Аитов, Булат Юсупович

РУВИКИ — эрыкан энциклопедий гыч материал
Булат Юсупович Аитов
Аитов, Булат Юсупович.jpg
Шочмо кече 1929 ий 30 идым(1929-09-30)
Шочмо вер Озаҥ, Татар АССР, РСФСР, СССР
Колымо кече 2018 ий 21 кылме(2018-11-21) (89 ий)
Колымо вер Йошкар-Ола, Марий Эл, Россий
Гражданлык  СССР →  Россий
Паша сомыл чоҥышо, инженер, депутат
Награде да премий

Булат Юсупович Аитов (30 идым 1929, Озаҥ, РСФСР[d], СССР — 21 кылме 2018, Йошкар-Ола, Марий Эл Республик, Россий) — совет чоҥышо, инженер. СССР-лан 50 ий темме лӱмеш Марий чоҥышо трестын (Марстройтрестын) вуйлатышыже (1968—1986), «Марагрострой» ушем председательын икымше алмаштышыже (1986—1990). Марий АССР Йошкар-Ола олаште 4000 утла оралтым (Сеҥымашлан XXX ий темме лӱмеш тӱвыра полат, Политпросвещений пӧрт, Виктер пӧрт, ужга фабрике да молат) чоҥымаште тыршен да вуйлатен. РСФСР-ын сулло чоҥышыжо (1979). Марий АССР Кугыжаныш премийын лауреатше (1975). КПСС йыжъеҥ.

Илыш корно

1929 ий 30 сентябрьыште Озаҥыште шочын[1][2].

1952 ийыште Озаҥысе чоҥымаш институтым тунем пытарен[1][2].

1954 ийыште Йошкар-Олаш толын: кугурак прораб, тӱҥ инженер, 1968 ий гыч — Марстройтрестын вуйлатышыже. 1986 ий гыч «Марагрострой» ушемыште пашам ыштен: председательын икымше алмаштышыже, Директор-влак Каҥашын йыжъеҥже. 4000 утла оралтым чоҥымаште тыршен да вуйлатыше лийын, нунын коклаште Йошкар-Оласе Сеҥымылан XXX ий темме лӱмеш Тӱвыра полат, Политпросвещений пӧрт, Виктер пӧрт, ужга фабрике[1][2].

Мер-политике пашам вӱден, 1971—1990 ийлаште — Марий АССР Кӱшыл Каҥашын  (руш.) (мар. VIII—XI созывласе депутатше[1][2][3][4][5][6].

Тыгак Йошкар-Оласе пашазе депутат-влак ола Каҥашын VIII, IX, XI, XII созывласе депутатше лийын[7].

Чоҥымо пашам вияҥдымашке пыштыме надырлан Пашан Йошкар Тистыже кок орден да «Почёт Тамга» кок орден, тыгак Марий АССР Кӱшыл Каҥаш Вуйверын кок Чаптаныкше дене суапландаралтын. 1975 ийыште Марий АССР Кугыжаныш премийын лауреатше лийын. 1979 ийыште «РСФСР-ын сулло чоҥышыжо» чаплӱмым пуымо[1][2].

2018 ий 21 ноябрьыште Йошкар-Олаште илыш дене чеверласен[7].

Званий да награде-влак

Палемдымаш

  1. ↑ 1 2 3 4 5 6 7 8 9 10 11 Мочаев, 2007, с. 16.
  2. ↑ 1 2 3 4 5 6 7 8 9 10 11 Энциклопедия Республики Марий Эл, 2009, с. 215.
  3. ↑ Официальный сайт Госсобрания Республики Марий Эл. old.gsmari.ru. Тергыме кече: 2 пургыж 2026.
  4. ↑ Вручены награды Государственного Собрания. yoshkarola.bezformata.com. Тергыме кече: 2 пургыж 2026.
  5. ↑ Материалы сорок второго юбилейного Дня депутата, посвященного 75-летию законодательной власти Марий Эл (стр. 3 ) | Контент-платформа Pandia.ru. pandia.ru. Тергыме кече: 2 пургыж 2026.
  6. ↑ Государственного Собрания Республики Марий Эл - Постановление Государственного Собрания Республики Марий Эл четвертого... geum.ru. Тергыме кече: 2 пургыж 2026.
  7. ↑ 1 2 Булат Юсупович Аитов (руш.). www.marpravda.ru. Тергыме кече: 2 пургыж 2026.

Литератур

  • Аитов Булат Юсупович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 16. — 2032 экз. — ISBN 5-87898-357-0.
  • Аитов Булат Юсупович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 215. — 872 с. — 3505 экз. — ISBN 978-5-94950-049-1.
  • Мочаев В. А. Аитов Булат Юсупович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 14. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Аитов,_Булат_Юсупович&oldid=1232668" гыч налме