Диянская, Галина Петровна
| Галина Петровна Диянская | |
|---|---|
 | |
| Шочмо кече | 1950 ий 10 теле |
| Шочмо вер | Васли почиҥга ял |
| Колымо кече | 1999 ий 18 вӱдшор (48 ий) |
| Колымо вер | Москва |
| Гражданлык |
 СССР →  Россий |
| Паша сомыл | тифлокнигагудовед |
Галина Петровна Диянская (Киткаева; 10 теле 1950, Васли почиҥга, Марий Автоном Совет Социализм Республик — 18 вӱдшор 1999, Моско) — сокырлык дене эмгак лийше еҥ-влаклан полшышо совет да россий пашаеҥ, тифлокнигагудовед. Педагогике шанче доктор (1999; колымыж деч вара), педагогике шанче кандидат (1990).
Илыш корныжо
1950 ий 10 декабрьыште Васли почҥга ялыште шочын, шочмыж деч вара еш Москваш илаш куснен, школым шӧртньӧ медаль дене тунем пытарен. 1968 ийыште МГИК-ыш тунемаш пурен, тудым 1972 ийыште визытан дене тунем пытарен. Тунем пытарыме деч вара 1972 ий гыч 1975 ий марте Моско да Моско кундемын тӱрлӧ книгагудыштыжо пашам ыштен. 1975 ий гыч сокыр-влаклан полшышо тӱрлӧ тӧнежлаште тыршен.
Икмыняр проектым илышыш шыҥдарен, кокытшо дене йот эллаштат палыме улыт — «Самырык-влакын „Сеҥымаш“ клубышт» да «Тифологий дене электрон мутер». 1999 ий 19 мартыште «Ужмо шотышто эмгак улшо еҥ-влаклан тифлокнигагудоведенийыште да книгагудышто икгай йӧным ыштыме принцип-влак» теме дене докторлык диссертацийым арален[1]. 1999 ий 18 апрельыште пашаште утыжден да шуко жап каныш деч посна тыршымылан кӧра, жап шудеак, вуйдорыкыш вӱр йогымо дене колен. 1999 ий 25 июньышто, колымыж деч вара, педагогике шанче докторын степеньжым пуымо. Шанче пашаже-влак сокыр да начарын ужшо-влаклан полышым пуымо шотышто книгагудысо пособий семын кучылталтыт.
Шарнымаш
РГБС-ште кажне ийын 10 декабрьыште тудын шанче пашаж-влак ончерым чумырат, а кажне 5 ий гыч, лӱмгече кече годым, пагален, шарнымаш касым эртарат, тыгак тудын кугу лектышан илышыж нерген каласкалат[2].
Шанче паша
Тӱҥ шанче пашаже-влак сокыр да начар ужшо еҥ-влаклан книгагудысо да уверым, полышым пуымо йодыш-влаклан пӧлеклалтыныт. 50 утла шанче пашан авторжо.
Палемдымаш
- ↑ Диянская, Галина Петровна. Принцип равных возможностей в тифлобиблиотековедении и библиотечном обслуживании инвалидов по зрению // disserCat. — 1998.
- ↑ К 65-летнему юбилею Г. П. Диянской Архивысе копий 12 идым 2016 гыч.
Литератур
- Колесников А. Ю. Диянская (Киткаева) Галина Петровна // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 124. — 606 с. — 1500 экз. — ISBN 978-5-905314-35-3.