Нуно кылын сайлыкшым аклаш, провайдерын тарифлан келшен толмыжым тергаш да сетьыште лекше йодышын амалжым пален налаш полшат.

Интернет-кылын писылыкшым тергашлан эн кумдан палыме сервис-влак кокла гыч иктыже Speedtest шотлалтын, 2025 ий 30 сӱремыште тудым Роскомнадзор петырен. Роскомнадзор тыгаяк российысе пеленлык (приложений)-влак дене пайдаланаш темлен.

Speedtest-ым петырымаш

Амал-влак

• 2024 ий 17 октябрьыште Калык-влак кокласе кыл академий (МАС) провайдер-влаклан Интернет писылыкым вискалыше американ SpeedTest сервис дене пайдаланымым чарнаш темлен.
• Темлымашым Госдумышто да ФСБ-ште сайлан шотленыт.
• Академийын эскерымыж почеш, SpeedTest-ым кучышо Ookla компаний США-н спецслужбыжо-влак дене чак пашам ыштен да кыл вапш-влак нерген уверым поген, кудым вара кибератакым ышташлан кучылташ лийын. Компаний Российыште налогым тӱлен огыл, россий ведомство-влакын да тӧртыкын йодмашыштым шуктен огыл, тыгак персонал уверым кучылтмо радамым пудыртылын.

Илышыш шыҥдарымаш

2025 ий 30 сӱремыште Роскомнадзор Интернет писылыкым вискалыме шотышто Speedtest американ сервис деке корным петырен. Ведомствышто российысе вес сервис-влак дене пайдаланаш темленыт.

Пысылыкым тергаше сервис-влак кузе пашам ыштат

Кылын паша писылыкшым тергашлан российысе да йотэлысе Speedtest аналог-влакым кучылташ лиеш.

Вискалыме тӱҥ ойыртем-влак:

• Оптымо (загрузка) писылык (Download): Интернетысе уверын тендан ӱзгарышкыда кунар писын толмыжым ончыкта (мутлан, фильм-влакым оптымаш але сайт-влакым почмаш). Мбит/с дене вискалалтеш. Числа кунар кугурак, тунар сай.
• Пуымо писылык (Upload): тыйын ӱзгар гыч кылыш увер-влакым колтымо писылыкым ончыкта (мутлан, фотосӱретым облакыш оптымаш але видеойыҥгыр-влак). Тыгак Мбит/с дене висалтеш.
• Пинг (Ping): серверын миллисекунд дене (мс) вашештыме жапше. Изи пинг (<50 мс) онлайн-модмаш-влаклан да видеоконференций-влаклан йӧндымӧ. 100 мс деч кӱкшырак числа-влак чаракым ыштат.
• Ешартыш ойыртем (метрик)-влак: южо сервис-влак джиттерым (пингын лӱҥгалтмыжым) да пакет-влакын йоммыштым вискалат.

Сервис-влак тӱрлӧ сомылым шуктымышт рашлыкышт, да кылым ыштен кертмышт шотышто ойыртемалтыт.

Российысе сервис-влак

ПроСеть

«ПроСеть» пеленлыкым Тӱшкан пайдаланыме кыл шотышто мониторинг да виктарыше рӱдерын (ЦМУ ССОП) пашаеҥже-влак ямдыленыт. Rustore гыч тулен лукташ лиеш.

ПроСеть

Шуктымо пашаже:

• Интернет корнын писылыкшым терга;
• мобил кылыш ушнымо негызеш кылын сайлыкшым акла;
• интернет йӧн-влак дене пайдаланаш лиймым терга;
• увер-влакым колтымаште чаракым терга, да увер-влакын эртыме корныштым эскера;
• IP-пакет-влакын корныштым эскера.

Интернетометр

«Яндекс» гыч «Интернетометрыш» писылыкым вискалыше, тудо веб-сервис семын пашам ышта. Пайдаланаш тӱҥалме деч ончыч сетьыш лекше чыла программым петырыман.

Интернетометр

Шуктымо пашаже:

• пурымо да лекме кылын писылыкшым, кундемым, браузерын могай улмыжым, техник ӱзгарын ойыртемжым да экранын ончыктен кертме йӧнжым (разрешений) рашемда;
• IPv4-адресым але IPv6-адресым палемда.

2IP

Руш йылман 2ip сервис кышкарыште 50 сервер уло, нуно тӱҥ шотышто Российыште верланеныт, тыгак икмыняр европысо да ик америкысе уло. Интерактив картыште тергашлан кӱлешан серверым ойырен налаш лиеш.

2IP

Шуктымо пашаже:

• пурымо, лекме кылын писылыкшым да пингым тергаш;
• IP-адресым палаш;
• кучылтмо сервер нерген увер-влакым ончыкташ.

Линкметр

Ачамландысе «Линкметр» сервис «Вектор-2019» вискалыше кышкар негызеш ямдылалтын. Веб-версийже денат пайдаланаш лиеш.

Линкметр

Шуктымо пашаже:

• пурышо да лекше трафикын писылыкшым вискалаш;
• пингым палемдаш;
• тергымашым (тестым) эрташ серверым ойыра.

Мегабитус

Российысе TelecomDaily компанийын «Мегабитус» сервисшым веб-версийыште да мобиль пеленлык семын кучылташ лиеш.

Мегабитус

Шуктымо пашаже:

• пурымо, лекме кылын писылыкшым да пингым вискалаш;
• кылын пашаже утыжден улмылмылан (перегрузко) кӧра, пакет-влакын толмо кокласе кӱрыдтышым (задержкым) ончыкташ;
• уверан пакет-влакын йоммо ужашыштым палемдаш.

QMS

«Ростелеком» деч QMS сервис веб-версийыште пашам ышта.

QMS

Шуктымо пашаже:

• увер-влакым оптымо да пуымо писылыкым, провайдерым да IP-адресым ончыктымаш;
• пингын вашталтмыж нерген уверым пуымаш;
• кылысе пакет-влакын эртымыштым эскерымаш.

Тыгаяк йотэлысе пеленлык-влак (Российыште кучылташ лийме)

Speedcheck

Руш йылман американ Speedcheck сервис Интернет писылыкым пайдаланышын налме верже гыч провайдер-компанийын серверже марте изи кужытым гына огыл, уло маршрут мучко тергаш йӧным ышта. Браузерыште, тыгак Android да iOS-лан мобил пеленлык семын кучылташ лиеш.

Speedcheck

Шуктымо пашаже:

• пурышо да лекше кылын писылыкшым, тыгак пингым акла;
• оптымо да тулен налме писылыкым терга.

OpenSpeedTest

OpenSpeedTest сервис Html5 веб-разметкын пытартыш версийже негызеш чоҥалтын, сандене тудо кеч-могай браузерыште да кеч-могай платформышто пашам ышта.

OpenSpeedTest

Шуктымо пашаже:

• уверым тулен налме, колтымо писылыкым, серверын кушто верланымыжым да провайдерын лӱмжым ончыкта;
• пингым да тудын лӱҥгалтмыжым (колебанийжым) палемда.

Fast.com

Netflix гыч Fast.com пеленлык Интернет писылыкым писын тергашлан ышталтын. Веб-версийыште пашам ышта, диагностике клик почеш ышталтеш.

Fast.com

Шуктымо пашаже:

• уверымо погымо да колтымо писылыкым вискала;
• увер кучалтме нерген шижтара.

Meteor

Meteor программе iOS да Android пеленлык семын пашам ышта.

Meteor

Шуктымо пашаже:

• увер-влакым погымо да колтымо писылыкым да пингым вискала;
• Интернет писылыкын посна пеленлык-влакын (YouTube, WhatsApp) пашаштлан кузе полшымым увертара.

Сервис-влакым таҥастарыме таблице

Сервисын лӱмжӧ	Эл	Вереж (платформо) (веб/мобильный)	Шуктымо тӱҥ пашаже
ПроСеть	Россий	Android	IP-пакет-влакын корныштым эскераш
Интернетометр	Россий	Веб-сервис	IPv4-адресым але IPv6-адресым палемдаш
2IP	Россий	Веб-сервис	Кучылтмо сервер нерген увер
Линкметр	Россий	«Вектор-2019». Веб-версий	Тергымашлан серверым ойыраш
Мегабитус	Россий	Мобил да веб-версий	Увер пакет-влакын йоммо процентшым палемдаш
QMS	Россий	Веб-версий	Кылысе пакет-влакын эртымыштым эскерымаш
Speedcheck	США	Android да iOS Мобил да веб-версий	Оптымо паша годым тулымо писылыкым тергаш
OpenSpeedTest		Html5 Мобил да веб-версий	Пингым да тудын лӱҥгалтмыжым палемдаш
Fast.com	США	Веб-версий	Кӱрылтыш, вучымо нерген уверым эскераш
Meteor		Android да iOS	Интернет писылыкын посна пеленлык-влакын пашаштлан йӧным ыштымыж нерген увер

Интернет писылыкым кузе тергаш

• чын уверым пален налашлан, мешаньчыкым кораҥдаш манын, кабелян кылыш ушнаш кӱлеш, а Wi-Fi гоч огыл;
• Интернетым кучылтмо чыла программым (торрент, мессенджер, VPN) петырыман;
• эн лишыл серверым ойырыман;
• чын сӱретым палашлан, суткан тӱрлӧ жапыштыже 2-3 гана вискален ончыман.

Интернет писылыкым тергыме сервис-влак провайдер дене келшыкыште (договорышто) ончыктымо кыл писылыкым пеҥгыдемдаш кӱлыт. Тыгак онлайн-ӱзгар-влак кӱкшӧ пингым да изи лектышым пален налыт — тиде стриминг годым кӱрылтышын тӱҥ амалже.

Палемдымаш