Гурьянов, Николай Яковлевич

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Гурьянов.
Гурьянов Николай Яковлевич
Гурьянов, Николай Яковлевич.jpg
Шочмо кече 1905 ий 27 сӱрем(1905-07-27)
Шочмо вер Майдан ял (кызыт Юрино район, Марий Эл Республик, Россий)
Колымо кече 1945 ий 30 ӱярня(1945-03-30) (39 ий)
Колымо вер Руптава илымвер, Силез воеводство, Польшо
Войскан родшо СССР теҥыз пехото
Службо жап 1925—1928, 1941—1945
Званий Кугурак сержант
Часть 1-ше посна стрелковый батальон, 69-ше теҥыз стрелковый бригаде, Карел фронт
Командоватлен отделений командир
Кредалмаш/сар Кугу Ачамланде сар
Награде да премий

Николай Яковлевич Гурьянов (1905 ий 27 июль [9 август], Юрино район, Марий АССР — 1945 ий 30 март, Силез воеводство) — 69-ше теҥыз стрелковый бригадын 1-ше посна стрелковый батальонысо отделений командир (Карел фронт), кугурак сержант, Кугу Ачамланде сарын участникше[1], кум степенян Чап орденын кавалерже.

Биографий

1905 ий 27 июльышто Майдан ялыште (тений Марий Эл Республик Юрино районысо) пашазе ешеш шочын. Руш. 6 классым тунем пытарен. Колхозышто, вара «Шудым ямдылымаш» организацийыште пашам ыштен[2].

1925-1928 ийлаште Йошкар Армийыште службым эртен. 1941 ий июньышто Юрино райкомат уэш армийыш налын. Сӧй корным Касвел фронтышто тӱҥалын, 1941 ий сентябрьыште нелын сусырген. Фронтыш 1944 ий кеҥежым гына пӧртылын. Тылеч вара Карел фронтышто 69-ше теҥыз стрелковый бригадын 1-ше посна стрелковый батальоныштыжо кредалын, отделений командир лийын. 1944 ий гыч КПСС член[1].

1944 ий 19 гыч 21 июнь йотке Свирьстрой посёлкым (Ленинград областьысе Лодейное Поле район) утарыме верч кучедалме годым старший сержант Гурьянов шке пулемёт расчётшо дене тушманын станковый пулемётшытидлан кӧра стрелковый взвод сеҥымашке шуын. Умбакыже шке пулемёт тулжо дене посёлко тӱрым налаш полшен. 1944 ий 17 июльышто Сувилахти илыме вер деч (Карелий) 24 км кечывалвел-касвелнырак тушманын аралтышыштыже тактике шот дене кӱлешан кӱкшакам руалтен налмаште лийын. Сусырген, но кредалмаш пытымеш стройышто кодын[1].

127-ше куштылго стрелковый корпусын сарзывийышт мучко 1944 ий 27 июльысо приказ почеш (012 №) старший сержант Гурьянов Николай Яковлевич 3-шо степенян Чап орден дене суапландаралтын[2].

1944 ий 26-28 июльышто Елолампи ер кундемыште (Суоярви ола деч йӱдвел-касвелнырак, Карелий) старший сержант Гурьянов ручной пулемёт гыч тул дене тушманын аралтышыжыне ончыл тӱржым кӱрлаш йӧным ыштен. Тушманым поктышыжла 20 утла финн салтакым пытарен[1].

32-шо армийын сарзывийже мучко 1944 ий 8 сентябрьысе приказ почеш (457 №) старший сержант Гурьянов Николай Яковлевич 2-шо степенян Чап орден дене суапландаралтын[2].

Свирьысе-Петрозаводскысо операцийым пытарымек, 1944 ий сентябрь кыдалне, бригадым Заполярьеш Мурман велыш кусарыме, тыште Петсамысе-Киркенесысе ончык кайыме операцийыште участвоватлен[1].

1944 ий 11-22 октябрьыште сӧй кайыме годым старший сержант Гурьянов отделений дене Луотсари илыме вер кундемыште (Мурман областьысе Печенге район) Петсамо-Йоки эҥерым эн ончыл-влак коклаште вончен сеҥен. Шке пулемётшын вучыдымо тулжо дене вес серым аралыше тушманым шӱкал кудалтен. Шке тыршымыже дене батальонлан вӱд чаракым сеҥаш йӧным ыштен[1].

СССР Кӱшыл Каҥаш Президиумын 1945 ий 24 мартысе Указше почеш старший сержант Гурьянов Николай Яковлевич 1-ше степенян Чап орден дене суапландаралтын. Чап орденын тичмаш кавалерже лийын[2].

Тиде награде кучыкталтде кодын. Тудын кредалме бригаде, 69-ше курык-стрелковыйыш пужен ыштымек, 2-шо Белорус фронтыш кусаралтын, Польшым утарыме годым сӧй тыршымашыште лийын[1].

1945 ий 30 мартыште сӧйыштӧ колен. Руптава илыме верыште (Силез воеводство, Польшо) тойымо. Польшысо Силез воеводствын Ястшембе-Здруй олаштыже Гура Вызволеня (Утарымаш курык, кызыт Божа Гура Права) уремыште сарзе-влакын шӱгарлаштышт иза-шольо шӱгарыш кусарен тойымо[1].

Награде-влак

  • II степенян Ачамланде сар орден (30.01.1945)[3]
  • 1-ше степенян Чап орден (24.03.1945)[4]
  • 2-шо степенян Чап орден (08.09.1944)[5]
  • 3-шо степенян Чап орден (27.07.1944)[6]
  • «Совет Заполярьем аралымылан» медаль (7.06.1944)[7]

Шарныш

Петрозаводск олаште тудын лӱмжым «Карел фронт 1941—1944» мемориалыште курымлымо.

Палемдымаш

  1. ↑ 1 2 3 4 5 6 7 8 Сергей Каргапольцев. Гурьянов (руш.). Сайт «Герои страны».
  2. ↑ 1 2 3 4 Министерство обороны Российской Федерации. Николай Яковлевич Гурьянов. (руш.). Тергыме кече: 5 ага 2020.
  3. ↑ Гурьянов Николай Яковлевич :: Память народа (руш.). pamyat-naroda.ru. Тергыме кече: 27 сӱрем 2021. Архивлыме 27 сӱрем 2021 ий.
  4. ↑ орден Славы 1-й степени Наградной лист в электронном банке документов «Подвиг народа».
  5. ↑ Строка в наградном списке к ордену Славы 3-й степени Наградной лист в электронном банке документов «Подвиг народа».
  6. ↑ Строка в наградном списке к ордену Славы 3-й степени Наградной лист в электронном банке документов «Подвиг народа».
  7. ↑ медаль «За оборону Советского Заполярья» Наградной лист в электронном банке документов «Подвиг народа».

Литератур

  • [az-libr.ru/Persons/000/Src/0003/a827b0dd.shtml Кавалеры ордена Славы трёх степеней: Краткий биографический словарь] / Пред. ред. коллегии Д. С. Сухоруков. — М.: Воениздат, 2000. — 703 с. — ISBN 5-203-01883-9.
  • Смирнов А. Н. Через всю войну в морской пехоте / А. Н. Смирнов. — СПб., 2001. — 62 с.; 18 с. вкл.
  • Мочаев В. А. Гурьянов Николай Яковлевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 101. — 2032 экз. — ISBN 5-87898-357-0.
  • Гурьянов Николай Яковлевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 323. — 872 с. — 3505 экз. — ISBN 978-5-94950-049-1.
  • Гурьянов Николай Яковлевич // История Марийского края в лицах. 1941—1945 гг. Великая Отечественная война. — Йошкар-Ола: МарНИИЯЛИ, 2015. — С. 69—70. — 374 с. — 500 экз. — ISBN 978-5-94950-070-5.
  • Мочаев В. А. Гурьянов Николай Яковлевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 117. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Гурьянов,_Николай_Яковлевич&oldid=1169349" гыч налме